• Ki Labib Dir lor Sex?
    Viv Ere pou Touletan!—Dekouver Seki Labib Dir

    • 4. Lite pou pa tom dan tantasion

      Sa demann boukou zefor pou reziste kont bann tantasion konsernan limoralite sexiel. Ki kitsoz kapav fer sa difisil pou reziste? Zwe VIDEO-la, ek apre sa, get sa kestion-la ansam:

      VIDEO: Reziste Bann Tantasion Gras-a To Lektir Labib (3:02)

      • Ki sa frer-la inn fer, kan li’nn realize ki so bann panse ek so bann aksion kapav fer li tronp so fam?

      Parfwa, mem bann Kretien ki fidel bizin lite pou kontign ena bann panse ki prop. Kouma ou kapav evit pans lor bann kitsoz imoral? Lir Filipien 4:8, ek apre sa, get sa bann kestion-la ansam:

      • Lor ki kitsoz nou bizin reflesi?

      • Kouma kan nou lir Labib ek kan nou res okipe dan nou servis pou Zeova, sa ed nou pou kontign lite pou pa tom dan tantasion?

  • Kouma Ou Kapav Fer Zeova Kontan kan Ou Koze?
    Viv Ere pou Touletan!—Dekouver Seki Labib Dir

    • 3. Ki kitsoz kapav ed nou pou koz dan enn fason ki pou ankouraz lezot?

      Souvan seki nou dir montre seki ena dan nou leker ouswa seki ena dan nou lespri. (Lik 6:45) Alor, ou bizin fer zefor pou res konsantre lor bann kitsoz pozitif, setadir bann kitsoz ki zis, prop, admirab, ek ki merit gagn loner. (Filipien 4:8) Pou ki nou kapav res konsantre lor sa bann kitsoz-la, nou bizin swazir bien nou bann divertisman ek nou bann kamarad. (Proverb 13:20) Enn lot kitsoz ki kapav ed nou, se kan nou reflesi bien avan ki nou koze. Reflesi osi lor lefe ki nou bann parol pou ena lor lezot. Labib dir: “Bann koze san reflesi zot koumadir bann kout lepe, me lalang enn dimounn saz, li enn gerizon.”​—Proverb 12:18.