ХИЧЭЭЛ 33
Бурхны Хаант төр удахгүй юу хийх вэ?
Бурхны Хаант төр тэнгэрт хэдийнээ байгуулагдсан. Тун удахгүй дэлхийг бүхэлд нь захирч, тулгамдаад байгаа бүх асуудлыг шийдвэрлэнэ. Энэ хичээлээр Бурхны Хаант төр юу юу хийхийг авч үзнэ.
1. Хаант төр дэлхий дахинд амар тайван, шударга ёсыг яаж тогтоох вэ?
Бурхны Хаант төрийн Хаан Есүс хорон муу хүмүүс болон засгийн газруудыг Хармагедон гэдэг дайнаар устгана (Илчлэл 16:14, 16). «Тун удахгүй хорон санаатан үгүй болно» гэсэн зөгнөл ийнхүү биелнэ (Дуулал 37:10). Есүс дэлхий дахинд амар тайван, шударга ёсыг тогтооно (Исаиа 11:4-ийг уншина уу).
2. Бурхны хүсэл дэлхий дээр биелэхэд амьдрал ямар болох вэ?
Хаант төр дэлхийг захирахад «Зөв шударга хүн газар нутгийг өвлөж, түүнд мөнхөд оршин суух болно» (Дуулал 37:29). Бүх хүн зөв шударга, Еховаг болон бие биеэ хайрладаг болоход амьдрал ямар болохыг төсөөл дөө. Тэр үед хэн ч өвдөхгүй, бүгд үүрд мөнх амьдарна.
3. Хаант төр хорон муу хүмүүсийг устгасныхаа дараа юу хийх вэ?
Есүс хорон муу хүмүүсийг устгасныхаа дараа 1000 жил захирна. Тэр үед Есүс 144 000 хамтран захирагчтайгаа бүх хүнийг нүгэлгүй, төгс болгоно. 1000 жилийн төгсгөлд дэлхий маань тэр чигээрээ үзэсгэлэнт диваажин болж, Еховагийн хуулийг биелүүлдэг жаргалтай хүмүүсээр дүүрнэ. Тэгээд Есүс Хаант төрийг Эцэгтээ буцаан өгнө. Еховагийн нэр жинхэнэ утгаар ариусна (Матай 6:9, 10). Ехова бол ард түмэндээ санаа тавьдаг сайн захирагч гэдгийг бүгд хүлээн зөвшөөрнө. Эцэст нь Ехова Сатан болон чөтгөрүүдийг, өөрт нь тэрсэлсэн бүх хүнийг устгана (Илчлэл 20:7–10). Ингээд хүмүүс Хаант төрийн захиргаан доор төгс орчинд үүрд жаргалтай амьдарна.
УХАЖ ОЙЛГОЁ
Бурхан санаа зорилгоо Хаант төрөөрөө биелүүлнэ гэдэгт яагаад итгэж болохыг мэдэж аваарай.
4. Бурхны Хаант төр засгийн газруудыг устгана
Хүмүүс «бусдыг хорлох замаар эрх мэдлийг хэрэгжүүлдэг» (Номлогчийн үгс 8:9). Харин Ехова Хаант төрөөрөө шударга бус явдалд цэг тавина.
Даниел 2:44; 2 Тесалоник 1:6–8-ыг уншина уу. Дараах асуултад үндэслэн ярилцаарай.
Ехова Есүс хоёр засгийн газруудыг болон дэмжигчдийг нь яах вэ?
Ехова Есүс хоёр шударга юм хийнэ гэдэгт та итгэж байна уу? Яагаад?
5. Есүс бол төгс Хаан
Бурхны Хаант төрийн Хаан Есүс ард иргэдийнхээ сайн сайхны төлөө ихийг хийж бүтээнэ. Тэрбээр хүнийг гэсэн сэтгэлтэйгээ, хүмүүст туслах хүчийг Бурхнаас авснаа дэлхий дээр байхдаа баталсан билээ. Энэ тухай ВИДЕОНООС хамт үзээрэй.
Есүс дэлхий дээр байхдаа Хаант төр ирээдүйд юу хийхийг харуулсан. Та дараах зүйлээс алийг нь биелээсэй гэж хамгийн их хүсэж байна вэ? Холбоотой Библийн зүйлийг нь уншаарай.
ЕСҮС ДЭЛХИЙ ДЭЭР БАЙХДАА: |
ЕСҮС ТЭНГЭРЭЭС ЗАХИРАХДАА: |
|---|---|
|
|
|
|
|
|
|
|
6. Бурхны Хаант төр гайхалтай ирээдүйг бэлэглэнэ
Ехова хүмүүсийг дэлхий дээр үүрд жаргалтай амьдруулахыг анхнаасаа санаж зорьсон. Энэ зорилгыг нь Хаант төр биелүүлнэ. Ехова Хүү Есүсээрээ санаа зорилгоо хэрхэн биелүүлэхийг ВИДЕОНООС хамт үзээрэй.
Дуулал 145:16-г уншина уу. Дараах асуултад үндэслэн ярилцаарай.
Ехова «бүх амьтны хүслийг хангана» гэдгийг мэдээд танд ямар санагдаж байна вэ?
ЗАРИМ ХҮН: «Хүн төрөлхтөн санаа нэгтэй байвал дэлхийн тулгамдсан асуудлуудыг шийдэж чадна» гэдэг.
Засгийн газруудын шийдвэрлэж чадахгүй ямар асуудлуудыг Бурхны Хаант төр шийдвэрлэх вэ?
ДҮГНЭЛТ
Хаант төр Бурхны санаа зорилгыг биелүүлнэ. Дэлхий тэр чигтээ диваажин болж, хүмүүс Еховаг мөнхөд шүтнэ.
Давтах асуулт
Хаант төр Еховагийн нэрийг хэрхэн ариусгах вэ?
Хаант төр Бурхны амлалтуудыг биелүүлнэ гэдэгт яагаад итгэж болох вэ?
Та Хаант төрийн хийх бүхнээс алийг нь тэсэн ядан хүлээж байна вэ?
МЭДЛЭГЭЭ ТЭЛЬЕ
Армагеддоны талаар дэлгэрэнгүй мэдэж аваарай.
Бурхны Хаант төрийн хүртээх ивээлийг яаж эргэцүүлэн бодож болохыг үзээрэй.
Улс орноо өөд нь татах гэж тэмцэж явсан хүн яагаад төвийг сахидаг болсныг «Есөн шидийн л юм боддог байв» гэдэг намтраас уншаарай.
«Библи хүнийг өөрчилдөг» («Харуулын цамхаг»-ийн түүвэр өгүүлэл, 2012 оны 1-р сарын 1)