-
Aprann ar Lexanp DanielLatour Degard (Edision Letid)—2023 | Out
-
-
6. Ki kitsoz kitfwa ti ed Daniel pou ena kouraz?
6 Ki kitsoz kitfwa ti ed Daniel pou ena kouraz toutlong so lavi? Nou kapav sir ki kan Daniel ti zenn, li ti aprann ar lexanp so mama ek so papa. Bann paran Daniel ti swiv bann instriksion ki Zeova ti donn bann paran Izraelit, ek zot ti ansegn zot zanfan lalwa Bondie. (Det. 6:6-9) Daniel pa ti zis konn bann kitsoz inportan dan Lalwa, kouma par exanp bann Dis Komannman, me li ti osi konn bann detay, kouma par exanp seki enn Izraelit ti kapav ouswa pa ti kapav manze.b (Lev. 11:4-8; Dan. 1:8, 11-13) Daniel ti osi aprann listwar pep Bondie, ek li ti kone osi seki ti ariv zot kan zot pa ti obeir Bondie. (Dan. 9:10, 11) Ek bann sitiasion ki Daniel ti viv, ti ed li pou konpran ki Zeova ek so bann anz pwisan ti pou touletan soutenir li.—Dan. 2:19-24; 10:12, 18, 19.
-
-
Aprann ar Lexanp DanielLatour Degard (Edision Letid)—2023 | Out
-
-
b Li posib ki se pou sa trwa rezon-la ki Daniel pa ti manz manze bann Babilonien: (1) Kitfwa sa ti laviann bann zanimo ki Lalwa ti defann bann Izraelit manze. (Det. 14:7, 8) (2) Kitfwa pa ti vers disan zanimo-la. (Lev. 17:10-12) (3) Manz sa bann manze-la kitfwa ti kapav form parti dan ladorasion bann fos bondie.—Konpar ar Levitik 7:15 ek 1 Korintien 10:18, 21, 22.
-