Еховаг хайрладаг хүмүүстэй нөхөрлөе

Бид яагаад Еховаг хайрладаг хүмүүстэй нөхөрлөх ёстой вэ? Найз нөхөд бидэнд сайнаар эсвэл муугаар нөлөөлдөг (Су 13:20). Жишээ нь Иоаш хаан, тэргүүн тахилч Иехоиадатай нөхөрлөсөн учраас «ЭЗЭНий мэлмийд зөвийг үйлдсэн» (Ш.дэ 24:2). Харин Иехоиадаг нас барснаас хойш муутай нөхөрлөсний хар гайгаар Еховаг орхисон юм (Ш.дэ 24:17–19).

МЭ I зуунд элч Паул Христийн дагалдагчдын хурлыг «том байшинтай», хурлын гишүүдийг сав суулгатай зүйрлэжээ. Бид Еховад таалагддаггүй юм хийдэг хэнтэй ч, тэр байтугай, гэр бүлийнхэн юм уу итгэл нэгтэнтэйгээ ч дотносон нөхөрлөдөггүй бол «чухал юманд хэрэглэдэг сав» байж чадна (2Ти 2:20, 21). Тиймээс Еховаг хайрладаг, түүнд үйлчлэхийг урамшуулдаг хүмүүстэй үргэлж найзалж нөхөрлөцгөөе.

«МУУТАЙ НӨХӨРЛӨХӨӨС ЗАЙЛСХИЙЖ СУР» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ

• Бид яаж яваад өөрийн мэдэлгүй муутай нөхөрлөж мэдэх вэ?

• Видеонд гарч байгаа гурван хүн юуны ачаар муу нөхрөөс салсан бэ?

• Найз нөхөрөө зөв сонгоход тань Библийн ямар зарчим тус болох вэ?