ISAÍAS

 2 Kuniso̱ʼo ndóʼó na̱ ndóo chí ndiví xíʼin na̱ ndóo nu̱ú ñuʼú,

saáchi ña̱yóʼo kúú ña̱ káʼa̱n Jehová:

“Sa̱kúaʼnui̱ se̱ʼi̱ ta sa̱náʼi̱na,

soo vitin i̱xaso̱ʼona nu̱úi̱ ta ku̱a̱ʼa̱nna contrai̱.

 3 Tí si̱ndi̱ki̱ xíni̱va̱ʼarí xi̱toʼorí,

ta tí burro xíni̱va̱ʼarí nu̱ú táxi xi̱toʼorí xíxáʼanrí;*

soo na̱ ñuu Israel va̱ása xíni̱na yi̱ʼi̱, na̱ kíʼví kúú na̱ ñui̱”.

 4 Ndáʼviní ndóʼó na̱ ñuu na̱ ku̱a̱kiʼvi ku̱a̱chi,

iin ñuu na̱ ndísoní ku̱a̱chi kúúndó,

se̱ʼi̱ na̱ ndi̱va̱ʼaní-ini kúúndó ta sándaʼviníndó.

Sa̱ndákoondó Jehová; va̱ása íxato̱ʼókandó Ndióxi̱ na̱ ñuu Israel,

Ndióxi̱ ta̱ yi̱i̱; ta va̱ása xíínkandó kunindóra.

Tu̱kue̱ʼe̱ndó, ku̱kúii̱ ku̱ñundó, ka̱na ndi̱ʼi ñii̱ndó ta ni̱ka̱a̱n nu̱úña...,

ta̱ʼán sandáʼandóña, ta̱ʼán katúnndó nu̱úña,

 8 Nda̱a̱ táki̱ʼva íyo iin veʼe loʼo nu̱ú xíyo sávina,

ña̱ íyo nu̱ú chíʼina tú uva, saá sa̱ndákoondó ñuu Sion,

nda̱a̱ táki̱ʼva íyo veʼe loʼo ña̱ ka̱nindichina nu̱ú chíʼina pepino,

 9 Tá va̱ása nítaxi Jehová ta̱ xáʼndachíñu nu̱ú na̱ ángel ña̱ ka̱ku savana,

xa̱a̱yó kundoʼoyó nda̱a̱ táki̱ʼva ndo̱ʼo na̱ ñuu Sodoma

ta saátu kundoʼoyó nda̱a̱ táki̱ʼva ndo̱ʼo na̱ ñuu Gomorra.

“Kǒo kútóokai̱ ña̱ kaʼmindó* ndikachi* che̱e nu̱úi̱ ta so̱kóndórí nu̱úi̱,

ni xa̱ʼan* kití tí ndi̱ʼíní ta saátu ni kǒo kútóokai̱ ni̱i̱ si̱ndi̱ki̱ che̱e tí yúta̱,*

12 Ndóʼó va̱xindó nu̱úi̱,

¿soo ndáana ni̱ka̱ʼa̱n xíʼinndó kixindó ta kakandó chí yéʼíi̱

ta na̱ʼa̱ndó ña̱ va̱ása íxato̱ʼóndóña?

Tá kíxáʼa iin tá iin yo̱o̱, ki̱vi̱ sábado, tá ndátakandó ña̱ keʼéndó vikó...,

ni loʼo kǒo kútói̱ ña̱ kéʼéndó, chi kéʼéndó reunión ña̱ ndáyáʼviní ta kéʼétundó magia.

15 Tá ndániʼindó ndaʼa̱ndó ña̱ ka̱ʼa̱nndó xíʼi̱n,

ndákasii̱ nu̱úi̱ nu̱úndó.

Ni ku̱a̱ʼání yichi̱ káʼa̱nndó xíʼi̱n;

va̱ása xíniso̱ʼi̱ ña̱ káʼa̱nndó saáchi ku̱a̱ʼánína xa̱ʼníndó.*

16 Kuchundó, ndasandiindó* miíndó;

kǒo kúni̱i̱ kotokai̱ ña̱ va̱ása va̱ʼa kéʼéndó;

sandákoondó keʼéndó ña̱ va̱ása va̱ʼa.

