1 Crónicas

25 Ta̱ David xíʼin na̱ xi̱niʼi yichi̱ nu̱ú na̱ xi̱kachíñu ini templo nda̱taʼvína sava na̱ se̱ʼe ta̱ Asaf, ta̱ Hemán xíʼin ta̱ Jedutún ña̱ va̱ʼa sakáʼana arpa, címbalo ta saátu inkaka instrumento tú kúúmií yi̱ʼva̱ ña̱ va̱ʼa ndasakáʼnuna Ndióxi̱.* Yóʼo va̱xi ki̱vi̱ na̱ ta̱a na̱ nda̱kaxinna ña̱ keʼéna chiñu yóʼo: 2 ta̱ Zacur, ta̱ José, ta̱ Netanías xíʼin ta̱ Asarelá na̱ xi̱kuu se̱ʼe ta̱ Asaf, ta mií ta̱ Asaf kúú ta̱ xi̱kiʼin kuenta xíʼinna ta saátu xi̱kuura profeta ta ta̱ rey kúú ta̱ xi̱niʼi yichi̱ nu̱úra, 3 ta saátu i̱ñu̱ saá na̱ se̱ʼe ta̱ Jedutún: ta̱ Guedalías, ta̱ Zerí, ta̱ Jesayá, ta̱ Simeí, ta̱ Hasabías xíʼin ta̱ Matitías, ta yivána ta̱ Jedutún kúú ta̱ xi̱kiʼin kuenta xíʼinna. Saátu xi̱kuura profeta ta xi̱sakáʼara arpa ña̱ va̱ʼa taxira tíxa̱ʼvi ndaʼa̱ Jehová ta ndasakáʼnurara; 4 ta saátu na̱ se̱ʼe ta̱ Hemán: ta̱ Matanías, ta̱ Uziel, ta̱ Sebuel, ta̱ Jerimot, ta̱ Hananías, ta̱ Hananí, ta̱ Eliatá, ta̱ Guidaltí, ta̱ Romamti-Ézer, ta̱ Josbecasa, ta̱ Malotí, ta̱ Hotir xíʼin ta̱ Mahaziot. 5 Ndiʼi na̱yóʼo xi̱kuuna se̱ʼe ta̱ Hemán ta̱ xi̱xito visión ta xi̱kunda̱a̱-inira xa̱ʼa̱ ña̱ kúni̱ Ndióxi̱ ta xi̱natúʼunra xíʼin ta̱ rey ña̱ va̱ʼa ndasakáʼnura Ndióxi̱; xa̱ʼa̱ ña̱kán Ndióxi̱ ta̱ nda̱a̱ ta̱xira ña̱ ni̱xi̱yo u̱xu̱ ku̱mí se̱ʼeta̱a ta̱ Hemán xíʼin u̱ni̱ se̱ʼe-síʼira. 6 Ndiʼi na̱yóʼo xi̱xitana veʼe Jehová ta ta̱ xi̱kiʼin kuenta xíʼinna xi̱kuu yivána, ta xi̱sakáʼana címbalo, arpa xíʼin inkaka instrumento tú kúúmií yi̱ʼva̱ ña̱ va̱ʼa kachíñuna veʼe Ndióxi̱ ta̱ nda̱a̱.

Ta mií ta̱ rey kúú ta̱ xi̱kaʼa̱n xíʼin ta̱ Asaf, ta̱ Jedutún xíʼin ta̱ Hemán ndáaña xíniñúʼu keʼéna.

7 Ndiʼi na̱yóʼo xíʼin na̱ ñanina xi̱kuuna 288, ta sa̱náʼa̱nana katana nu̱ú Jehová ta va̱ʼaní xi̱xini̱na. 8 Tasaá chi̱kaa̱na suerte* ña̱ va̱ʼa kunda̱a̱-inina ndáa chiñu kúú ña̱ keʼé iin tá iinna, ni válína á náʼnuna, ni kúúna na̱ xíni̱ní á na̱ sa̱kán sákuaʼa.

