LUMINGU LUA DIA 8-14/6

BIUMA BIA MU DÎYI DIA NZAMBI

1. Kufuanyi bena Yuda bavua benza malu mabi to

(Min. 10)

Bena Yuda bavua ne mutu mukole ne bavua bantomboji (Yel 4:4, 14; w13 15/3 9-10 §8-9)

Bakabenga bua kuteleja Yehowa pavuaye mubaleje ne: bavua benza malu mabi (Yel 5:31; jr 114 §2)

Malu mabi akabafikila bua muvuabu babenge kuteleja Yehowa (Yel 6:17-19)

DIEBEJA NE: ‘Ntshinyi tshindi mua kuenza bua kuepuka malu mabi?’

Foto: 1. Muanetu wa bakaji welangana meji a bivuaye mubale; wenza nanku padiye udilongela muikale ne Bible, tablete ne mukanda wa Étude Perspicace. 2. Munganga ufunkuna mubidi wa muntu mu tablete wende. — Wewe usama bikole, neuye kudi munganga bua akuenze mateta bua umanye disama diudi nadi ne akondope ne lukasa. Bia muomumue, malanda ebe ne Yehowa owu manyanguke, mbimpe udienzeje bua kuakaja ne lukasa luonso.

2. Bubanji bua mu Dîyi dia Nzambi

(Min. 10)

Yel 4:10: Mmu ngumvuilu kayi muvua Yehowa mudinge bantu bende? (w07 15/3 9 §4)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Yel 5:1-11 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 2) MUABA UDI BANTU BA BUNGI. (lmd dilongesha 2, kamutu ka bualu 3)

5. Mua kubanga kuyukila ne muntu

(Min. 2) KU NZUBU NE KU NZUBU. (lmd dilongesha dia 1, kamutu ka bualu 3)

6. Dipinganyina muntu

(Min. 4) PADI MPUNGA UMUENEKA. Muntu udi welakana bua kuitaba malu a mu Bible. (lmd dilongesha 3, kamutu ka bualu 3)

7. Umvuija malu audi witabuja

(Min. 3) Dinaya. ijwfq tshiena-bualu 5: Tshiena-bualu: Dîna dienu dia Bantemu ba Yehowa ndifumina kuepi? (th dilonga 7)

TUIKALAYI NE NSOMBELU WA BUENA KRISTO

8. Dikuba ku ngumu ya dishima

(Min. 8) Diyukidilangana.

Mu Isalele wa kale, baprofete ba dishima bavua bambila bantu malu a dishima avua amueneka bu mimpe, kadi pawu akebela bantu njiwu. (Yes 30:10; Yel 5:31) Nansha lelu, bantu batu bamuangalaja ngumu ya dishima batu badienzeja bikole bua kuyamba mu mushindu muimpe bua bantu bayitaba. Kadi mmunyi mutudi mua kudikuba?

Tshimfuanyi tshia malu a mu filme wa “Dikuba ku ngumu ya dishima.” Batumine nsongalume mesaje a bungi a miaba mishilashilangane ya kupetelangana ku Enternete.

Tshimfuanyi tshia malu a mu filme wa “Dikuba ku ngumu ya dishima.” Nsongalume au mukuate lumuenu lua kubala nalu wenda ukonkonona tshidibu bambe mu ngumu mu ordinatere wende.

Ela filme wa Dikuba ku ngumu ya dishima. Pashishe webeje bateleji ne:

Bua tshinyi ngumu ya dishima mmibi?

Andamuna
Bua tshinyi mbimpe tuikale bamanye ne: kukadi mushindu wa bantu kukuata mudimu ne programe ya mu biamu bua kushintulula dîyi dia muntu anyi tshimfuanyi tshiende bua kuamba malu a dishima?

Andamuna
Ntshinyi tshitudi mua kuenza bua kujadika ne: ngumu idibu batupeshe mmilelela?—Yobo 12:11.

Andamuna

DIEBEJA NE: ‘Ntuku ngitaba anu ngumu idi ijadika bimpe mmuenenu wanyi bua bualu kampanda anyi? Peshi ntu nganji ndienzeja bua kumanya bikala ngumu ayi ifumina muaba wa kueyemena?’

Ngumu itutu tupeta ku Enternete itu pa tshibidilu ya malu atuvua batangile, babale, anyi bakebulule. Nunku mbimpe kukeba bua kumanya ne: idi ifumina muaba wa kueyemena.

LUMINGU LUA DIA 8-14/6

YELEMIYA 4-6

Musambu wa 56 ne disambila | Mêyi a mbangilu (Mun. 1)