Anou faire zeffort pou faire plus dan nou ministere
1 L’apotre Paul ti encourage bann chrétien pou marche couma Bondié envie ek “contigne faire li encore plus.” (1 Thess. 4:1) Ki sa vedir pou nou? Nou bizin touletan contigne trouve bann fason pou nou kapav engage nou plus dan bann activité spirituel, ek faire tou nou possible pou touletan ‘accompli nou ministere a fond.’—2 Tim. 4:5.
2 Nou motivation: Seki motive nou pou faire plus dan nou ministere, c’est nou desir pou servi nou Createur encore plus. Nou envie grandi lor plan spirituel ek rod bann moyen pou ameliore nou ministere. Enn bon program, avek bann bon mobile pou aide nou realise nou bann l’objectif ki nou finn fixé dan nou service pou Bondié.—Ps. 1:1, 2; Phil. 4:6; Héb. 10:24, 25.
3 Pou nou kapav travail pou augmente nou ministere, nou pou bizin developpe enn l’esprit sacrifice. Nou pou kapav developpe sa kan nou medite dan la priere lor bon l’exemple ki Jésus finn laissé. (Mat. 20:28) Jésus ti gagne enn grand la-joie kan li ti servi lezot pendant so ministere. (Actes 20:35) Nou kapav imite Jésus kan nou montré enn l’interet personnel envers bann dimoune ek kan nou veille bien chaque l’occasion ki nou gagné pou faire plus dan nou ministere.—Is. 6:8.
4 Role bann parent: Bann parent kapav aide zot zenfant depuis tipti pou zot developpe enn desir pou servi lezot ek pou faire plus dan zot ministere. Bann zenfant pou remark zèle ki bann membre zot famille ena ek bann grand zeffort ki zot faire pou faire plus dan zot ministere. Kan enn frere ti encore jeune, li ti motivé pou faire plus dan so ministere kan li ti travail avek so grand-pere dan bann activité spirituel. Kan li ti trouve zèle ek la joie ki so grand-pere ti ena, sa ti pousse li pou rod bann l’occasion pou servi so bann frere. Zordi, sa frere-la enn assistant ministeriel.
5 Nou bizin bann frere: “Si enn zom ena desir pou vinn surveillant, li pé rod enn bon travail.” (1 Tim. 3:1) Sa bann parole-la encourage bann frere pou faire zeffort pou qualifié-zot pou gagne bann lezot privilege dan l’organisation Jéhovah. Nou pa bizin ena bann talent special ou-soit bann capacité extraordinaire pou reussi faire sa. Enn frere ki envie gagne lezot privilege, pou rod d’abord le Royaume, ek li pou bien zelé dan ministere. (Mat. 6:33; 2 Tim. 4:5) Li pou faire tou so possible pou vinn enn bon l’exemple pou lezot.
6 Lor la terre entier: Jéhovah pé accelere rassemblement bann dimoune. (Is. 60:22) Li bien important ki tou bann ki suive l’exemple Jésus zot faire plus dan zot ministere. Rapport mondial pou l’année 2006 montré ki ti ena 248,327 bapteme. En moyenne sa faire plus ki 680 nouveau baptisé chaque jour! Anou contigné rod bann moyen pou nou kapav faire plus dan nou ministere.