17 Sakúaʼandó keʼéndó ña̱ va̱ʼa ta saátu ña̱ nda̱kú,

taxindó consejo ndaʼa̱ na̱ sáxo̱ʼvi̱* inkana,

ndakiʼinndó tu̱ʼun na̱ kǒo yivá, ndakiʼinndó tu̱ʼun ná ni̱xi̱ʼi̱ yii̱”.

“Ni nda̱a̱ táki̱ʼva íyo color ña̱ kúáʼa ná koo ku̱a̱chindó,

nduyaaña nda̱a̱ táki̱ʼva íyo nieve;

ni ña̱ kúáʼa ná kooña, nda̱a̱ táki̱ʼva íyo tela ña̱ kúáʼa ña̱ yéʼe̱ní,

nduyaaña nda̱a̱ táki̱ʼva yaa ixí* ndikachi.

19 Tá chíkaa̱-inindó ña̱ kuniso̱ʼondó,

kuxundó ña̱ va̱ʼa ña̱ kana nu̱ú ñuʼú.

20 Soo tá va̱ása xíínndó kuniso̱ʼondó ta íxaso̱ʼondó,

kaʼnína ndóʼó xíʼin espada, saáchi mií Jehová kúú ta̱ ni̱ka̱ʼa̱nña”.

ndu̱uña nda̱a̱ táki̱ʼva íyo iin ñaʼá ñá kísi̱ xíʼin ku̱a̱ʼání ta̱a.

Nina ña̱ nda̱kú xi̱keʼé na̱ ñuu yóʼo;

ta kǒo nísandákoona keʼéna ña̱ va̱ʼa,

ta kútóonína ña̱ ná saníʼi̱na ña̱ʼa miína.

Va̱ása nda̱kú ndátiinna ku̱a̱chi xíʼin na̱ ni̱xi̱ʼi̱ yivá,

24 Ña̱kán, Jehová ta̱ xáʼndachíñu nu̱ú na̱ ángel, ta̱ kúú Ndióxi̱ ta̱ nda̱a̱,

Ndióxi̱ na̱ ñuu Israel ta̱ íyoní ndee̱ káchira:

25 Taxii̱ castigo ndaʼa̱ndó, tavái̱ ndiʼi ña̱ yaku̱a̱ ña̱ kúúmiíndó,

nda̱a̱ táki̱ʼva kéʼé na̱ yiví xíʼin plata tá sándutanaña ña̱ va̱ʼa ndasandiinaña,

saá ndasandii̱ ndóʼó.

26 Taxi tukui̱ ña̱ ná koo na̱ ndatiin ku̱a̱chi xíʼinndó,

taxii̱ ña̱ ná koo tuku na̱ taxi consejo ndaʼa̱ndó.

27 Xa̱ʼa̱ ña̱ nda̱kúní-inii̱, sakǎkui̱ ñuu Sion,

xa̱ʼa̱ ña̱ nda̱kúní-inii̱ ndasatái̱ na̱ ñuundó ña̱ va̱ʼa ná ndandikóna.

28 Na̱ so̱ʼoní xíʼin na̱ kíʼvi ku̱a̱chi, inkáchi ndiʼi-xa̱ʼa̱na,

ta saátu na̱ sándakoo Jehová, ndiʼi-xa̱ʼa̱na.

29 Na̱kán kukaʼan nu̱úna xíʼin yitu̱n tú náʼnuní tú xi̱kutóondó,

ta ndóʼó kukaʼan nu̱úndó xíʼin jardín* ña̱ nda̱kaxinndó.

30 Saáchi xa̱a̱ndó koondó nda̱a̱ táki̱ʼva íyo iin yitu̱n tú káʼnuní

tú kóyo yu̱ku̱ ndaʼa̱ ta saátu koondó nda̱a̱ táki̱ʼva íyo iin jardín nu̱ú kǒo ti̱kui̱í íyo.

