Salamo

Derao izy, ry mpanompon’i Jehovah.

Derao ny anaran’i Jehovah.

 2 Hoderaina anie ny anaran’i Jehovah

Manomboka izao ka ho mandrakizay!+

 3 Aoka hoderaina ny anaran’i Jehovah,+

Hatrany amin’ny fiposahan’ny masoandro ka hatrany amin’ny filentehany.

 4 Avo noho ny firenena rehetra i Jehovah;+

Ambony noho ny lanitra ny voninahiny.+

 5 Iza no mitovy amin’i Jehovah Andriamanitsika,+

Ilay monina* any amin’ny avo?

 6 Miondrika izy mba hijery ny any an-danitra sy ny etỳ an-tany,+

 7 Ka atsangany hiala amin’ny vovoka ny olona ambany.

Ampiakariny avy eo amin’ny lavenona misavovona* ny mahantra,+

 8 Mba hiara-mipetraka amin’ny olona ambony,

Dia ny olona ambony eo amin’ny vahoakany.

 9 Omeny trano ny vehivavy tsy niteraka,

Ka ataony lasa reny falifaly manana zanaka* maro.+