4. Lelo i bāni balama luombe lwa Leza dyalelo, ne na mushipiditu’ka?

⁴ Mulao wa Leza wāfikidile bininge mudi Yesu, Mukumbi Mukatampe wa mikōko ya Yehova, waikele ke Mutwe wa kipwilo kya Bwine Kidishitu. Wētelele aye mwine bu “mukumbi muyampe,” muntu wālombwele lusa lwa binebine kudi boba baādi wendeja. (Yoa. 10:11-15) Dyalelo, Yehova wingidijanga bakumbi batyebatye ba kulama luombe lwandi lwa pano panshi, bana betu bashingwe māni ba mu kabumbo ka umpika wa binebine, udi na manwa ne bakulumpe ba mu “kibumbo kikatampe” bengila ne mutyima umo. (Kus. 7:9) Bano bakumbi baloñanga bukomo bwa kulombola mushipiditu wa kwipāna wadi na Yesu. Basakanga kudisha kipwilo ne kwikisanswa, mwanda wa kwiula Kidishitu. Malwa andi yewa yense usūla banababo nansha wibasomanya bwa mfumu nansha wa kasumalomo nansha wibetatwila na kibengo! (Mat. 20:25-27; 1 Pet. 5:2, 3) Lelo Yehova ukimbanga bika ku bakumbi bene Kidishitu dyalelo? Lelo i ñeni’ka yo tukokeja kuboila ku bilembwa bya Yelemia bitala mumweno ne mwikadila ufwaninwe kwikala na bakulumpe pobavuija biselwa byabo? Tubandaulei mingilo yabo ya kupāna bukwashi ne ya bulami, ya bu bafundiji munda ne panja pa kipwilo, ne ya bu batyibi.

⁶ Mu kimfwa kya bakumbi ba banyema, batadi Bene Kidishitu kebafwaninwepo kwikala na kalengwa pobalama kipwilo. Shi wi mukulumpe, lelo uloñanga bukomo bwa kujiula masusu asusuka banabenu, ne le wikalanga na mutyima wa kwibakwasha kwampikwa kwija? Solomone, Mulopwe wa tunangu, wāsonekele amba: “Uyuka biyampe’tu mwendele ñombe yobe, kadi utadija biyampe bimunanwa byobe.” (Nk. 27:23) Shako uno vese ulombola mwingilo wa kininga kikalanga na bakumbi ba banyema; inoko, uno musoñanya ukokeja kutala ne muswelo bakumbi ba ku mushipiditu obatala kipwilo. Shi nobe wi mukumpe, lelo uloñanga bukomo bobe bonso bwa kulwa na mutyima wa kubikadila bakwenu? Kunena kunenene Petelo amba “kwibasomanya bumfumwabo” kulombola’mba bikokejika mukulumpe kampanda kulonga uno muswelo. Lelo i muswelo’ka okokeja kulonga byobya binenwe mu Yelemia 33:12? (Tanga.) Bambutwile balelele bana kasuku, bakaji ba bishala, boba batengele kubutula, banunu, ne bankasampe bakokeja kusakilwa kutebwa mutyima ne kukwashibwa.