31 Ta̱a ta̱ ndakúní xa̱a̱ra nduura nda̱a̱ táki̱ʼva íyo ku̱ʼu̱ ña̱ yi̱chí,

ta chiñu ña̱ kéʼéra kooña nda̱a̱ táki̱ʼva íyo iin ñuʼu̱ loʼo;

koko* miíra ta saátu ña̱yóʼo,

ta nda̱a̱ ni iinna va̱ása kuchiñu ndaʼva ñuʼu̱ yóʼo”.

 2 Ki̱vi̱ so̱ndíʼi, yuku̱ nu̱ú níndichi veʼe Jehová

tuunní kundichiña xi̱ní yuku̱

ta súkunka kooña nu̱ú ndiʼika xi̱kí,

ta yóʼo ku̱ʼu̱n ndiʼi na̱ ñuu.

“Ná ku̱ʼu̱nyó ta ná ndaayó yuku̱ nu̱ú íyo veʼe Jehová,

veʼe Ndióxi̱ ta̱ Jacob.

Sanáʼa̱ra yichi̱ra nu̱úyó ta kakayó yichi̱ra”.

Saáchi chí Sion kana ley,

 4 Miíra kúú ta̱ ndatiin ku̱a̱chi xíʼin na̱ ñuu

ta ndasaviíra ku̱a̱chi ña̱ kúúmiína.

Espadana, ndasanaña ya̱ta̱

ta lanzana, ndasanaña kiʼí.

Ndiʼi na̱ ñuu va̱ása kanitáʼankana xíʼin espada

ni va̱ása sakúaʼakana ku̱ʼu̱nna nu̱ú ku̱a̱chi ña̱ kanitáʼanna.

 5 Ndóʼó na̱ veʼe ta̱ Jacob,

ná kakayó nu̱ú túun Jehová ñuʼu̱.

 6 Saáchi yóʼó sa̱ndákoún na̱ ñuún na̱ veʼe ta̱ Jacob,

chi ndíku̱nna costumbre na̱ ndóo chí Oriente;

kéʼéna magia nda̱a̱ táki̱ʼva kéʼé na̱ filisteo

ta ku̱a̱ʼání se̱ʼe na̱ inka ñuu ndóo xíʼinna.

 7 Ñuuna chu̱túña xíʼin plata ta saátu xíʼin oro,

ku̱a̱ʼání ña̱ ku̱i̱ká kúúmiína.

Ku̱a̱ʼání kuáyi̱ íyo ñuuna

ta ku̱a̱ʼání carreta kúúmiína.

Kúxítína nu̱ú ña̱ʼa ña̱ i̱xava̱ʼa miína,

nu̱ú ña̱ i̱xava̱ʼa miína xíʼin ndaʼa̱na.

 9 Na̱ ta̱a kúxítína ta sákukaʼanna nu̱úna,

ta va̱ása kívi ixakáʼnu-iniún xa̱ʼa̱na.

10 Ki̱ʼvindó ti̱xin yu̱u̱ ta koose̱ʼéndó* ti̱xin yáká*

xa̱ʼa̱ ña̱ ndeéní sáa̱ Jehová,

xa̱ʼa̱ ña̱ íyoní ndee̱ra.

11 Na̱ ni̱nuní kúni ndakundeena*

ta na̱ kúta̱aní-ini kukaʼan nu̱úna.

Ta va̱xira ña̱ taxira castigo ndaʼa̱ ndiʼi na̱ ni̱nuní kúni xíʼin na̱ kúta̱aní-ini,

taxira castigo ndaʼa̱ ndiʼina, ni ndáyáʼvina á va̱ása ndáyáʼvina.

