Watchtower KIBĪKO PA ENTELENETE

Le Ulēmekele Būmi Mwibulēmekele Leza?

‘Mwilamei mu Buswe bwa Leza’
- 5, 6. I muswelo’ka wālombwele Bijila bya Mosesa amba mashi i ajila kadi malēme? (Tala ne kapango “Lēmeka Būmi bwa Banyema.”)
  
  ⁵ Buno bubinebine bubidi bwa kyalwilo i bulombolwe mu Bijila bya Mosesa. Tutanga mu Bene Levi 17:10, 11 amba: “Kadi ense muntu . . . udyanga mashi, shi a muswelo ka, shi a muswelo ka, nkamuminija mpala yami wao muya udyanga mashi, kadi nkamufundudidila mubukata mwa bantu bandi. Mwanda bumi bwa ngitu budi mu mashi; ino kadi amiwa nakupe’o pa madabahu akwimulongela kipwanyo pa mwanda wa bumi’bwa.”a—Tala kapango kanena’mba “Mashi Adi na Bukomo bwa Kupwanya.”
  
  MASHI ADI NA BUKOMO BWA KUPWANYA
  
  Mu Kinenwa kya Leza, mashi adingakene pamo na būmi. O mwanda mu Isalela wa kala, kipya-mambo wisāsa wādi wela kitapwa kya nyema pa madabahu a Yehova kutyina’mba wa kapebwa mfuto pa mwanda wa kujilula kwaajilula kijila kya Yehova. (Levi 4:27-31) Kino kitapwa kyādi kipūta bubi bwandi mu kitatyi’tu kityetye.
  
  Kishima kingidijibwe mu Bible, “kipwanyo” kifunkila pa “kushinta” ne “kupūta,” na mputo mifwaninwe, pamo na muputyilwanga kisuku. Inoko, i kutupu nyema nansha umo ukokeja “kupūta” senene nansha kupwanya bantu pa mwanda wa bubi bwabo. Shako, kitapwa kya nyema kyādi mujiñininya wa kitapwa kya kipwanyo kibwaninine kyādi kya kukāya.—Bahebelu 10:1, 4.
  
  Kino kipwanyo kyāikele’ko “ponka pa kyamulambu kya umbidi wa Yesu Kidishitu dimo kupwididile.” (Bahebelu 10:10) Būmi bwa Yesu bubwaninine, “mashi malēme, pamo bwa a kana ka mukōko ka kubulwa kutopekwa ne kampikwa dikeme,” i bukwatañane nakampata na būmi bwājimije Adama. (1 Petelo 1:19) Shi ke pano, boloke bwālondelwe mu muswelo utobala ne wa buswe, ne batwe netu twamona muswelo wa kukatambula “būmi bwa nyeke.”—Bahebelu 9:11, 12; Yoano 3:16; Kusokwelwa 7:14.

Le Ulēmekele Būmi Mwibulēmekele Leza?

‘Mwilamei mu Buswe bwa Leza’
- a Julunale Scientific American unena pangala pa bino binenwa bya Leza bya amba “bumi bwa ngitu budi mu mashi” amba: “Kutalula’mo buluji bwa kyelekejo bwabyo, bino binenwa i bya bine: musaka ne musaka wa kaseke ka mashi i wa kamweno mu būmi.”