“Lēmeka Shobe ne Inobe”

Pādi Yesu pano pa ntanda, wākomeneje ino mbila inena amba: “Lēmeka shobe ne inobe.” (Div 20:12; Mat 15:4) Na bubine Yesu wādi na bubinga bwa kunenena namino mwanda wādi ‘mukōkele nyeke’ bambutwile bandi ku bunkasampe. (Luk 2:51) Pa kutama, Yesu wālongele bukomo mwanda wa inandi ashale kulelwa senene, shi aye wafu.​—Yoa 19:26, 27.

Mu ano etu mafuku namo, bene Kidishitu bankasampe bakōkela bambutwile babo ne kwisamba nabo bya bulēme balombolanga amba bebalēmekele. Inoko mbila ya kulēmeka bambutwile betu keidipo na mfulo. Nansha shi bambutwile betu ke banunu tufwaninwe kwendelela kwibalēmeka koku tumwena mu tunangu twabo. (Nki 23:22) Kadi tulēmekanga bambutwile betu ke batame na kwibakwatakanya na lupeto pobabudilwe’lo ne kutá mutyima ku mwiivwanino wabo. (1Tm 5:8) Twikale batame nansha bankasampe, kwisamba nabo nyeke biyampe kulombolanga amba twibalēmekele bininge.

TALAI VIDEO YA BIFWATULO BIJINA I MUSWELO’KA OMBWANYA KWISAMBA NA BAMBUTWILE? KUPWA LONDOLOLAI KU BINO BIPANGUJO:

• I bika bibwanya kukulengeja ukomenwe kwisamba na bobe bambutwile?

• Le ukalombola namani amba ulēmekele bambutwile bobe powisamba nabo?

  

• Mwanda waka bukomo bolonga pa kwisamba na bambutwile bobe budi na mvubu? (Nki 15:22)