LESON 1

Introdiksion Efikas

Zist. 17:22

REZIME: To lintrodiksion bizin kapte latansion bann ki ekout twa, met laksan lor to size, ek montre zot kifer sa size-la konsern zot.

Kapte latansion. Swazir enn kestion, enn deklarasion, enn sitiasion lavi toulezour, ouswa enn nouvel ki dan linformasion ki pou interes bann ki ekout twa.

Reflesi bien avan lor seki pou kapte latansion bann ki pe ekout twa ek seki konsern zot. Lerla adapte to lintrodiksion an rapor avek sa.
Konpran bien to size. Fer sir ki to lintrodiksion bien kler, ek ki li met laksan lor to size ek lor rezon kifer to pe koz lor la.
Montre kifer size-la inportan. Adapte seki to pe dir ar seki bann dimounn-la vremem bizin. Fode li bien kler dan zot lespri kouma to size kapav ed zot personelman.

Kan to pe prepar enn diskour, demann tomem, ‘Dan mo kongregasion, ar ki bann sitiasion mo bann frer ek ser pe fer fas?’ Lerla, prepar to lintrodiksion dapre seki zot bizin.