5. Seki Zeova atann so bann kamarad fer

An zeneral, nou atann ki nou bann kamarad fer sertin kitsoz pou nou.

• Sit sertin kitsoz ki ou ti pou kontan ou bann kamarad fer pou ou.

Lir 1 Zan 5:3, ek apre sa, get sa kestion-la ansam:

• Ki Zeova atann so bann kamarad fer?

Pou obeir Zeova, kitfwa nou pou bizin sanz nou fason azir, nou personalite ouswa nou latitid. Lir Izai 48:17, 18, ek apre sa, get sa kestion-la ansam:

• Kifer Zeova demann so bann kamarad pou fer bann sanzman?

Eski ou santi ou pli pros ar Bondie depi ki ou finn koumans etidie Labib? Eski ou ti pou kontan fer ou lamitie avek Zeova vinn pli for? Si wi, rapel ki plis Zeova trouve ki ou lamour pou Li pe grandi, plis Li pou kontan ou ek plis Li pou pran ou swin. Kouma ou kapav montre Zeova ki ou kontan Li?

1. Kouma nou montre Zeova ki nou kontan Li?

Nou montre ki nou kontan Zeova kan nou obeir Li. (Lir 1 Zan 5:3.) Li pa obliz personn pou obeir Li. Okontrer, Li donn sakenn parmi nou lokazion pou swazir si nou pou obeir Li ouswa non. Kifer? Zeova anvi ki nou ‘obeir Li avek tou nou leker.’ (Romin 6:17) Savedir ki Zeova anvi ki nou obeir Li, pa parski nou oblize, me parski nou kontan Li. Dan sa liv-la, parti 3 ek 4 pou montre ou kouma ou kapav montre ki ou kontan Zeova, kan ou fer seki Li kontan ek kan ou pa fer seki Li pa kontan.

2. Kifer li kapav difisil pou montre Zeova ki nou kontan Li?

“Dimoun ki obeyir Bondie fer fas boukou traka.” (Psom 34:19) Nou tou nou bizin lager kont nou bann defo. Ek kitfwa, nou bizin fer fas ar bann problem ekonomik, linzistis, ouswa bann lezot problem. Kan nou gagn bann difikilte, nou kapav trouv sa difisil pou fer seki Zeova demann nou. Kifer? Parski li paret pli fasil pou fer seki pa bon. Me kan ou touletan fer seki Zeova demann ou, ou montre ki ou kontan Li plis ki ninport ki kitsoz, ek sa montre ki ou fidel ar Li. Lerla, Li osi Li pou fidel ar ou. Zame Zeova pa pou abandonn ou!​—Lir Psom 4:3.

4. Fer leker Zeova kontan

Lir Proverb 27:11, ek apre sa, get sa kestion-la ansam:

• Ki Zeova resanti kan ou azir avek sazes ek obeir Li? Kifer?

5. Ou kapav res fidel ar Zeova

VIDEO: Defann To Lafwa Malgre Lopozision (5:09)

• Eski ou finn deza trouv sa difisil pou koz lor Zeova ar lezot?

• Dan sa video-la, ki ti ed Grayson pou sirmont so laper?

Li pli fasil pou res fidel ar Zeova, kan nou kontan seki Li kontan ek nou deteste seki Li deteste. Lir Psom 97:10, ek apre sa, get sa bann kestion-la ansam:

• Dapre seki ou finn aprann, ki sertin kitsoz Zeova kontan? Ki sertin kitsoz Li deteste?

• Kouma ou kapav aprann pou kontan seki bon ek pou deteste seki pa bon?

6. Nou gagn bann bienfe kan nou obeir Zeova

Obeir Zeova se meyer kitsoz ki nou kapav fer. Lir Izai 48:17, 18, ek apre sa, get sa bann kestion-la ansam:

• Eski ou sir ki Zeova touletan kone seki pli bon pou nou? Kifer?

