• Bann Dimounn Ki Anons Bonn Nouvel—Bann Proklamater Port Zot Volonter
    Rwayom Bondie Pe Regne!
    • Enn misie trouv enn trezor ki’nn kasiet dan enn karo

      Parey kouma enn misie ti bien kontan kan li ti trouv enn trezor ki’nn kasiet, bann Kretien bien kontan ki zot inn trouv laverite lor Rwayom Bondie (Get paragraf 20)

      20. Kouma lexanp ki Jésus ti done lor enn trezor ki’nn kasiet montre kouma so bann disip ti pou reazir ar konsey pou rod Rwayom Bondie avan tou kitsoz?

      20 Jésus ti kone kouma so bann disip ti pou reazir ar konsey pou rod Rwayom Bondie avan tou kitsoz. Anou examinn lexanp ki li ti done lor enn trezor ki finn kasiet dan enn karo. (Lir Matthieu 13:44.) Dan sa lexanp-la, enn planter ki pe travay dan enn karo, parey kouma li abitie fer toulezour, trouv enn trezor ki’nn kasiet ek deswit li rekonet ki sa trezor-la ena enn gran valer. Ki li fer? “Dan so lazwa li al vann tou seki li ena ek li aste sa karo-la.” Ki leson nou kapav tire? Kan nou dekouver laverite lor Rwayom Bondie ek nou rekonet so valer, nou pou bien kontan pou fer ninport ki sakrifis ki bizin pou ki nou kapav kontign met Rwayom Bondie dan plas ki li bizin ete, setadir an premie dan nou lavi.d

  • Bann Dimounn Ki Anons Bonn Nouvel—Bann Proklamater Port Zot Volonter
    Rwayom Bondie Pe Regne!

    • d Jésus ti montre mem lide dan lexanp enn marsan ki ti vwayaze pou al rod enn perl ki ena enn gran valer. Kan sa marsan-la trouv sa perl-la, li vann tou seki li ena pou aste li. (Mat. 13:45, 46) Sa de parabol-la montre nou osi ki nou kapav aprann laverite lor Rwayom Bondie dan diferan fason. Sertin, san ki zot atann, trouv laverite; ena lezot ki rod li. Me dan ninport ki fason ki nou gagn laverite, nou dispoze pou fer bann sakrifis pou nou kapav met Rwayom Bondie an premie dan nou lavi.