• Liv Revelasion​—Ki Li Vedir pou Bann Lennmi Bondie?
    Latour Degard (Edision Letid)—2022 | Me

    • KISANNLA BANN LENNMI BONDIE?

      Bebet sovaz ki ena dan liv Revelasion ek ki ena set latet. Li sorti dan lamer, ki reprezant bann imin. Li ena dis korn ek dis kouronn lor so bann latet. Li resanble enn leopar, li ena lapat enn lours ek lagel enn lion.

      BEBET SOVAZ KI ENA SET LATET

      Li “sorti dan lamer” ek li ena set latet, dis korn, ek dis kouronn. (Rev. 13:1-4) Li reprezant tou bann gouvernman ki’nn diriz bann imin ziska zordi. Sa set latet-la reprezant set gouvernman ki finn ena enn gran linflians lor pep Bondie (Get paragraf 6-8)

       6. Kisannla sa bebet ki ena set latet la? (Revelasion 13:1-4)

      6 Kisannla sa bebet ki ena set latet la? (Lir Revelasion 13:1-4.) Sa bebet-la resanble enn leopar. Me li ena bann lapat enn lours, lagel enn lion, ek li ena dis korn. Nou trouv sa bann karakteristik-la lor kat bebet ki mansione dan Daniel sapit 7. Parkont, dan liv Revelasion, nou trouv tou sa bann karakteristik-la lor enn sel bebet, pa lor kat diferan bebet. Alor, sa bebet-la pa reprezant zis enn sel gouvernman. Lapot Zan dir ki li “ena lotorite lor tou tribi, pep, langaz ek nasion,” savedir ki li pli pwisan ki ninport ki gouvernman. (Rev. 13:7) Alor, sa bebet-la bizin reprezant tou bann gouvernman ki’nn diriz bann imin ziska zordi.c​—Ekle. 8:9.