Zekadia

4 “Yehova Leza wami wanena namino amba, ‘Kumba luombe lwa kutapibwa,+ 5 lutapwa na bampotyi balo+ ino kulambikwa mambo mpika. Kadi boba belupoteja+ banena’mba, “Yehova atendelwe, mwanda nsa kupeta.” Kadi bakumbi balo kebelwivwaninangapo lusa.’+

6 “‘Mwanda nkikafwilapo monka lusa bekadi ba ntanda’ya,’ i Yehova unena. ‘Ebiya nkaponeja muntu ense mu kuboko kwa mukwabo ne kwa mulopwe wandi; kadi bakavingakanya ntanda, nami nkikebakūlapo ku kuboko kwabo.’”

7 Nashilula kukumba luombe lwa kutapwa,+ pa mwanda wenu, banwe ba mu luombe bamweshibwa malwa. Penepo nayata mikombo ibidi, umo newita bu Buya, mukwabo nao bu Bumo,+ kadi nashilula kukumba luombe. 8 Kadi napanga bakumbi basatu mu kweji umo, mwanda ami* nakomenwe kwibatūkijija mutyima, kadi nabo* baunshikilwe. 9 Ebiya nanena’mba: “Nkikemukumbepo nyeke. Yewa ufwa afwe, yewa oneka nandi oneke. Ino boba bashala, bedye mwita abo bene na bene.” 10 Penepo nayata mukombo wami witwa bu Buya,+ neutyumuna, natyiba kipwano kyami kyonasambile na bantu bonso. 11 Penepa kyatyibika mu dine difuku’dya, kadi boba ba mu luombe bamweshibwa malwa badi bantala bayuka’mba i kinenwa kya Yehova.

12 Penepo nebanena’mba: “Shi mumona’mba i biyampe, nankyo mpei mfutwa yami; shi bitupu, pelai nayo.” Nabo bafuta* mfutwa yami, bibese 30 bya ndalama.+

13 Ebiya Yehova waunena’mba: “Ela’yo mu kibīko kya byabulēme—bulēme bukatampe bobandēmeka nabo.”+ Penepo nayata bibese 30 bya ndalama, nebyela mu kibīko kya byabulēme kya ku njibo ya Yehova.+

14 Ebiya natyumuna mukombo wami wa bubidi, witwa bu Bumo,+ natyiba bu bana na bana pa bukata bwa Yuda ne Isalela.+

15 Yehova waunena’mba: “Shi ke pano, yata bingidilwa bya mukumbi wa bituputupu.+ 16 Mwanda nsa kuleka mukumbi emane mu ntanda’ya. Kakatalepo mikōko yoneka;+ kakakimbepo myana nansha kundapa yoya mitapwe+ bilonda nansha kudisha yoya ibwanya kwimana. Ino, udyanga mwita wa owa munune+ ne kulala mikono ya mikōko.+

17 Malwa andi mukumbi wami wa bituputupu,+ ushiya luombe!+

Kipete kikakupila kuboko kwandi ne diso dyandi dya ku lundyo.