• “Nou Tou Nou’nn Tom Dakor”
    “Rann Temwaniaz Afon Konsernan Rwayom Bondie”

    •  9. Ki bann bienfe Zak so propozision pou amene?

      9 Eski propozision ki Zak fer, li enn bon propozision? Nou kapav dir wi, parski plitar bann zapot ek bann ansien pou aksepte sa propozision-la. Ki bienfe sa pou amene? Pou koumanse, sa propozision-la “pa pou fatig,” ouswa ‘pa pou rann lavi bann Kretien non-zwif difisil,’ parski pa pou inpoz Lalwa Moiz lor zot. (Zist. 15:19; Nouvo Testaman Dan Kreol Morisien) Anplis, sa desizion-la pou montre ki zot respekte konsians bann Kretien zwif, parski pandan boukou lane sa bann Kretien zwif la finn tann ‘bann dimounn lir bann parol Moiz for dan bann sinagog sak saba.’b (Zist. 15:21) Ek sirman, sa propozision-la pou ede pou ki bann Kretien zwif ek bann Kretien non-zwif vinn pli pros. Me pli inportan, sa propozision-la pou fer Zeova plezir, parski sa an-akor avek so proze. Li vremem enn bon fason pou regle enn problem ki menas lape ek linite parmi pep Bondie! Wi, se enn bon lexanp pou pep Bondie azordi!

  • “Nou Tou Nou’nn Tom Dakor”
    “Rann Temwaniaz Afon Konsernan Rwayom Bondie”

    • b Avek sazes Zak ti koz lor seki Moiz ti ekrir. Parmi bann kitsoz ki Moiz ti ekrir, pa ti ena zis Lalwa me osi bann zistwar ki montre kouma Bondie ti azir avek bann dimounn, ek tousala ti montre ki volonte Bondie pou bann dimounn. Bondie ti fer tousala avan mem ki Lalwa Moiz existe. Par exanp, dan liv Zenez nou kapav trouv bien kouma Bondie konsider disan, ladilter, ek lidolatri. (Zen. 9:3, 4; 20:2-9; 35:2, 4) Alor, Zeova ti fini montre ki bann prinsip tou bann dimounn ti bizin obeir, ki li enn Zwif ouswa enn non-Zwif.