Dimanyisha dia kuinshi

a  Mu Bible, miaku ya mu muakulu wa ntuadijilu idibu bakudimune ne: “tshia kupikulangana natshi” idi ne lungenyi lua mushinga, anyi tshintu tshia mushinga tshidibu buula. Tshilejilu, muaku wa pa muanda wa mu tshiena Ebelu wa kaphar utu uleja nangananga ‘kulaba’ anyi kubuikila tshintu. (Genese 6:14) Utu uleja misangu yonso dibuikila dia mpekatu. (Misambu 65:3) Dîna kopher diodi didi dileja mushinga mufuta bua kubuikila, anyi kupikula nawu. (Ekesode 21:30) Bia muomumue, muaku wa mu tshiena Greke lytron, utubu bakudimuna pa tshibidilu ne: “tshia kupikulangana natshi,” badi mua kuwukudimuna kabidi ne: “mushinga wa dipikula nawu.” (Matayi 20:28; Muanda Mulenga Lelu) Bafundi bena Greke bavua batela muaku au bua kuleja difutu didibu bafila bua kupatula muntu mu buloko bua mvita anyi bua kulekelela mupika.