Dinyanguka dia buloba​​—Mona tshienza Bukalenge bua Nzambi

Dishintuluka dia mivu, bipupu bia dinyanguka dia mivu, dinyanguka dia kapepe, ne dia buloba bidi bikebela bantu, nyama, ne bintu bidi ne muoyo ntatu pa buloba bujima. Nansha mudi mbulamatadi idienzeja bua kujikija ntatu ayi, malu adi enda anyanguka bikole. Tudi mua kutekemena bushuwa ne: ntatu ayi neyijike bua kashidi anyi?

Bible udi uleja ne: kudi mbulamatadi udi mukumbane, yeye au ke wajikija malu onso a dinyanguka dia buloba. Udi wamba ne: “Nzambi wa mu diulu neajadike bukalenge bukuabu,” anyi mbulamatadi bua kulombola malu onso a pa buloba. (Danyele 2:44) Pakokesha mbulamatadi wa buloba bujima au, bantu ‘kabakuenzelangana bibi anyi kukebesha tshinyangu’ pa buloba to.​​—Yeshaya 11:9.