BŪMI BWA BENE KIDISHITU
A Bankasampe—Shitwilai Bambutwile Benu Mutyima
Mwanda waka i biyampe kulombola milangwe yobe patōkelela ku bambutwile bobe? (Nki 23:26) I mwanda Yehova i mwibape kiselwa kya kukukwatakanya ne kukuludika. (Ñi 127:3, 4) Bikekala bikomo kobadi kuyuka makambakano ne njia byolwa nabyo shi abe mwine kwibalombwele’byopo. Kadi nobe kukayukapo myanda mimweke ya mvubu yobemwenine mu būmi. Ino le i bibi kwilamina abe mwine milangwe imoimo? Kebibipo—inoko kokabepela bambutwile bobe.—Nki 3:32.
Le i muswelo’ka obwanya kwisamba na bobe bambutwile? Tonga kitatyi kiyampe kodi ne kudi bambutwile bobe. Shi i bikomo kodi kwisamba nabo, ubwanya kulembela mbutwile umo milangwe yobe mu mukanda. Ino bikekala namani shi kebesambila pa mwanda omona’mba kebafwaninwepo kwisambilapo? Vuluka’mba bakimbanga kukukwasha. Kadi mona bambutwile bobe bu balunda nobe ino kebalwana nobepo. Bukomo bolonga bwa kushitwila mutyima obe ku bambutwile bobe budi na kamweno mu būmi bobe bwa dyalelo ne—būmi bwa nyeke!—Nki 4:10-12.
TALAI VIDEO MU KUSONGOLA KWAMI—I MUSWELO’KA OBWANYA KWISAMBA NA BAMBUTWILE? KUPWA LONDOLOLAI BINO BIPANGUJO:
Le ba Esther ne Partik bajingulwile ngikadilo’ka mobadi?
Le i ñini’ka yobwanya kuboila ku kimfwa kya Yesu?
Le bambutwile bobe ibalombole namani amba bakutele mutyima?
Bambutwile bobe bakusakilanga bintu bikwendekele mu būmi
Le i misoñanya’ka ya mu Bible ibwanya kukukwasha wisambe na bobe bambutwile?