13. Lelo Bible udi na misoñanya’ka ya kukwasha bakaji?

¹³ Kadi Bible udi na misoñanya ikokeja kukwasha bakaji. Efisesa 5:22-24, 33 unena’mba: “Bānwe bakaji kōkelai balume benu bwa kudi Mfumwetu. Mwanda mulume e mutwe wa mukaji monka mwikadile Kidishitu i mutwe wa kipwilo; nandi i wakupandija ngitu. Ino monka mukōkelela kipwilo kudi Kidishitu, mo monka ne bakaji nabo bakōkele balume babo mu byonso. . . . Mukaji nandi alemeke mulumyandi.”

15. Lelo i madingi’ka amo atanwa mu Bible apelwe bakaji?

¹⁵ Polo nandi wānene bakaji amba “mukaji nandi alemeke mulumyandi” pakatampe pene. Mukaji Mwine Kidishitu ufwaninwe kwikala na “mutyima wa kikōkeji ne butalale,” kafwaninwepo kukoleja mulumyandi nansha kupela kulonda byanena. (1 Petelo 3:4) Mukaji wa bwine Leza wingidilanga kisaka bininge ne kupēja mutwe bulēme. (Tetusa 2:4, 5) Ukekankila’ko kunenena mulume maya ne kumufutulwija na bakwabo mpika. Kadi ukalonga buninge mwanda wa butyibi bukwata mulume bufikidile biyampe.—Nkindi 14:1.

16. I ñeni’ka ikokeja kuboila bakaji Bene Kidishitu ku kimfwa kya ba Sala ne Lebeka?

¹⁶ Kukōkela ne kutalala kekushintululapo amba mukaji Mwine Kidishitu kakidipo na kya kunena nansha’mba milangwe yandi keikidipo na mvubu. Bana-bakaji ba pa kala bakaminwe Leza, kimfwa Sala ne Lebeka, bādi baleta milangwe mu myanda kampanda, kadi ne bilembwa bya mu Bible bilombola amba Yehova wāitabije bilongwa byabo. (Ngalwilo 21:8-12; 27:46–28:4) Bakaji Bene Kidishitu nabo babwanya kulombola milangwe yabo. Inoko’ko, bafwaninwe kwiilombola na kabango, ke na diwi dya kafutululopo, mhm. Namino, bakamona’mba mīsambo ya uno muswelo ikasangaja kadi iketabijibwa na balume.