Boukou dimounn pa alez pou koz lor sex. Me kan Labib koz lor sex, li koz lor la dan enn fason fran ek avek respe. Ek seki li dir lor sex kapav ed nou. Sa li lozik, parski Labib sorti kot Zeova ki nou Kreater. Alor, Li kone seki pli bon pou nou. Li dir nou seki nou bizin fer pou fer Li plezir, ek seki kapav ed nou pou viv ere pou touletan.

1. Ki Zeova panse lor sex?

Sex se enn kado ki sorti kot Zeova. Li anvi ki enn misie ek so madam profit sa zoli kado-la. Sa kado-la pa zis permet bann koup pou gagn bann zanfan, me sa permet zot osi pou montre zot lamour ek zot lafeksion dan enn fason natirel, ek ki fer zot plezir. Se akoz sa ki Labib dir: “Trouv lazwa avek fam ar ki to’nn marye depi to zenes.” (Proverb 5:18, 19) Zeova atann ki bann Kretien ki marye res fidel anver zot konzwin, ek ki zame zot pa fer ladilter.​—Lir Ebre 13:4.

2. Ki ete limoralite sexiel?

Labib dir nou ki “bann ki pratik imoralite . . . pa erit Rwayom Bondie.” (1 Korintien 6:9, 10) Bann dimounn ki’nn ekrir Labib dan lang Grek inn servi mo pornéïa pou dekrir limoralite sexiel. Sa mo-la anglob: (1) bann relasion sexiela ant bann dimounn ki pa marye ar zot kamarad, (2) bann relasion sexiel ant bann dimounn mem sex, ek (3) bann relasion sexiel avek bann zanimo. Pou ki nou fer Zeova kontan ek ki nou gagn bann bienfe ‘fode pa ki nou ena enn lavi imoral.’​—1 Tesalonisien 4:3.

ANOU GET INPE PLIS

3. Res lwin ar limoralite sexiel

Enn zom fidel ki ti apel Zozef, ti bizin fer bann gran zefor pou ki li kapav res prop moralman. Lir Zenez 39:1-12, ek apre sa, get sa bann kestion-la ansam:

• Kifer Zozef ti sove?​—Get verse 9.

• Eski ou panse ki Zozef ti pran enn bon desizion? Kifer?

VIDEO: Sove, Al Lwin ar Limoralite Sexiel (5:06)

Zeova anvi ki nou tou nou rezet limoralite sexiel. Lir 1 Korintien 6:18, ek apre sa, get sa bann kestion-la ansam:

• Sit bann sitiasion ki kapav fer enn dimounn tom dan piez limoralite sexiel.

• Kouma ou kapav res lwin ar limoralite sexiel?

4. Lite pou pa tom dan tantasion

VIDEO: Reziste Bann Tantasion Gras-a To Lektir Labib (3:02)

• Ki sa frer-la inn fer, kan li’nn realize ki so bann panse ek so bann aksion kapav fer li tronp so fam?

Parfwa, mem bann Kretien ki fidel bizin lite pou kontign ena bann panse ki prop. Kouma ou kapav evit pans lor bann kitsoz imoral? Lir Filipien 4:8, ek apre sa, get sa bann kestion-la ansam:

• Lor ki kitsoz nou bizin reflesi?

• Kouma kan nou lir Labib ek kan nou res okipe dan nou servis pou Zeova, sa ed nou pou kontign lite pou pa tom dan tantasion?

5. Bann prinsip Zeova fer nou gagn bann bienfe

VIDEO: Fode Pa To Mank Bon Sans (9:31)

• Kouma sa zenn garson-la finn pran enn sime ki’nn amenn li devan enn tantasion?​—Get Proverb 7:8, 9.

• Dapre Proverb 7:23, 26, nou kapav gagn bann konsekans bien grav si nou tom dan piez limoralite sexiel. Me si nou res prop moralman, ki bann problem nou pou kapav evite?

• Kouma kan nou res prop moralman, sa pou ed nou pou viv ere pou touletan?

Sertin dimounn panse ki seki Labib dir lor lomosexialite tro dir. Me Zeova Li enn Bondie lamour, Li anvi ki tou dimounn viv ere pou touletan. Me pou ki nou kapav profit sa lavi-la, nou bizin viv an-akor avek so bann prinsip. Lir 1 Korintien 6:9-11, NW, ek apre sa, get sa kestion-la ansam:

• Dapre Bondie, eski se zis bann dezir omosexiel ki pa bon?

