LUMINGU LUA DIA 25-31/5

BIUMA BIA MU DÎYI DIA NZAMBI

1. Tudi banange Mparadizu wa mu nyuma utudi!

(Min. 10)

Batendeledi ba Nzambi badi ne biakudia bia mu nyuma bia bungi mu Mparadizu wa mu nyuma (Yes 65:13; cl 329-330 §12, 14)

Kuikala mu Mparadizu wa mu nyuma kudi kutuambuluisha bua kutantamena makenga ne kutukija nansha tuetu ne ntatu (Yes 65:14-17; w24.04 22 §9-10)

Tuetu batendeledi ba Nzambi tudi mu ditalala ne mu bukubi bidi bena panu apa kabayi nabi to (Yes 65:25; w24.04 23 §13)

DIUMVUIJA: “Mparadizu wa mu nyuma” udi uleja nsombelu utudi nende tuetu badi batendelela Yehowa. Mu Mparadizu wa mu nyuma eu, tudi mu ditalala ne Yehowa ne bena Kristo netu.

Foto: Masanka adi bena Kristo netu bapeta bua mudibu mu Mparadizu wa mu nyuma. 1. Bayukila ne disanka ku Nzubu wa Bukalenge. 2. Balongola pambelu pa Nzubu wa Bukalenga ne disanka. 3. Muanetu wa balume mukulakaje ukankamija muanetu utshidi nsonga udi nende mu buloko. Mikanda ne tuarte bidi bena Kristo netu babafundile bilamika ku tshimanu. 4. Muanetu wa bakaji udi usama usanka bua mudi muanetu mukuabu wa balume ne mukajende balue kumumona mu lupitadi. Mukaji wa muanetu au mumukuate ku tshianza, eku muanetu wa balume muambule katunga kikale ne bimuma ne tuarte.

2. Bubanji bua mu Dîyi dia Nzambi

(Min. 10)

Yes 66:24: Mmunyi mudi mvese eu utuambuluisha bua kumvua tshivua Yezu usua kumba pavuaye muakule bua Ngena (anyi inferno) mu Mâko 9:47, 48? (w08 15/6 27 §4-5)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Yes 65:17-25 (th dilonga 10)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) PADI MPUNGA UMUENEKA. Keba mushindu mupepele wa kuambila muntu ne: udi Ntemu wa Yehowa. (lmd dilongesha 5, kamutu ka bualu 3)

5. Mua kubanga kuyukila ne muntu

(Min. 2) MUABA UDI BANTU BA BUNGI. Muntu udi ukeba kukokangana nebe. (lmd dilongesha 4, kamutu ka bualu 5)

6. Mua kubanga kuyukila ne muntu

(Min. 3) KU NZUBU NE KU NZUBU. Banga kuyukila ne muntu ku diambuluisha dia trakte kampanda. (lmd dilongesha dia 1, kamutu ka bualu 4)

7. Umvuija malu audi witabuja

(Min. 3) Dinaya. w15 1/6 dib. 14-15—Tshiena bualu: Muluishi wa Kristo nnganyi? (th dilonga dia 17)

TUIKALAYI NE NSOMBELU WA BUENA KRISTO

8. Kuenza mudimu wa ku dîba ne ku dîba nkujimija dîba anyi?

(Min. 15) Diyukidilangana.

Foto: Bimfuanyi bia malu a mu filme wa “Ntshinyi tshiwenza “bua lumu luimpe”?” 1. Muanetu Tomohiro Nishimura wenza mudimu wa dilamakaja mikanda ku Betele. 2. Muanetu wa bakaji Happiness Mabho wenza mudimu ku ordinatere wende mu biro bia dikudimuna. 3. Rayner ne Keziah Fernando ba mu mudimu wa luibaku badi ku Betele bela muanetu wa balume muoyo . 4. Muanetu George Telan, wenza mudimu ne bana betu bakuabu ba balume ku Tshibambalu tshia mudimu tshia ku Betele. 5. Muanetu wa bakaji Ramona Welsch ulongesha muntu Bible.

Udi welakana bua kuenza mudimu wa ku dîba ne ku dîba anyi? Ukadiku musamishe mutu ne: wewe muwenze udi udipangisha bintu kampanda biuvua mua kuikala mupete anyi? Peshi udi mua kuikala udiebeja ne: ‘Bu mudibi ne: batendeledi bonso ba Yehowa nebapete muoyo wa tshiendelele, mbia mushinga bua meme kudipangisha bintu bua kumuenzela mudimu bikole anyi?’ Wewe ne dielakana, manya ne: “Kakuena tshintu tshimpe nansha tshimue tshikala Yehowa mua kupala” bantu badi bamueyemena to. (Mis 84:11, 12) Kadi patudi tubenga kuenzela Yehowa mudimu bikole, tudi tudipangisha bintu bidi mua kutupesha disanka.

Yehowa udi ubenesha batendeledi bende kutuadijila anu ku mpindieu too ne mu matuku atshilualua. Ela filme wa Ntshinyi tshiwenza “bua lumu luimpe”? Pashishe webeje bateleji ne:

Padi bansonga bitaba bua kuenzela Yehowa mudimu bikole, mmabenesha kayi adibu bapeta?

Andamuna

Ntshinyi tshiudi mua kuenza wewe kuyi mupete mpunga wa kuenza mudimu wa ku dîba ne ku dîba? Yehowa udi ubenesha bantu badi badifila bikole mu midimu yende. Nunku tungunuka ne kumuenzela mudimu ne muoyo mujima, mutuishibue ne: ‘neakulokeshile dibenesha too ne padiku kakuyi kupangika tshintu nansha tshimue.’—Mal 3:10.

9. Dilonga dia Bible dia tshisumbu

(Min. 30) lfb dilongesha dia 88-89