Zekadia

12 Musapu:

2 “Nsa kulonga Yelusalema ke kitomeno* kilundukija bantu bonso bamujokolokele; kadi kukekala kasāla pa Yuda ne pa Yelusalema pene.+ 3 Mu dyodya difuku, nkalonga Yelusalema ke dibwe dilēma ku bantu bonso. Bine boba bonso beditekuna baketapa bilonda bibibibi;+ kadi mizo yonso ya pa ntanda ikamwibungila.+ 4 Mu dyodya difuku,” i Yehova unena, “nkakwatyija kabalwe konso moyo ne kubeleka yewa ukandile’po bulubi. Nkabambila meso ami pa njibo ya Yuda, ino nkela tubalwe tonso twa bantu kafi. 5 Kadi bamfumu* ba Yuda bakanena mu mutyima wabo amba, ‘Bekadi ba Yelusalema i bukomo bwami kupityila kudi Yehova wa bibumbo Leza wabo.’+ 6 Mu dyodya difuku nkalonga bamfumu ba Yuda bekale pamo bwa kisuku kya mudilo mu mityi ne pamo bwa kyenge kya mudilo mu mulongo wa miseke mikete,+ kadi bakaloteja bantu bonso bajokolokele ku lundyo ne ku lunkuso;+ Yelusalema ukekalwa monka mu kifuko kyandi,* mu Yelusalema.+

7 “Kadi Yehova ukapandija bidi mapema a Yuda, kutyina’mba buya* bwa njibo ya Davida ne buya* bwa bekadi ba Yelusalema bwakabaila Yuda bininge. 8 Mu dyodya difuku, Yehova ukalwila bekadi ba Yelusalema ku mitamba yonso;+ mu dyodya difuku yewa ukukala* mu bukata mwabo ukekala pamo bwa Davida, njibo ya Davida nayo pamo bwa Leza, pamo bwa mwikeulu wa Yehova wenda ku meso abo.+ 9 Kadi mu dyodya difuku, bine nkatukija fututu mizo yonso īya kulwa Yelusalema.+

10 “Nkapungulwila mushipiditu wa kutōkelwa mutyima ne wa kuzenza pa njibo ya Davida ne pa bekadi ba Yelusalema, kadi bakatala yewa obatapile,+ bakamudila miyoa pamo bwa abo badila mwana umo kete; kadi bakamwivwanina njia mibimibi pamo bwa abo bevwanina’yo mwana umbedi. 11 Mu dyodya difuku, miyoa ya mu Yelusalema ikabaya pamo bwa miyoa ya ku Hadadedimone mu Dilungu dya Mekido.+ 12 Kadi ntanda ikayoyokota, kisaka ne kisaka pakyo, kisaka kya njibo ya Davida pakyo, babo bana-bakaji nabo pabo; kisaka kya njibo ya Natana+ pakyo, babo bana-bakaji nabo pabo; 13 kisaka kya njibo ya Levi+ pakyo, babo bana-bakaji nabo pabo; kisaka kya bene Shimei+ pakyo, babo bana-bakaji nabo pabo; 14 ne bisaka byonso bishele’ko, kisaka ne kisaka pakyo, babo bana-bakaji nabo pabo.