Kisannla Pe Pres Bon Nouvel?

Biento, Zeova pou servi so Rwayom pou eliminn tou nou bann problem. Sa li enn bon nouvel ki tou dimounn bizin kone. Zezi ti anvi ki so bann disip partaz sa mesaz-la avek tou dimounn! (Matie 28:19, 20) Kouma bann Temwin Zeova pe swiv komannman ki Zezi inn done?

1. Kouma Matie 24:14 pe realize azordi?

Zezi ti predir: “Bonn Nouvel Rwayom Bondie pou anonse partou dan lemonn.” (Matie 24:14) Bann Temwin Zeova pe partisip dan sa travay-la avek boukou lazwa. Nou pe pres bon nouvel dan lemond antie dan plis ki 1,000 lang! Sa gran travay-la demann boukou letan ek lenerzi, ek enn bon lorganizasion. Nou pa ti pou kapav fer tousala san led Zeova.

2. Ki bann zefor nou fer pou pres ar bann dimounn?

Nou pres ar bann dimounn ninport kotsa zot ete. Parey kouma bann premie Kretien, nou pres ar bann dimounn kot zot, ‘dan zot lakaz.’ (Zistwar Bann Apot 5:42) Sa fason prese-la permet nou zwenn bann milyon dimounn sak lane. Me nou osi pres dan bann plas piblik, parski bann dimounn pa touletan kot zot. Nou touletan rod bann lokazion pou fer bann dimounn konn Zeova ek so proze.

3. Kisannla ki ena responsabilite pou pres bon nouvel?

Tou bann vre Kretien ena responsabilite pou pres bon nouvel ar lezot. Pou nou, se enn responsabilite bien inportan. Nou fer tou seki nou kapav pou prese parski nou kone ki sa kapav sov lavi bann dimounn. (Lir 1 Timote 4:16.) Personn pa pey nou pou fer sa travay-la, parski Labib dir: “Zot finn resevwar tou kado, donn tou kado.” (Matie 10:7, 8) Pa tou dimounn ki ekout nou mesaz. Me kanmem sa, nou kontign prese parski sa form parti bann kitsoz ki nou fer pou ador Zeova ek sa rann Li ere.

ANOU GET INPE PLIS

4. Nou fer zefor pou pres ar tou dimounn

VIDEO: Prese “Partou lor Later” (7:33)

• Ki kitsoz ou trouv extraordiner dan bann zefor ki bann Temwin Zeova fer pou prese?

Lir Matie 22:39 ek Romin 10:13-15, ek apre sa, get sa bann kestion-la ansam:

• Kouma nou predikasion montre ki nou kontan bann dimounn?

• Ki Zeova panse lor bann ki pres bon nouvel?​—Get verse 15.

5. Nou travay ansam avek Bondie

Boukou lexanp montre nou ki Zeova pe diriz nou travay predikasion. Par exanp, dan Nouvel-Zeland, enn frer ki apel Paul ti zwenn enn madam kan li ti pe prese lakaz-lakaz. Sa zour-la, sa madam-la ti priye Bondie, li ti servi Bondie so nom, Zeova. Ek li ti demann Bondie pou avoy enn kikenn pou ed li aprann konn li. Paul dir: “Trwa-z-er tan apre, mo ti pe tap so laport.”

Lir 1 Korintien 3:9, ek apre sa, get sa kestion-la ansam:

• Kouma sa lexanp dan Nouvel-Zeland la montre nou ki Zeova pe diriz travay predikasion?

Lir Zistwar Bann Apot 1:8, ek apre sa, get sa kestion-la ansam:

• Kifer nou bizin led Zeova pou nou prese?

Eski ou ti kone?

Sak semenn dan nou bann renion lasemenn, nou gagn enn formasion ki ed nou pou prese. Si ou’nn deza asiste enn parmi sa bann renion-la, ki ou panse lor sa formasion ki nou gagne la?

6. Nou obeir lord ki Bondie donn nou pou prese

Dan premie siek, bann dimounn ti esey anpes bann disip Zezi pou prese. Bann disip Zezi ti defann zot drwa pou prese kan zot ti “fer rekonet bonn nouvel devan lalwa.” (Filipien 1:7, NW) Bann Temwin Zeova osi fer parey azordi.a

VIDEO: Defann Bonn Nouvel Devan Lalwa (2:28)

Lir Zistwar Bann Apot 5:27-42, NW, ek apre sa, get sa kestion-la ansam:

• Kifer nou pa pou aret prese?​—Get verse 29, 38, ek 39.

SEKI NOU’NN APRANN

Zezi ti donn so bann disip lord pou pres bon nouvel ar tou bann dimounn. Zeova pe ed so pep pou fer sa travay-la.

Eski Ou Rapel?

• Kouma bon nouvel pe prese partou lor later?

• Kouma nou predikasion montre ki nou kontan bann dimounn?

• Eski ou panse ki predikasion kapav rann nou ere? Kifer ou pans sa?

DEKOUVER

Gete kouma bann Temwin Zeova pres ar bann dimounn dan bann gran lavil.

Temwaniaz Piblik dan Bann Gran Lavil: Paris (5:11)

Kouma bann Temwin Zeova finn ed bann refizie?

Ed Bann Refizie pou Aprann Laverite lor Bondie (5:59)

Enn madam rakont lazwa ki li gagne kan li prese aplintan.

Mo Kontan pou Servi Zeova Aplintan (6:29)

Aprann plis lor bann viktwar inportan ki nou finn gagne lakour, ek ki’nn ede pou nou kontign pres bon nouvel.

“Bann Proklamater Defann Zot Ka Devan Lakour” (Rwayom Bondie Pe Regne!, sapit 13)