• Depi ki ou’nn koumans etidie Labib ek aprann konn vre Bondie, Zeova, ki bienfe ou’nn gagne?

SEKI NOU’NN APRANN

Ou kapav montre ki ou kontan Zeova, kan ou obeir Li ek kan ou res fidel ar Li malgre bann difikilte.

Eski Ou Rapel?

• Ki ou finn aprann ar lexanp Zob?

• Kouma ou kapav montre ki ou kontan Zeova?

• Ki kitsoz pou ed ou pou res fidel ar Zeova?

DEKOUVER

Gete kouma ou kapav res fidel ar Zeova ek ar lasanble.

“To Fidel ar Seki Montre Limem Fidel” (16:49)

Kouma Satan ti akiz bann dimounn?

“Job garde so fidelité” (La Bible​—Ki message ena ladan? section 6)

Gete kouma bann zanfan kapav montre ki zot kontan Zeova.

Fer Leker Zeova Kontan (8:16)

Kouma enn zenn ki pe gagn presion ar so bann kamarad kapav res fidel ar Bondie?

Reziste Kont Presion Bann Kamarad! (3:59)

Nou tou nou bizin pran bann desizion. Sertin desizion kapav ena enn bon lefe ouswa enn move lefe lor nou ek lor nou lamitie avek Zeova. Par exanp, kitfwa nou pou bizin deside kotsa nou pou reste, ki travay nou pou fer, ouswa si nou pou marye ouswa non. Kan nou pran bann bon desizion, nou kapav viv ere ek fer Zeova kontan.

1. Kouma Labib kapav ed ou pou pran bann bon desizion?

Avan ki ou pran enn desizion, priye Zeova pou gagn so led ek fer resers dan Labib pou kone ki Li panse lor la. (Lir Proverb 2:3-6.) Dan sertin ka, Zeova donn enn lord bien kler. Lerla, si ou desid pou obeir sa lord-la, samem meyer desizion ki ou kapav pran.

Me ki pou arive si pena okenn lord presi dan Labib? Zeova pou kanmem ‘gid ou lor semin ki ou bizin marse.’ (Izai 48:17) Kouma? Ena bann prinsip ki kapav ed ou. Bann prinsip Labib se bann verite zeneral ki fer nou konn seki Bondie panse ek seki Li resanti. Parfwa nou aprann seki Zeova resanti kan nou lir bann zistwar ki ena dan Labib. Kan nou konpran seki Zeova resanti, nou pou kapav pran bann desizion ki fer Li kontan.

2. Lor ki kitsoz ou bizin reflesi avan ki ou pran enn desizion?

Labib dir: “Enn dimounn ki ena enn bon zizman, reflesi bien lor sak pa ki li fer.” (Proverb 14:15) Savedir, avan ki nou pran enn desizion, nou bizin pran letan pou reflesi lor bann opsion ki nou ena. Alor, kan ou pe reflesi lor sak opsion, demann oumem: ‘Ki prinsip Labib aplike isi? Eski mo lespri pou trankil si mo swazir sa opsion-la? Eski mo desizion pou ena enn lefe lor lezot? Ek pli inportan, eski sa pou fer Zeova kontan?’​—Deteronom 32:29.

Zeova ena drwa pou dir nou ki kitsoz bon ek ki kitsoz pa bon. Kan nou aprann konn so bann lalwa ek so bann prinsip, ek ki nou vremem anvi swiv zot, nou pe form nou konsians. Nou konsians se enn kitsoz dan noumem ki dir nou ki kitsoz bon ek ki kitsoz pa bon. (Romin 2:14, 15) Enn konsians ki’nn bien forme ed nou pou pran bann bon desizion.

ANOU GET INPE PLIS

3. Les Labib gid ou

VIDEO: Les Bann Prinsip Labib Gid Twa (5:54)

• Ki ete liberte pou swazir?

• Kifer Zeova inn donn nou liberte pou swazir?

• Ki Zeova inn donn nou pou ki nou kapav servi nou liberte pou swazir dan meyer fason ki ena?

