• Aprann ar Lexanp Zak
    Latour Degard (Edision Letid)—2022 | Zanvie

    • ENA LIMILITE PAREY KOUMA ZAK

      Zak pe travay kouma sarpantie ek Zezi, ki’nn resisite, pe koz avek li.

      Kan Zezi ti aparet ar Zak, avek limilite Zak ti aksepte Zezi kouma Lemesi, ek apre sa li ti vinn so disip (Get paragraf 5-7)

       5. Kouma Zak ti reazir kan Zezi ti aparet avek li?

      5 Kan eski Zak ti vinn enn disip Zezi? Apre so rezireksion, Zezi “finn paret devan Zak, answit devan tou bann apot.” (1 Kor. 15:7) Apre sa, Zak ti vinn enn disip Zezi. Kan tou bann zapot ti reini ansam dan enn lakaz dan Zerizalem ek ki zot ti pe atann lespri sin, Zak ti parmi zot. (Zist. 1:13, 14) Plitar, Zak ti gagn privilez pou vinn enn manb Komite Santral. (Zist. 15:6, 13-22; Gal. 2:9) Ek inpe avan 62 Nou Lepok, Zeova ti servi Zak pou ekrir enn let pou bann Kretien ki ena lesperans pou al dan lesiel. Mem si nou ena lesperans pou viv dan lesiel ouswa lor later, sa let-la ankor bien itil azordi. (Zak 1:1) Dapre istorien Joseph, Gran Pret Ann (Anan) ti fer touy Zak. Me Zak ti res fidel ar Zeova ziska so lamor.