9 Tá chi̱kaa̱na suerte, ki̱ta ki̱vi̱ ta̱ José se̱ʼe ta̱ Asaf, ta̱ u̱vi̱ xi̱kuu ta̱ Guedalías (miíra, na̱ ñanira xíʼin na̱ se̱ʼera 12 xi̱kuuna); 10 ta̱ u̱ni̱ xi̱kuu ta̱ Zacur, ndiʼi na̱ se̱ʼera xíʼin na̱ ñanira 12 xi̱kuuna; 11 ta̱ ku̱mí xi̱kuu ta̱ Izrí, ndiʼi na̱ se̱ʼera xíʼin na̱ ñanira 12 xi̱kuuna; 12 ta̱ u̱ʼu̱n xi̱kuu ta̱ Netanías, ndiʼi na̱ se̱ʼera xíʼin na̱ ñanira 12 xi̱kuuna; 13 ta̱ i̱ñu̱ xi̱kuu ta̱ Buquías, ndiʼi na̱ se̱ʼera xíʼin na̱ ñanira 12 xi̱kuuna; 14 ta̱ u̱xa̱ xi̱kuu ta̱ Jesarela, ndiʼi na̱ se̱ʼera xíʼin na̱ ñanira 12 xi̱kuuna; 15 ta̱ u̱na̱ xi̱kuu ta̱ Jesayá, ndiʼi na̱ se̱ʼera xíʼin na̱ ñanira 12 xi̱kuuna; 16 ta̱ i̱i̱n xi̱kuu ta̱ Matanías, ndiʼi na̱ se̱ʼera xíʼin na̱ ñanira 12 xi̱kuuna; 17 ta̱ u̱xu̱ xi̱kuu ta̱ Simeí, ndiʼi na̱ se̱ʼera xíʼin na̱ ñanira 12 xi̱kuuna; 18 ta̱ u̱xu̱ iin xi̱kuu ta̱ Azarel, ndiʼi na̱ se̱ʼera xíʼin na̱ ñanira 12 xi̱kuuna; 19 ta̱ u̱xu̱ u̱vi̱ xi̱kuu ta̱ Hasabías, ndiʼi na̱ se̱ʼera xíʼin na̱ ñanira 12 xi̱kuuna; 20 ta̱ u̱xu̱ u̱ni̱ xi̱kuu ta̱ Subael, ndiʼi na̱ se̱ʼera xíʼin na̱ ñanira 12 xi̱kuuna; 21 ta̱ u̱xu̱ ku̱mí xi̱kuu ta̱ Matitías, ndiʼi na̱ se̱ʼera xíʼin na̱ ñanira 12 xi̱kuuna; 22 ta̱ xa̱ʼu̱n xi̱kuu ta̱ Jeremot, ndiʼi na̱ se̱ʼera xíʼin na̱ ñanira 12 xi̱kuuna; 23 ta̱ xa̱ʼu̱n iin xi̱kuu ta̱ Hananías, ndiʼi na̱ se̱ʼera xíʼin na̱ ñanira 12 xi̱kuuna; 24 ta̱ xa̱ʼu̱n u̱vi̱ xi̱kuu ta̱ Josbecasa, ndiʼi na̱ se̱ʼera xíʼin na̱ ñanira 12 xi̱kuuna; 25 ta̱ xa̱ʼu̱n u̱ni̱ xi̱kuu ta̱ Hananí, ndiʼi na̱ se̱ʼera xíʼin na̱ ñanira 12 xi̱kuuna; 26 ta̱ xa̱ʼu̱n ku̱mí xi̱kuu ta̱ Malotí, ndiʼi na̱ se̱ʼera xíʼin na̱ ñanira 12 xi̱kuuna; 27 ta̱ o̱ko̱ xi̱kuu ta̱ Eliatá, ndiʼi na̱ se̱ʼera xíʼin na̱ ñanira 12 xi̱kuuna; 28 ta̱ o̱ko̱ iin xi̱kuu ta̱ Hotir, ndiʼi na̱ se̱ʼera xíʼin na̱ ñanira 12 xi̱kuuna; 29 ta̱ o̱ko̱ u̱vi̱ xi̱kuu ta̱ Guidaltí, ndiʼi na̱ se̱ʼera xíʼin na̱ ñanira 12 xi̱kuuna; 30 ta̱ o̱ko̱ u̱ni̱ xi̱kuu ta̱ Mahaziot, ndiʼi na̱ se̱ʼera xíʼin na̱ ñanira 12 xi̱kuuna; 31 ta ta̱ o̱ko̱ ku̱mí xi̱kuu ta̱ Romamti-Ézer, ndiʼi na̱ se̱ʼera xíʼin na̱ ñanira 12 xi̱kuuna.