13 Taxira castigo ndaʼa̱ ndiʼi yitu̱n tú cedro tú íyo chí Líbano tú súkunní,

saátu taxira castigo ndaʼa̱ ndiʼi yitu̱n tú naní roble tú íyo chí Basán,

14 taxira castigo ndaʼa̱ ndiʼi yuku̱ súkun

ta saátu ndaʼa̱ ndiʼi xi̱kí súkun,

15 taxira castigo ndaʼa̱ ndiʼi veʼe ña̱ súkun

ta saátu ndiʼi nama̱ ña̱ kútu̱ní ku̱vaʼa,

16 taxira castigo ndaʼa̱ ndiʼi barco tú Tarsis*

ta saátu ndaʼa̱ ndiʼi barco tú va̱ʼaní náʼa̱.

17 Ta̱a ta̱ ni̱nuní kúni ndakundeera,

ta̱ kúta̱aní-ini kukaʼan nu̱úra.

19 Ta na̱ yiví ki̱ʼvina ti̱xin kavá,

ki̱ʼvina ti̱xin ya̱vi̱ ña̱ íyo nu̱ú ñuʼú,

xa̱ʼa̱ ña̱ ndeéní sáa̱ Jehová,

xa̱ʼa̱ ña̱ íyoní ndee̱ra,

tá ná sakándara ñuʼú, yi̱ʼvíní na̱ yiví.

20 Ki̱vi̱ saá, na̱ ta̱a kiʼinna ndióxi̱na ña̱ kǒo ndáyáʼvi ña̱ ku̱vaʼa xíʼin plata saátu xíʼin oro,

ña̱ ke̱ʼéna ña̱ kuxítína nu̱úña,

ta sakánanaña nu̱ú tí musaraña* xíʼin tí chináká,

21 ña̱ va̱ʼa koose̱ʼéna ini kavá

ta saátu ti̱xin yu̱u̱ náʼnu,

xa̱ʼa̱ ña̱ ndeéní sáa̱ Jehová,

xa̱ʼa̱ ña̱ íyoní ndee̱ra,

tá ná sakándara ñuʼú, yi̱ʼvíní na̱ yiví.

22 Xa̱ʼa̱ ña̱ va̱ʼa miíndó, va̱ása kundaaka-inindó na̱ yiví,

kuxíkándó nu̱úna chi ta̱chí kuitíva ndákiʼinna ña̱ va̱ʼa tákuna.

3 Jehová, ta̱ kúú Ndióxi̱ ta̱ nda̱a̱, ta̱ xáʼndachíñu nu̱ú na̱ ángel,

va̱ása taxikara ña̱ʼa ña̱ kuniñúʼu na̱ ñuu Jerusalén ta saátu na̱ ñuu Judá ta ni va̱ása chindeétáʼankara xíʼinna.

Va̱ása taxikara ña̱ kuxu ni ti̱kui̱í tá koʼo,

 2 ta̱a ta̱ ndakú, ta̱a ta̱ xáʼa̱n nu̱ú ku̱a̱chi,

ta̱ ndátiin ku̱a̱chi, ta̱ profeta, ta̱a ta̱ káʼa̱n xa̱ʼa̱ ña̱ koo chí nu̱únínu xíʼin ta̱ xi̱kuaʼa̱,

 3 ta̱a ta̱ níʼi yichi̱ nu̱ú 50 na̱ yiví, ta̱a ta̱ íxato̱ʼónína, ta̱a ta̱ táxi consejo,

ta̱ xíni̱ní keʼé magia, ta saátu ta̱ kéʼé ña̱ tási.

 4 Ta̱ va̱lí taxii̱ kaʼndachíñu nu̱úndó,

na̱ va̱ása vií ndákanixi̱ní kúú na̱ kaʼndachíñu nu̱úndó.

 5 Na̱ yiví ixandi̱va̱ʼana xíʼin ñanitáʼanna,

iin tá iinna ixandi̱va̱ʼana xíʼin táʼanna.

Ta̱ loʼo kanira ta̱ xi̱kuaʼa̱,

ta ta̱ va̱ása ndáyáʼvi, koora contra ta̱ íxato̱ʼóna.

