Ezekiel

23 Zeova ti koz ar mwa ankor enn fwa ek ti dir: 2 “Garson enn zom, ti ena de fam ki ti ena mem mama. 3 Zot ti vinn bann prostitie dan Lezip; zot ti koumans prostitie zot depi zot zenes. Laba, ti pez zot doudou, ek ti kares zot pwatrinn kan zot ti ankor vierz. 4 Gran-la ti apel Ohola,* ek so ser, Oholiba.* Zot ti vinn pou mwa ek zot ti gagn bann garson ek bann tifi. Konsernan zot nom, Ohola se Samari, ek Oholiba se Zerizalem.

5 “Ohola ti koumans prostitie li alor ki li ti pou mwa. Li ti ena enn gran dezir sexiel pou bann ki li ti pe garde ek ki ti kontan li avek pasion, so bann vwazin, bann Asirien. 6 Zot ti bann gouverner abiye an ble ek bann lezot sef—zot tou ti bann zenom atiran ki ti mont seval. 7 Li ti kontign prostitie li avek tou bann garson pli atiran ki ti ena dan Lasiri, ek li ti dezonor limem avek bann zidol degoutan* ki ti pou sa bann dimounn pou ki li ti ena enn gran dezir sexiel la. 8 Li pa ti aret prostitie li kouma li ti pe fer dan Lezip, parski dan so zenes, bann-la ti dormi avek li, zot ti kares so pwatrinn kan li ti ankor vierz ek zot ti satisfer zot bann dezir sexiel* avek li. 9 Alor mo ti livre li dan lame bann zom ki li ti garde ek ki ti kontan li avek pasion, bann garson Lasiri, pou ki li ti ena enn gran dezir sexiel. 10 Zot ti met li touni, ti pran so bann garson ek so bann tifi, ek ti touy li avek lepe. Li ti vinn popiler parmi bann madam, ek zot ti amenn enn zizman kont li.

11 “Kan so ser Oholiba ti trouv sa, so dezir sexiel ti vinn pli degradan ankor, ek so prostitision ti vinn pli pir ki so ser. 12 Li ti ena enn gran dezir sexiel pou so bann vwazin, bann garson Lasiri, bann gouverner ek bann lezot sef ki ti bien abiye ek ki ti mont seval—zot tou ti bann zenom atiran. 13 Kan li ti dezonor limem, mo ti trouve ki toule-de ti’nn swiv mem sime. 14 Me li ti kontign al pli lwin dan so prostitision. Li ti trouv zimaz bann zom ki’nn grave lor miray, bann zimaz bann Kaldeen ki’nn grave ek ki’nn penn an rouz, 15 zot ti ena bann sintir otour zot latay, bann gran tok* ki ti apandan lor zot latet, ek zot ti ena laparans bann gerye. Zot tou ti reprezant bann Babilonien ki ti ne dan pei bann Kaldeen. 16 Deswit kouma li ti trouv zot, li ti koumans ena enn gran dezir sexiel pou zot ek li ti avoy bann mesaze kot zot dan Kalde. 17 Alor bann garson Babilonn ti kontign vinn dan so lili pou dormi avek li, ek zot ti dezonor li avek zot bann dezir sexiel.* Apre ki bann-la ti dezonor li, li ti vir ledo ar zot avek degou.

18 “Kan li ti kontign prostitie li san okenn laont ek montre li touni, avek degou mo ti vir ledo ar li, parey kouma avek degou mo ti’nn vir ledo ar so ser. 19 Ek li ti kontign al pli lwin dan so prostitision, ek sa ti rapel li bann zour so zenes kot li ti prostitie li dan pei Lezip. 20 Li ti ena enn gran dezir sexiel pou zot, parey kouma bann konkibinn bann zom ki zot parti prive kouma seki pou enn bourik, ek ki zot organn sexiel kouma seki pou enn seval. 21 Sa kondwit degoutan ki to ti ena dan to zenes dan Lezip la ti mank twa boukou kan zot ti kares to pwatrinn, doudou ki to ti ena dan to zenes.

