Bambutwile, Pai Benu Bana Mikenga Milumbuluke ya Kunekenya

Bambutwile bakaminwe Leza basangalanga pa kumona babo bana bengidila Yehova na kikōkeji. Bambutwile babwanya kwibakwasha balonge namino na kukomeneja bufundiji bwa mu Bible mu mityima ya babo bana tamba pobakidi banuke. (Kup 6:7; Nki 22:6) Le kino kilombanga kwipāna? Bine i amo! Inoko kulonga buno bukomo kuletanga mpalo mivule.​—3Yo 4.

Bambutwile babwanya kuboila ñeni mivule ku ba Yosefa ne Madia. Bādi “bebidile kwenda mwaka ne mwaka ku Yelusalema ku masobo a Pashika,” nansha kulonga namino byokwādi kwibalomba kujimija bukomo ne lupeto. (Luk 2:41) Mobimwekela, bādi babadikije kumeso bisakibwa bya ku mushipiditu bya kyabo kisaka. Mo monka ne bambutwile dyalelo, bakokeja kuludikila babo bana mu dishinda dyoloke na kukwatakanya mukenga o-onso wa kwibafundija na binenwa ne na kimfwa kyabo.​—Ñi 127:3-5.

TALAI VIDEO BAKWATAKENYE MIKENGA YONSO, KUPWA LONDOLOLAI BINO BIPANGUJO:

• Le ba Jon ne Sharon Schiller batūdile namani tumweno twa Bulopwe pa kifuko kibajinji koku bekonda na kulela kisaka?

• Mwanda waka bambutwile bafwaninwe kulemununa babo bana mungya bisakibwa bya mwana ne mwana?

• Le i muswelo’ka ubwanya bambutwile kuteakanya babo bana bakomene matompo a mu lwitabijo?

• I bingidilwa’ka bilupwilwe na bulongolodi bwa Yehova byokodi mwingidije pa kukwasha bobe bana batame ku mushipiditu?