Ino pa kubatyijibwa kwa Yesu kubalongeka kintu kikatampe kupita. ‘Madiulu abamushitukila.’ Le kino kishintulula bika? Padi kishintulula’mba mu kitatyi kya kubatyijibwa kwa Yesu būmi bwandi bwa mūlu kumeso kwa kwiya pano pa ntanda bubamwiya mu ñeni. Nanshi, Yesu wavuluka būmi bwandi bwa bu mwana wa ku mushipiditu wa Yehova, kutentekela’po ne bubine bwamufundije Leza mūlu kumeso kwa kwiya pano pa ntanda.

Yesu upwa’tu kubatyijibwa na Yoano, mushipiditu wa Leza ubamutwala mu ntanda mutuputupu ya Yudea. Udi na bintu bivule bya kulangulukila’po. Yesu pa kubatyijibwa, “madiulu ashituka.” (Mateo 3:16) Pano ubwanya kuvuluka bintu byāefundile ne byālongele mūlu. Na bubine, udi na bintu bivule bya kulangulukila’po!