• Li’nn Aprann ar So Bann Erer
    Imit Zot Lafwa

    • 12. (a) Yona ti al dormi pandan tanpet, kifer fode pa nou ziz li pou sa? (Get not osi.) (b) Kouma Jéhovah inn fer bann marin kone akoz kisannla tousala inn arive?

      12 Yona pa kone ki pou fer. Alor li al dan lakal ek rod enn plas pou alonze. Kouma li poz latet, li tom dan enn gran somey!b Kapitenn bato trouv Yona pe dormi. Li lev li ek li sipliy li pou priye so bondie, parey kouma zot tou pe fer. Bann marin realize ki ena enn kitsoz ki pa normal avek sa tanpet-la; li pa kouma tou tanpet. Lerla, zot deside pou fer enn tiraz osor pou kone akoz kisannla tousala pe arive. Mazinn Yona. So leker pe bat for amezir ki bann marin pe eliminn enn par enn. Bien vit, laverite eklate! Se Jéhovah ki pe diriz sa tanpet-la ek se Limem ki’nn fer sir ki sa tiraz osor-la tom lor enn sel zom​—Yona!​—Lir Yona 1:5-7.

  • Li’nn Aprann ar So Bann Erer
    Imit Zot Lafwa

    • b Somey Yona ti telman profon ki la Septante mem dir ki li ti pe ronfle. Me, fode pa nou tir konklizion ki Yona ti al dormi parski li pa ti kas latet avek seki ti pe pase. Fode pa nou bliye ki parfwa enn kikenn telman santi li abat, ki enn somey pran li ek li pa kapav tini. Dan zardin Gethsémané, zis avan Jésus so lamor, Pierre, Jacques, ek Jean zot osi “zot [ti] pe dormi telman zot sagrin.”​—Luc 22:45.