“Va̱ása sandáʼi̱ nu̱ú tu̱kue̱ʼe̱ndó;

kǒo ña̱ kuxundó veʼi̱ ni ti̱ko̱to̱ ña̱ kundixindó.

 8 Na̱ ñuu Jerusalén ka̱chiʼina*

ta na̱ ñuu Judá nda̱kavana,

saáchi káʼa̱nna ta kéʼéna ña̱ʼa ña̱ va̱ása kútóo Jehová;

íxaso̱ʼona nu̱úra ni xítona ña̱ káʼnuníra.

 9 Náʼa̱ miíva nu̱úna ña̱ kéʼéna ña̱ va̱ása va̱ʼa,

ta káʼa̱nna xa̱ʼa̱ ku̱a̱china nda̱a̱ táki̱ʼva ke̱ʼé na̱ ñuu Sodoma;

va̱ása chíse̱ʼénaña.

10 Ka̱ʼa̱nndó xíʼin na̱ kéʼé ña̱ nda̱kú, ña̱ va̱ʼava kana ña̱ keʼéna;

ndakiʼinna ña̱ va̱ʼa xa̱ʼa̱ ña̱ kéʼéna.

Chi kixi tu̱ndóʼo nu̱úra,

saáchi nda̱a̱ táki̱ʼva ke̱ʼéra, saá keʼéna xíʼinra.

12 Na̱ kíʼin kuenta xíʼin na̱ ñui̱, ndi̱va̱ʼaní-inina,

ta ná ñaʼá kúú ná xáʼndachíñu nu̱úna.

Na̱ ñuu miíi̱, na̱ níʼi yichi̱ nu̱úndó, su̱ví yichi̱ va̱ʼaví ku̱a̱ʼa̱nna xíʼinndó,

sákána xi̱níndó ña̱ va̱ʼa kǒo kunda̱a̱-inindó ndáa yichi̱ ku̱ʼu̱nndó.

13 Jehová íyo tu̱ʼvara ña̱ ka̱ʼa̱nra xa̱ʼa̱ ku̱a̱chi ña̱ kúúmiíndó;

ndákundichira ña̱ va̱ʼa ka̱ʼa̱nra ndáaña kundoʼo na̱ ñuu.

“Ndóʼó xa̱ʼmindó nu̱ú chíʼina tú uva,

ta ti̱xin veʼendó íyo ña̱ʼa ña̱ i̱xakúiʼnándó ndaʼa̱ na̱ nda̱ʼví.

15 ¿Nda̱chun íxandi̱va̱ʼandó xíʼin na̱ ñui̱

ta nda̱chun sáxo̱ʼvi̱níndó* na̱ nda̱ʼví?”, káchi táta káʼnu Jehová ta̱ xáʼndachíñu nu̱ú na̱ ángel.

16 Jehová káchira: “Xa̱ʼa̱ ña̱ ni̱nuní kúni ná se̱ʼe ñuu Sion,

nda̱a̱ ni̱nu xítoná xíkaná,

ndákuani̱ válíná xíkaná, ndáa yi̱i̱ yi̱i̱ xíkaná ku̱a̱ʼa̱nná

ta sákaʼaná siki̱ tí ñúʼu su̱kún xa̱ʼa̱ná,

17 Jehová taxira ña̱ kana ta̱ʼyi̱ xi̱ní ná se̱ʼe ñuu Sion,

Jehová sakóyora ndiʼi ixí* xi̱níná.