Pou ki nou kapav fer Bondie kontan, nou tou nou bizin fer bann sanzman. Me eski li vo lapenn fer sa bann zefor-la? Lir Psom 19:8, 11, ek apre sa, get sa kestion-la ansam:

• Eski ou panse ki bann prinsip Zeova zot rezonab? Kifer ou pans sa?

SEKI NOU’NN APRANN

Sex se enn kado ki Zeova inn donn enn misie ek so madam pou ki zot kapav profit sa.

Eski Ou Rapel?

• Ki ete limoralite sexiel?

• Ki kitsoz pou ed nou pou pa tom dan piez limoralite sexiel?

• Kouma nou gagn bann bienfe kan nou swiv bann prinsip Zeova?

DEKOUVER

Aprann kifer li inportan pou Bondie ki enn misie ek enn madam marye pou ki zot kapav viv ansam.

“Ki Labib Dir lor De Dimounn Ki Viv Ansam San ki Zot Marye?” (Lartik lor jw.org)

Gete kifer seki Labib dir lor lomosexialite pa ankouraz laenn.

“Eski Lomosexialite Li Pa Bon?” (Lartik lor jw.org)

Aprann kouma bann lalwa Bondie konsernan bann relasion sexiel protez nou.

“Eski Sex Oral Se Vremem enn Relasion Sexiel?” (Lartik lor jw.org)

Dan lartik « Ils ont respecté ma dignité » gete ki’nn ankouraz enn omosexiel pou viv dan enn fason ki fer Bondie kontan.

“Labib Sanz Bann Dimounn” (Latour Degard, 1^e Avril 2011, an Franse)

Dan sertin kiltir, bann dimounn panse ki enn dimounn pa kapav ere tanki li pa marye. Pourtan, pa tou dimounn ki marye ki ere, ek pa tou dimounn ki selibater ki malere. Dapre Labib, ki enn dimounn li marye ouswa selibater, toulede se enn kado.

1. Ki bann bienfe enn dimounn gagne kan li selibater?

Labib dir: “Seki marye . . . fer bien, me seki desid pou pa marye, fer pli bien ankor.” (Lir 1 Korintien 7:32, 33, 38.) Dan ki fason enn dimounn selibater “fer pli bien”? Enn Kretien ki selibater pena pou pran swin enn konzwin, alor an zeneral li pli lib. Sertin kapav desid pou fer plis pou Zeova. Par exanp, zot kapav al pres bon nouvel dan enn lot landrwa ouswa enn lot pei. Ek anplis, zot ena plis letan pou fer zot lamitie avek Zeova vinn pli for.

2. Ki bienfe enn dimounn gagne kan li marye sivil?

Parey kouma enn kikenn gagn bann bienfe kan li res selibater, enn kikenn ki marye kapav gagn bann bienfe. Labib dir ki “de pli bon ki enn.” (Ekleziast 4:9) Ek sa li vre sirtou pou bann Kretien ki swiv bann prinsip Labib dan zot maryaz. Bann koup ki marye sivil fer promes pou kontan, pou respekte, ek pou pran swin sakenn zot kamarad. Akoz sa, zot santi zot plis an sekirite ki de dimounn ki zis viv ansam. Anplis, maryaz kree enn lanvironnman ki stab pou elve bann zanfan.

3. Kouma Zeova konsider maryaz?

Kan Zeova ti fer premie maryaz, Li ti dir: “Enn zom pou kit so papa ek so mama, ek li pou atase ar so madam.” (Zenez 2:24) Zeova anvi ki enn misie ek so madam kontan sakenn zot kamarad, ek res ansam tanki zot ankor vivan. Li permet ki zot divorse zis kan ena enn ant zot ki’nn fer ladilter. Dan sa ka-la, Zeova donn sa dimounn ki inosan la drwa pou deside si li pou divorse ouswa non.a (Matie 19:9) Zeova pa aksepte ki enn Kretien ena plizir madam ouswa plizir misie anmemtan.​—1 Timote 3:2.

