Bantemu ba Yehowa batu ne banene babu ba tshitendelelu batubu bafuta anyi?

Bu mudi Bantemu ba Yehowa balonda tshilejilu tshia bena Kristo ba mu bidimu lukama bia kumpala, kabatu ne kasumbu ka banene anyi bamfumu kampanda munkatshi muabu to. Bantemu bonso bakadi batambule mbena mudimu batekibue kudi Nzambi; badi bonso bayisha ne balongesha bantu. Bantemu mbalongolola mu bisumbu bidi ne bena kuitabuja batue ku 100. Bantu balume bashindame mu nyuma ba mu tshisumbu tshionso badi benzela Nzambi mudimu wa ‘bu bakulu.’ (Tito 1:5) Kabena babafuta bua mudimu wabu eu to.