Иисус шке примерже дене ончыктен, мыняр чот чаманыше тудын Ачаже (Иоан. 14:9). Юмын Эргыжын мут ден пашаже-влак раш ончыктеныт: чаманыше Ачаже еҥ-влакым йӧрата да кажне айдемылан сулыкым сеҥаш полшынеже. Иисусын порылыкшо еҥ-влакым илышыштым вашталташ да тудын почешыже каяш таратен (Лук. 5:27, 28). Иисус пален, мо тудым ончыкыжым вуча. Тудо шке тунемшыж-влаклан икмыняр гана каласен: тудым ужалат да меҥгеш пудален сакат (Матф. 17:22; 20:18, 19). Иисус пален: тудын надырже тӱнян языкшым кораҥда. Тыгак Иисус туныктен: шке колымыж деч вара тудо шкеж дек тӱрлӧ еҥым ӱжын конда (Иоан. 12:32). Сулыкан еҥ-влак Иисуслан ӱшанаш да тудын кышаже почеш каяш тӱҥалыт гын, Иеговам куандарен кертыт. Тунам нуно «язык деч эрыкыш» лукмо лийыт (Рим. 6:14, 18, 22; Иоан. 8:32). Сандене Иисус лӱддымӧ лийын да мемнам утарашлан орланен колаш ямде лийын (Иоан. 10:17, 18). w24.08 4—5, абз. 11, 12

Айста шарналтена ту жапым, кунам ме икымше гана Юмын Мутшо гыч чыным пален налынна. Ме умылен налынна: кавасе Ачана мемнам йӧрата да мемнам шке ешыштыже ужнеже. Ме пален налынна: тудо корштымаш ден орланымашым пытара. А эше мемнан ӱшан лектын йӧратыме еҥ-влакым угычын ужаш, кунам нуно у тӱняште ылыжыт (Мар. 10:29, 30; Иоан. 5:28, 29; Рим. 8:38, 39; Почм. 21:3, 4). Чыла тиде шинчымаш-влаклан кӧра ме чынжымак пиалан лийынна (Лук. 24:32). Ме пален налмым йӧратен налынна, да тидым чылаштланат каласкалымына шуын! (Иеремия 20:9 дене таҥастарыза). Чынжымак, ме библийысе чыным чот йӧратена, сандене шып лийын она керт (Лук. 6:45). Ме тидымак шижына, мом Иисусын икымше курымышто илыше тунемшыж-влак шижыныт. Нуно каласеныт: «Мом ужмына да мом колмына нерген ме ойлыде огына керт» (Ап. паш. 4:20). Ме чыным чот йӧратена, сандене тудын нерген шукырак еҥлан каласкалымына шуэш. w24.05 15, абз. 5; 16, абз. 7

Иегован служитлышыже семын ме кавасе Ачанам йӧратена да мемнан тудын нерген весе-влаклан каласкалымына шуэш. Уверзе-влак гыч шукыштлан таныклаш чот келша. Но южыштлан тиде пешыжак шуко куаным огеш кондо. Молан? Иктышт чот вожылыт да шкеныштым сай туныктышылан огыт шотло. Весышт шонат: «Айдеме мыйым ӱжын огыл гын, кузе мый тудын дек мием?» Еҥ-влак колышташ огыт тӱҥал але вурсаш тӱҥалыт манын, иктажше лӱдеш. Тыгай-влакат улыт, кӧ нунын дене религий нерген ӱчашаш тӱҥалыт манын лӱдеш. Чыла нине иза-ака-влаклан палыдыме еҥ-влак дене Библий нерген мутланаш йӧсӧ. А тыланда служымаш куаным конда мо? Южгунам огеш кондо гын, киддам ида волто. Шке моштымашлан ӱшаныдымаш ӱҥышӧ улмыдам ончыктен кертеш. Тыгак те ӱчашаш ода йӧрате да шке дек шуко вниманийым ода вучо манын, тиде ончыктен кертеш. Мутат уке, куаным огеш кондо, кунам еҥ-влаклан сайым каласкалымына шуэш, а нуно мемнам вурсат да огыт колышт. Кавасе Ача тендан шижмашдам умыла да тыланда полшаш сӧра (Ис. 41:13). w24.04 14, абз. 1, 2