ANOU GET INPE PLIS

4. Servi ou lavi selibater dan enn bon fason

Zezi ti konsider lavi selibater kouma enn don. (Matie 19:11, 12) Lir Matie 4:23, ek apre sa, get sa kestion-la ansam:

• Kouma Zezi ti servi so lavi selibater pou servi so Papa ek ed lezot?

Parey kouma Zezi, bann Kretien ki selibater kapav zwaye. Zwe VIDEO-la, ek apre sa, get sa kestion-la ansam:

VIDEO: Bann Selibater Ki Fidel (3:11)

• Kouma bann Kretien ki selibater kapav ena enn lavi ki fer zot gagn bann bienfe?

Eski ou ti kone?

Labib pa dir apartir ki laz enn dimounn kapav marye. Me li ankouraz enn dimounn atann ki li nepli “tro zenn.” Kifer? Parski se enn peryod kot so bann dezir sexiel bien for ek sa kapav anpes li pou pran enn bon desizion.​—1 Korintien 7:36, NW.

5. Swazir bien avek kisannla ou pou marye

Enn parmi bann desizion pli inportan ki ou pou bizin pran, se swazir avek kisannla ou pou marye. Lir Matie 19:4-6, 9, ek apre sa, get sa kestion-la ansam:

• Kifer fode pa ki enn Kretien prese pou marye?

Labib ed nou pou kone ki bann kalite enn dimounn bizin ena pou ki li enn bon mari ouswa enn bon fam. Me seki pli inportan, se ki sa dimounn-la bizin kontan Zeova.b Lir 1 Korintien 7:39 ek 2 Korintien 6:14. Apre sa, get sa bann kestion-la ansam:

• Kifer nou bizin marye zis avek enn Kretien ki servi Zeova?

• Si nou marye avek enn kikenn ki pa kontan Zeova, ki ou panse Zeova pou resanti?

6. Ena mem fason panse ki Zeova lor maryaz

Dan lepok Izrael, sertin zom ti divors ar zot madam pou bann rezon egois. Lir Malaki 2:13, 14, 16, ek apre sa, get sa kestion-la ansam:

• Kifer Zeova deteste enn divors ki pa Biblik?

Zwe VIDEO-la, ek apre sa, get sa kestion-la ansam:

VIDEO: Maryaz​—Li pou Touletan (4:30)

• Si ou’nn marye avek enn kikenn ki pa Temwin, ki ou kapav fer pou ki ou ena enn lavi maryaz ki ere?

7. Swiv bann prinsip Zeova lor maryaz

VIDEO: To Kapav Aplik Bann Prinsip Zeova lor Maryaz (4:14)

Lir Ebre 13:4, ek apre sa, get sa kestion-la ansam:

• Eski ou panse ki bann prinsip Zeova lor maryaz zot rezonab? Kifer ou pans sa?

Zeova atann ki bann Kretien anrezistre zot maryaz ek zot divors, parski dan laplipar bann pei, bann gouvernman atann ki bann dimounn fer sa. Lir Tit 3:1, ek apre sa, get sa kestion-la ansam:

• Si ou marye, eski ou sir ki gouvernman rekonet ou maryaz?

SEKI NOU’NN APRANN

Pou Zeova, ki enn dimounn li marye ouswa li selibater, toulede se enn zoli kitsoz. Dan toulede ka, sa dimounn-la kapav ere ek ena enn zoli lavi, si li swiv bann prinsip Zeova.

Eski Ou Rapel?

• Kouma enn dimounn kapav bien servi so lavi selibater?

• Kifer Labib dir ki nou bizin marye zis avek enn Kretien ki servi Zeova?

• Dapre Labib, pou ki sel rezon enn dimounn kapav divorse?

DEKOUVER

Ki savedir marye “avek enn Kretien”?

“Kestion Bann Lekter” (Latour Degard, 1^e Ziliet 2004)

Get de video ki kapav ed ou pou pran bann bon desizion konsernan frekantasion ek maryaz.

Prepar Twa pou Maryaz (11:53)

Gete kifer enn frer ena santiman ki tou seki Zeova finn donn li, ena plis valer ki tou seki li’nn abandone.

Mo Ti Swete ki Li Pou Aksepte Laverite (1:56)

Lor ki kitsoz enn dimounn bizin reflesi avan ki li pans pou divorse ouswa separe?

“Onor ‘Seki Bondie Finn Met Ansam’” (Latour Degard, Desam 2018)