• Ou Kapav Vinn Kamarad Zeova
    Viv Ere pou Touletan!—Dekouver Seki Labib Dir

    • 5. Seki Zeova atann so bann kamarad fer

      An zeneral, nou atann ki nou bann kamarad fer sertin kitsoz pou nou.

      • Sit sertin kitsoz ki ou ti pou kontan ou bann kamarad fer pou ou.

      Lir 1 Zan 5:3, ek apre sa, get sa kestion-la ansam:

      • Ki Zeova atann so bann kamarad fer?

      Pou obeir Zeova, kitfwa nou pou bizin sanz nou fason azir, nou personalite ouswa nou latitid. Lir Izai 48:17, 18, ek apre sa, get sa kestion-la ansam:

      • Kifer Zeova demann so bann kamarad pou fer bann sanzman?

      Enn zouvriye pe donn so koleg enn elmet.

      Enn bon kamarad pou dir nou bann kitsoz pou protez nou ek pou ki nou gagn bann bienfe. Zeova fer parey pou so bann kamarad

  • Kouma Nou Kapav Montre ki Nou Kontan Zeova?
    Viv Ere pou Touletan!—Dekouver Seki Labib Dir
    • Leson 34. Dan enn lavil, enn misie pe get lesiel ek pe reflesi.

      LESON 34

      Kouma Nou Kapav Montre ki Nou Kontan Zeova?

      Eski ou santi ou pli pros ar Bondie depi ki ou finn koumans etidie Labib? Eski ou ti pou kontan fer ou lamitie avek Zeova vinn pli for? Si wi, rapel ki plis Zeova trouve ki ou lamour pou Li pe grandi, plis Li pou kontan ou ek plis Li pou pran ou swin. Kouma ou kapav montre Zeova ki ou kontan Li?

      1. Kouma nou montre Zeova ki nou kontan Li?

      Nou montre ki nou kontan Zeova kan nou obeir Li. (Lir 1 Zan 5:3.) Li pa obliz personn pou obeir Li. Okontrer, Li donn sakenn parmi nou lokazion pou swazir si nou pou obeir Li ouswa non. Kifer? Zeova anvi ki nou ‘obeir Li avek tou nou leker.’ (Romin 6:17) Savedir ki Zeova anvi ki nou obeir Li, pa parski nou oblize, me parski nou kontan Li. Dan sa liv-la, parti 3 ek 4 pou montre ou kouma ou kapav montre ki ou kontan Zeova, kan ou fer seki Li kontan ek kan ou pa fer seki Li pa kontan.

      2. Kifer li kapav difisil pou montre Zeova ki nou kontan Li?

      “Dimoun ki obeyir Bondie fer fas boukou traka.” (Psom 34:19) Nou tou nou bizin lager kont nou bann defo. Ek kitfwa, nou bizin fer fas ar bann problem ekonomik, linzistis, ouswa bann lezot problem. Kan nou gagn bann difikilte, nou kapav trouv sa difisil pou fer seki Zeova demann nou. Kifer? Parski li paret pli fasil pou fer seki pa bon. Me kan ou touletan fer seki Zeova demann ou, ou montre ki ou kontan Li plis ki ninport ki kitsoz, ek sa montre ki ou fidel ar Li. Lerla, Li osi Li pou fidel ar ou. Zame Zeova pa pou abandonn ou!​—Lir Psom 4:3.

      ANOU GET INPE PLIS

      Anou gete kifer Zeova kontan kan ou obeir Li, ek seki kapav ed ou pou fer sa.

      3. Enn kestion ki konsern ou

      Dan Labib, Satan pa ti zis akiz Zob, me tou bann dimounn ki anvi servi Zeova. Lir Zob 1:1, 6–2:10, ek apre sa, get sa bann kestion-la ansam:

      • Dapre Satan, kifer Zob ti pe obeir Zeova?​—Get Zob 1:9-11.

      • Ki lakizasion Satan ti met lor tou bann dimounn, ek lor ou osi?​—Get Zob 2:4.

      Lir Zob 27:5b, ek apre sa, get sa kestion-la ansam:

      • Kouma Zob ti montre ki li ti vremem kontan Zeova?

      Satan pe provok Zeova. Li pe met an dout fidelite Zob, ki’nn gagn bouton koulou, ek enn ser ki pe servi Zeova dan nou lepok.

      Zob ti montre ki li ti kontan Zeova kan li ti res fidel ar Li

      Nou montre ki nou kontan Zeova kan nou res fidel ar Li

      4. Fer leker Zeova kontan

      Lir Proverb 27:11, ek apre sa, get sa kestion-la ansam:

      • Ki Zeova resanti kan ou azir avek sazes ek obeir Li? Kifer?

      5. Ou kapav res fidel ar Zeova

      Nou lamour pou Zeova pous nou pou koz lor Li avek lezot. Ek nou fidelite anver Li pous nou pou fer sa, mem kan li difisil. Zwe VIDEO-la, ek apre sa, get sa bann kestion-la ansam:

      VIDEO: Defann To Lafwa Malgre Lopozision (5:09)

      • Eski ou finn deza trouv sa difisil pou koz lor Zeova ar lezot?

      • Dan sa video-la, ki ti ed Grayson pou sirmont so laper?

      Li pli fasil pou res fidel ar Zeova, kan nou kontan seki Li kontan ek nou deteste seki Li deteste. Lir Psom 97:10, ek apre sa, get sa bann kestion-la ansam:

      • Dapre seki ou finn aprann, ki sertin kitsoz Zeova kontan? Ki sertin kitsoz Li deteste?

      • Kouma ou kapav aprann pou kontan seki bon ek pou deteste seki pa bon?

      6. Nou gagn bann bienfe kan nou obeir Zeova

      Obeir Zeova se meyer kitsoz ki nou kapav fer. Lir Izai 48:17, 18, ek apre sa, get sa bann kestion-la ansam:

      • Eski ou sir ki Zeova touletan kone seki pli bon pou nou? Kifer?

      • Depi ki ou’nn koumans etidie Labib ek aprann konn vre Bondie, Zeova, ki bienfe ou’nn gagne?

      SERTIN DIMOUNN DIR: “Eski mo kapav fer leker Bondie kontan?”

      • Ki verse ou kapav servi pou montre ki seki nou fer ena enn lefe lor seki Zeova resanti?

      SEKI NOU’NN APRANN

      Ou kapav montre ki ou kontan Zeova, kan ou obeir Li ek kan ou res fidel ar Li malgre bann difikilte.

      Eski Ou Rapel?

      • Ki ou finn aprann ar lexanp Zob?

      • Kouma ou kapav montre ki ou kontan Zeova?

      • Ki kitsoz pou ed ou pou res fidel ar Zeova?

      Mo Lobzektif

      DEKOUVER

      Gete kouma ou kapav res fidel ar Zeova ek ar lasanble.

      “To Fidel ar Seki Montre Limem Fidel” (16:49)

      Kouma Satan ti akiz bann dimounn?

      “Job garde so fidelité” (La Bible​—Ki message ena ladan? section 6)

      Gete kouma bann zanfan kapav montre ki zot kontan Zeova.

      Fer Leker Zeova Kontan (8:16)

      Kouma enn zenn ki pe gagn presion ar so bann kamarad kapav res fidel ar Bondie?

      Reziste Kont Presion Bann Kamarad! (3:59)