18 Ki̱vi̱ saá, Jehová kindaara ña̱ ndásalivi miíná: kindaara siki̱ tí ñúʼu su̱kún xa̱ʼa̱ná,

ña̱ núʼni xi̱níná xíʼin siki̱ tí náʼa̱ nda̱a̱ táki̱ʼva náʼa̱ yo̱o̱,

19 siki̱ so̱ʼoná, siki̱ tí ñúʼu ndaʼa̱ná xíʼin ti̱ko̱to̱ ña̱ ndási nu̱úná,

20 ña̱ʼa ña̱ livi ña̱ ñúʼu xi̱níná, cadena válí ña̱ ñúʼu su̱kún xa̱ʼa̱ná xíʼin ti̱ko̱to̱ ña̱ ndási kándíkaná,

ña̱ʼa nu̱ú ñúʼu perfumená xíʼin ña̱ʼa válí ña̱ xíniñúʼuná ña̱ ndáa miíná,

21 seʼe̱* ña̱ ñúʼu ndaʼa̱ná xíʼin siki̱ tí ñúʼu si̱ti̱nná,

22 si̱yo nííná* ña̱ va̱ʼaníka náʼa̱, ti̱ko̱to̱ ña̱ ndíxiná chí sa̱tá, ti̱ko̱to̱ ña̱ sáʼviná xíʼin lekáná,

23 espejo válíná, ti̱ko̱to̱ná ña̱ lino,*

ti̱ko̱to̱ ña̱ kánuu xi̱níná xíʼin ti̱ko̱to̱ ña̱ ndási nu̱úná.

24 Nu̱úka ña̱ kuxaʼa̱nná táki̱ʼva xáʼa̱n aceite tá kúúmií bálsamo,* ná kuxaʼa̱n táʼyiva kooná;

nu̱úka ña̱ kuniñúʼuná cinturón, yoʼo̱va kunuʼni tokóná;

nu̱úka ña̱ ndachuʼun liviná xi̱níná, ña̱ kuchalava kúú xi̱níná;

nu̱úka ña̱ kundixina ti̱ko̱to̱ va̱ʼa, ti̱ko̱to̱ ndayíva* kundixiná;

nu̱úka ña̱ livi kunaʼa̱ná, ya̱ndava* koo ñii̱ná.

25 Na̱ ta̱a na̱ ñuundó, kuvina xíʼin espada,

ta na̱ ndakúní na̱ xáʼa̱n nu̱ú ku̱a̱chi, kuvina nu̱ú ku̱a̱chi.

26 Na̱ ñuu kuakuna ta kusuchí-inina chí yéʼé ñuu,

ñuundó íyoña nda̱a̱ táki̱ʼva íyo iin ñaʼá ñá ki̱ndaana ndiʼi ña̱ʼa ta xi̱kundúʼuñá nu̱ú ñuʼú”.

“Kuxundi̱ ña̱ kúúmiíndi̱

ta miíndi̱ ndukú ña̱ kundixindi̱;

taxi kuití ná kuumiíndi̱ ki̱vi̱ún

tasaá kǒo kukaʼanka nu̱úndi̱”.*

5 Taxindó ná katai̱ iin yaa nu̱ú ta̱ kúʼvi̱ní-inii̱ xínii̱,

ná katai̱ iin yaa ña̱ káʼa̱n xa̱ʼa̱ ta̱ kúʼvi̱-inii̱ xínii̱ ta saátu xa̱ʼa̱ tú uvara.

Chi̱ʼira uva kúáʼa tí va̱ʼaní,

ma̱ʼñú nu̱ú chi̱ʼira tú uva, i̱xava̱ʼara iin veʼe súkun

ta nu̱ú ñuʼú kán i̱xava̱ʼara nu̱ú kuʼnína tí uva.

Tasaá xi̱ndatura ná kana uva tí va̱ʼaní,

soo uva tí va̱ása va̱ʼava kúú tí ka̱na.

 3 “Ta vitin ndóʼó na̱ ñuu Jerusalén xíʼin ndóʼó na̱ ta̱a na̱ ñuu Judá,

kotondó ña̱ ndo̱ʼi̱ xíʼin tú uvai̱.

 4 Xa̱a̱ ku̱a̱ʼání ña̱ ke̱ʼíi̱ xa̱ʼa̱ tú uvai̱

¿á íyo inka ña̱ xi̱niñúʼu keʼíi̱ xa̱ʼa̱nú?

Uva va̱ʼava xi̱ndatui̱ taxinú,

¿nda̱chun ta̱xinú nina uva tí va̱ása va̱ʼa?