22 “Alor, Oholiba, ala seki Segner Siprem* Zeova dir: ‘Mo pe mont latet bann ki ti pe gard twa, ar ki to ti’nn vir ledo avek degou, ek mo pou fer zot sorti dan tou direksion pou atak twa, 23 bann garson Babilonn ek tou bann Kaldeen, bann zom ki sorti Pekod, Soa ek Koa, ansam avek tou bann garson Lasiri. Zot tou zot bann zenom atiran, bann gouverner, ek bann lezot sef, bann gerye ek bann ki finn swazire,* zot tou ti mont seval. 24 Zot pou atak twa avek bann kales lager ek bann larou ki pou fer enn gran tapaz, ek avek enn gran kantite solda, avek bann gran ek bann ti boukliye,* ek avek bann elmet. Zot pou pran zot pozision toutotour twa, ek mo pou donn zot drwa pou ziz twa, ek zot pou ziz twa kouma zot anvi. 25 Mo pou montre mo koler anver twa, ek zot pou tret twa avek koler. Zot pou koup to nene ek to zorey, ek bann ki pou reste parmi twa pou mor avek lepe. Zot pou pran to bann garson ek to bann tifi, ek pou bril bann ki reste parmi twa. 26 Zot pou ras to bann linz ek pran to bann zoli bizou. 27 Mo pou fer twa aret to kondwit degoutan ek to prostitision ki to ti koumanse dan pei Lezip. To pou aret get zot, ek to pou nepli rapel Lezip.’

28 “Parski ala seki Segner Siprem Zeova dir: ‘Mo pre pou livre twa dan lame bann ki to deteste, bann ar ki to ti vir ledo avek degou. 29 Zot pou tret twa avek laenn ek pran tou seki to’nn rinte pou gagne ek les twa touni net. Tou dimounn pou trouv to limoralite ki fer gagn onte, to kondwit degoutan ek to prostitision. 30 Pou fer tou sa bann kitsoz-la avek twa parski to’nn galoup deryer bann pep parey kouma enn prostitie, parski to’nn dezonor tomem avek zot bann zidol degoutan. 31 To’nn swiv mem sime ki to ser, ek mo pou met so koup dan to lame.’

32 “Ala seki Segner Siprem Zeova dir:

“Parski mwa mo’nn koze,” ala seki Segner Siprem Zeova dir.’

35 “Alor ala seki Segner Siprem Zeova dir: ‘Parski to’nn bliye mwa ek ki to’nn abandonn mwa net,* to pou pey bann konsekans pou to kondwit degoutan ek to prostitision.’”

36 Lerla Zeova ti dir mwa: “Garson enn zom, eski to pou anons enn zizman kont Ohola ek Oholiba ek fer zot kone ki bann pratik degoutan zot inn fer? 37 Zot inn komet ladilter,* ek ena disan lor zot lame. Zot pa’nn zis komet ladilter avek zot bann zidol degoutan, me zot inn osi fer zot bann garson, ki zot inn donn mwa, pas par dife pou ofer zot kouma manze pou zot bann zidol. 38 Anplis, ala seki zot ti fer ar mwa: Zot ti dezonor mo tanp sa zour-la, ek zot ti dezonor mo bann saba. 39 Apre ki zot ti touy zot bann garson pou ofer zot kouma bann sakrifis pou zot bann zidol degoutan, zot ti rant dan mo tanp pou dezonor li sa zour lamem. Se seki zot ti fer dan mo prop lakaz. 40 Zot ti mem avoy enn mesaze pou fer bann zom depi lwin vini. Kan zot ti pe vini, to’nn bengne, to’nn penn to lizie ek to’nn met bann bizou lor twa pou fer twa zoli. 41 Ek to ti asiz lor enn extra zoli sofa, ek devan sa sofa-la ti ena enn latab, lor ki to ti met mo lansan ek mo delwil. 42 Laba, ti tann son enn lafoul bann zom ki san traka, ek parmi zot ti ena bann soular ki ti’nn pran dan dezer. Zot ti met bann brasle dan lame bann madam ek bann zoli kouronn lor zot latet.

43 “Lerla mo ti dir konsernan sa madam ki ti fatige komet ladilter la: ‘Kanmem sa li pou kontign prostitie li.’ 44 Alor zot ti kontign al kot li, parey kouma enn kikenn al kot enn prostitie. Se koumsa ki zot ti al kot Ohola ek Oholiba, bann madam ki ti ena enn kondwit degoutan. 45 Me bann zom drwat pou donn li zizman ki bizin pou ladilter ek disan ki’nn verse; parski zot bann madam adilter ek zot ena disan lor zot lame.

46 “Parski ala seki Segner Siprem Zeova dir: ‘Pou avoy enn larme kont zot pou fer zot vinn enn kitsoz ki orib ek ki kapav depouye. 47 Sa larme-la pou avoy bann ros lor zot ek pou touy zot avek zot lepe. Bann-la pou touy zot bann garson ek zot bann tifi ek bril zot lakaz. 48 Mo pou fer sa kondwit degoutan ki ena dan pei la arete, ek tou bann madam pou aprann enn leson ek pa pou imit zot kondwit degoutan. 49 Bann-la pou fer zot pey bann konsekans pou zot kondwit degoutan ek bann pese ki zot inn fer avek zot bann zidol degoutan; ek zot pou bizin kone ki momem Segner Siprem Zeova.’”