Isaya

7 Penepo mu mafuku a Ahaza+ mwanā Yotama mwanā Uzia, mulopwe wa Yuda, Lezina mulopwe wa Shidea ne Peka+ mwanā Lemadia, mulopwe wa Isalela, bakanda kulwa divita na Yelusalema, inoko aye* kabwenyepo kwikikwata.+ 2 Basapwila njibo ya Davida amba: “Ba bulwi ba Shidea abelunga na ba Efelaimi.”

Kadi mutyima wa Ahaza ne mutyima wa bantu bandi keuzakala, pamo bwa mityi ya ditó ijina na kivula.

3 Penepo Yehova wanena Isaya amba: “Nakwisāshila, tamba ukasambakane Ahaza, abe ne Shealu-Yashube*+ obe mwana, ku mfulo kwa mukola* wa kijiba kya kungala+ dya ku dishinda dikatampe dya budimi bwa muntu ukendanga bisandi. 4 Kamulombole’mba, ‘Tá mutyima wikale talala. Kokakwatwa moyo, kadi kokatyumukwa mutyima pa mwanda wa bino bitako bibidi bya nkuni ifituka mwishi, pa mwanda wa bulobo bukatampe bwa Lezina ne Shidea ne mwanā Lemadia.+ 5 Ke-pantu Shidea ne Efelaimi ne mwanā Lemadia abakukutyila kitumba kibi kebanena amba: 6 “Longai tukandile Yuda, tumutyibe bipindibipindi* ne kumunekenya,* kadi tubikike mwanā Tabele ke mulopwe wandi.”+

 7 “‘Mfumu Mwinē Lupusa Lonso Yehova wanena namino amba:

10 Yehova wanena Ahaza monka’mba: 11 “Lomba kiyukeno kudi Yehova Leza obe;+ kibwanya kwikala na mushike pamo bwa Kibundu,* nansha kilampe pamo bwa mūlu.” 12 Ino Ahaza walondolola’mba: “Nkisapo kulomba’kyo nansha kutūla Yehova pa ditompo.”

13 Penepo Isaya wanena’mba: “A njibo ya Davida, nakwisāshila, ivwana. Le kutompa komwatompa kitūkijetyima kya bantu kekubwenepo? Le kemutompa ne kitūkijetyima kya Leza kine?+ 14 O mwanda, Yehova aye mwine usa kwimupa kiyukeno: Tala! Nsongwakaji* ukemita dīmi ne kubutula mwana mwana-mulume,+ ukamwinika bu Emanyuele.*+ 15 Ukadya buleba ne būki kitatyi kyakayuka kupela kibi ne kutonga kiyampe. 16 Mwanda, kumeso kwa mwana’wa kuyuka kupela kibi ne kutonga kiyampe, ntanda ya balopwe babidi botyina’bo ikelwa lonso.+ 17 Yehova ukakuletela abe ne bantu bobe ne njibo ya shobe kitatyi kimo kekyaikele’ko kashā tamba mu difuku dyanyemene Efelaimi ku Yuda,+ mwanda Aye ukaleta mulopwe wa Ashidia.+

18 “Mu dyodya difuku Yehova uketa mu muluji nji ya ku tuminonga twa kulampe twa Nile wa Edipito ne nyuki mu ntanda ya Ashidia, 19 kadi yonso ikāya ne kutumba pa misanza* milamila, pa mpako ya mabwe, pa bimuna byonso bya miba ne pa bifuko byonso patomwa mema.

20 “Mu dyodya difuku, na bwembe bwajime ku ntanda ya Munonga,* na mulopwe wa Ashidia,+ Yehova ukatenda mutwe ne myoya ya ku maulu, kadi bukatalula ne myevu mine.

21 “Mu dyodya difuku muntu ukapandija ñombe mukaji mwana wa mu luombe ne mikōko ibidi. 22 Kadi pa mwanda wa mabele mangi, aye ukadya buleba, mwanda muntu ense ukashala mu ntanda ukadya buleba ne būki.

23 “Mu dyodya difuku konso kwadi miñanza 1 000 ya bulēme bwa bibese 1 000 bya ndalama, kukekala’nka bimuna bya miba ne biyombo bityani. 24 Bantu bakenda’ko na buta bwa miketo ne muketo, mwanda ntanda yonso ikekala ke bimuna bya miba ne biyombo bityani. 25 Kadi ngulu yonso yadi idimwa na lukasu, kukafwena’kopo motyina bimuna bya miba ne biyombo bityani; bikekala ke mwa kudya bañombe ne nshi ya kutyampakanya mikōko.”