 5 Vitin ná ka̱ʼi̱n xíʼinndó

ndáaña keʼíi̱ xíʼin tú uvai̱:

kindai̱ corra nu̱ú íyonú ta kaʼmii̱nú.

Sandúvai̱ nama̱ ña̱ íyo nu̱ú íyo tú uvai̱,

 6 Ndasai̱ña iin ñuʼú ña̱ kǒo ña̱ʼa nu̱ú;

va̱ása ndasaviína ndaʼa̱ tú uva

ta ni va̱ása kutuna xa̱ʼa̱nú.

Ndakutú tú iñú nu̱ú ñuʼú yóʼo ta saátu yu̱ku̱ ña̱ va̱ása va̱ʼa,

 7 Saáchi tú uva tú kúú kuenta Jehová ta̱ xáʼndachíñu nu̱ú na̱ ángel kúú na̱ ñuu Israel;

na̱ ta̱a na̱ ñuu Judá kúú na̱ xi̱kuʼvi̱-inira xi̱xinira, ta ni̱xi̱yona nda̱a̱ táki̱ʼva íyo tú uva tú chi̱ʼira.

Xi̱kuni̱ra ña̱ nda̱kú ná ndatiinna ku̱a̱chi,

soo va̱ása níxi̱ndiku̱nna ña̱ káʼa̱n ley;

xi̱kuni̱ra ná keʼéna ña̱ nda̱kú,

soo xi̱niso̱ʼora ña̱ xi̱xaku na̱ xi̱ ixandi̱va̱ʼana xíʼin”.

 8 Ndáʼviní na̱ sátá* ku̱a̱ʼání veʼe

ta saátu na̱ sátá ku̱a̱ʼání ñuʼú,

na̱ ndákiʼin ndiʼi ña̱yóʼo ña̱ kooña kuentana

ta nda̱saa miína kúú na̱ ndóo nu̱ú ñuʼú yóʼo.

 9 Xi̱niso̱ʼi̱ ña̱ chi̱naʼá* Jehová ta̱ xáʼndachíñu nu̱ú na̱ ángel

ña̱ ku̱a̱ʼání veʼe, ni náʼnuníña ta ni liviníña,

ndiʼi-xa̱ʼa̱ña ta kǒoka na̱ kundoo iniña.

10 Iin ñuʼú káʼnuní nu̱ú íyo tú uva kana 22 litro* kuití tá vino,

tá ná chiʼina 160 kilo* si̱ʼva̱ ña̱ trigo, 16 kilo* kuití kana.

11 Ndáʼviní na̱ ya̱chi̱ní ndáko̱o ña̱ koʼona ndixi,

xíʼina nda̱a̱ tá kúñuú ta kininí kíxáʼana kéʼéna.

12 Tá kéʼéna vikó, sákaʼana arpa, instrumento tú kúúmií yi̱ʼva̱,

pandereta, flauta ta xíʼina vino;

soo va̱ása ndákanixi̱nína xa̱ʼa̱ ña̱ kéʼé Jehová

ta ni va̱ása xítona ña̱ i̱xava̱ʼara.

13 Ña̱kán ndakiʼinna na̱ ñui̱ ku̱ʼu̱n xíʼinna

xa̱ʼa̱ ña̱ kǒo kúnda̱a̱-inina;

ta na̱ ndáyáʼvi ti̱xin ñuu yóʼo kuni̱na kuxuna,

ta ndiʼi na̱ ñuuna kuni̱nína koʼona ti̱kui̱í.

14 Ña̱kán ndu̱káʼnuka Ya̱vi̱* nu̱ú ñúʼu na̱ ni̱xi̱ʼi̱

ta nda̱kuná kóʼó yuʼúña;

ta yóʼo ke̱e na̱ yiví na̱ ndáyáʼviní ti̱xin ñuu Jerusalén,

na̱ xuxanní yuʼú xíʼin na̱ yiví na̱ kútóoní vikó.