Lir Efezien 5:15, 16. Dan sa bann verse-la, ena sa prinsip-la: Servi tou lokazion ouswa tou nou letan dan meyer fason ki ena. Get ansam kouma ou kapav aplik sa prinsip-la pou . . .

• lir Labib regilierman.

• vinn enn pli bon konzwin, paran, garson, ouswa tifi.

• asiste bann renion.

4. Form ou konsians pou pran bann bon desizion

VIDEO: “Gard enn Konsians Kler” (5:13)

• Dan sa video-la, ki sa ser-la inn fer pou form so konsians ek pou pran enn desizion ki ti pou fer Zeova kontan?

Kifer fode pa nou demann lezot seki nou bizin fer? Lir Ebre 5:14, ek apre sa, get sa bann kestion-la ansam:

• Mem si li paret pli fasil pou demann lezot seki nou bizin fer, ki nou bizin kapav diserne par noumem?

• Ki kitsoz kapav ed ou pou form ou konsians ek pou pran bann bon desizion?

5. Respekte konsians lezot

Tou dimounn pa pran mem desizion. Alor, kouma nou kapav montre ki nou respekte konsians lezot? Anou get de sitiasion:

Premie sitiasion: Enn ser ki kontan makiye, al servi dan enn lasanble kot boukou ser pa tro kontan kan lezot makiye.

Lir Romin 15:1 ek 1 Korintien 10:23, 24, ek apre sa, get sa bann kestion-la ansam:

• Dapre sa bann verse-la, ki desizion kitfwa sa ser-la pou pran? Ki ou pou fer si ou avek enn dimounn ki so konsians pa permet li fer enn kitsoz ki ou, ou konsians permet ou fer?

Deziem sitiasion: Enn frer kone ki Labib pa anpes nou bwar lalkol, me kanmem sa, li swazir pou pa bwar ditou. Li invite dan enn ti fet ek laba, li trouv bann frer pe bwar lalkol.

Lir Ekleziast 7:16 ek Romin 14:1, 10, ek apre sa, get sa bann kestion-la ansam:

• Dapre sa bann verse-la, ki desizion kitfwa sa frer-la pou pran? Ki ou pou fer, si ou trouv enn lot dimounn pe fer enn kitsoz ki ou konsians pa permet ou fer?

Kouma ou kapav pran bann bon desizion?

1. Demann Zeova so led pou kone ki desizion ou pou pran.​—Zak 1:5.

2. Fer bann resers dan Labib ek dan bann piblikasion ki baze lor Labib, pou trouv bann prinsip ki aplik ar ou sitiasion. Ou kapav osi koz lor la avek bann Kretien ki ena matirite.

3. Reflesi lor lefe ki sa desizion-la pou ena lor ou konsians ek lor konsians lezot.

SEKI NOU’NN APRANN

Pou nou kapav pran bann bon desizion, nou bizin konpran seki Zeova panse lor enn kitsoz, ek gete si nou bann aksion pou ed lezot ouswa fer zot ditor.

Eski Ou Rapel?

• Kouma ou kapav pran bann desizion ki fer Zeova kontan?

• Kouma ou kapav form ou konsians?

• Kouma ou kapav montre respe pou konsians lezot?

DEKOUVER

Kouma ou kapav pran bann desizion ki pou fer ou lamitie avek Bondie vinn pli for?

“Prend bann decision ki honore Bondié” (Latour Degard, 1^e Avril 2011)

Konpran pli bien kouma Zeova donn nou bann konsey.

Zeova Gid So Pep (9:50)

Gete seki’nn ed enn dimounn pou pran enn desizion difisil.

Zeova Promet pou Donn Nou Tou Seki Bon (5:46)

Gete kouma ou kapav fer Zeova kontan mem kan pena okenn lord presi lor enn size.

« Vous faut-il un commandement pour tout ? » (Latour Degard, 1^e Desam 2003, an Franse)