Kyaba kikwabo, Yesu wēsambīle pa kitatyi kya butyibi pakanena babi amba: “Nsonsolokei banwe bafingwe, endai mu mudilo wa nyeke o bateyakeninye umbi wa nsikani ne bandi bamikeulu.” Kadi wānene amba babi “bakenda mu mfuto ya nyeke.”—MATEO 25:41, 46, BB.

Le “mudilo wa nyeke” wātelele Yesu i wa bine’ni i wa kyelekejo? Yuka’mba “mudilo wa nyeke” utelele Yesu mu Mateo 25:41 i mulongolwelwe “dyabola ne bamwikeulu.” Le ulanga uno mudilo otōtanga ubwanya kusoka bamwikeulu? Nansha Yesu wāingidije kishima “mudilo” bu kyelekejo? Bine “mikōko” ne ‘bambuji’ batelelwe mu uno mwisambo umo onka i byelekejo, bisumpi bibidi bishileshile bya bantu. (Mateo 25:32, 33) Mudilo wa nyeke wātelele Yesu usokanga babi mu buluji bwa kyelekejo.