Selman, “bann kiltivater” inn maltret ek inn touy bann “serviter” ki proprieter-la inn avoye. Zezi kontigne: “Ti res zis so garson ki li [proprieter karo] ti bien kontan; andernie li desid avoy li parski li ti pe dir, ‘Bannla pou respekte mo garson.’ Bann meteye la fer enn konplo, zot dir, ‘Limem eritie, anou touy li, lerla leritaz pou vinn pou nou.’ Zot trap garson la, zot touy li.”​—Mark 12:6-8.

Bann skrib ek bann sef pret konpran ki Zezi inn “rakont sa parabol la kont zot.” (Lik 20:19) Asterla plis ki avan, zot avan touy vre “eritie,” setadir Zezi. Me zot gagn per lafoul ki konsider Zezi kouma enn profet. Alor, zot pa rod touy li deswit.