15 Na̱ ta̱a kuxítína

ta kukaʼan nu̱úna,

ta na̱ kúta̱aní-ini ndakundeena.*

16 Jehová ta̱ xáʼndachíñu nu̱ú na̱ ángel ndukáʼnura xa̱ʼa̱ ña̱ nda̱kúní ndatiinra ku̱a̱chi;

Ndióxi̱ ta̱ nda̱a̱, nduyi̱i̱ra xa̱ʼa̱ ña̱ nda̱kúní keʼéra.

17 Tí ndikachi* válí kixáʼanrí* nu̱ú íyo ku̱a̱ʼání ña̱ kixáʼanrí;

na̱ inka ñuu kuxuna nu̱ú ni̱xi̱yo kití tí va̱ʼaní xi̱kixáʼan.

18 Ndáʼviní na̱ sándaʼvi chi táki̱ʼva íyo na̱ núʼni xíʼin ku̱a̱china saá íyona,

íyona nda̱a̱ táki̱ʼva íyo iin kití tí núʼnindaa sa̱tá iin carreta

ta ku̱a̱ʼa̱nrí nda̱a̱ ndáaka nu̱ú ñúu* carreta yóʼo miírí,

19 ndáʼviní na̱ káʼa̱n: “Kama ná koora keʼéra ña̱ kúni̱ra keʼéra;

kama ná keʼéraña ña̱ va̱ʼa ná kuniyóña;

ná xi̱nu ña̱ kúni̱ Ndióxi̱ na̱ ñuu Israel, Ndióxi̱ ta̱ yi̱i̱,

ña̱ va̱ʼa kunda̱a̱-iniyó xa̱ʼa̱ña”.

20 Ndáʼviní na̱ káʼa̱n ña̱ va̱ʼa kúú ña̱ va̱ása va̱ʼa, ta ña̱ va̱ása va̱ʼa kúú ña̱ va̱ʼa,

na̱ káʼa̱n ña̱ naa kúú ña̱ yéʼé, ta ña̱ yéʼé kúú ña̱ naa,

na̱ káʼa̱n ña̱ o̱va̱ kúú ña̱ vi̱si̱, ta ña̱ vi̱si̱ kúú ña̱ o̱va̱.

21 Ndáʼviní na̱ ndákanixi̱ní ña̱ ndíchinína

ta ndákanixi̱nína ña̱ viíní íyo ña̱ kéʼéna.

22 Ndáʼviní na̱ xíʼi ku̱a̱ʼání vino

xíʼin na̱ ta̱a na̱ ndákanixi̱ní ña̱ ndakúnína,

soo tá xíʼi kuitína ndixi tá ndásaka̱ saá kúú ña̱ ndúndakúní-inina,

23 na̱ kíʼin xu̱ʼún ña̱ va̱ʼa ka̱ʼa̱nna ña̱ kǒo ku̱a̱chi kúúmií na̱ ndi̱va̱ʼa-ini

ta va̱ása xíínna ndatiinna ku̱a̱chi xíʼin na̱ kéʼé ña̱ va̱ʼa.

24 Xa̱ʼa̱ ña̱kán, nda̱a̱ táki̱ʼva xíxi̱ ku̱ʼu̱ xíʼin ñuʼu̱

ta nda̱a̱ táki̱ʼva xíxi̱ yita* ña̱ ni̱yi̱chi̱ saá kundoʼona,

ta̱ʼyi̱ ti̱oʼona* ta yitana ndachíña ku̱ʼu̱nña nda̱a̱ táki̱ʼva kéʼé yáká,*

saáchi kǒo níxiinna kuniso̱ʼona ley Jehová ta̱ xáʼndachíñu nu̱ú na̱ ángel

ta kǒo ní ixato̱ʼóna tu̱ʼun Ndióxi̱ na̱ ñuu Israel, Ndióxi̱ ta̱ yi̱i̱.

25 Xa̱ʼa̱ ña̱kán sáa̱ní Jehová xíʼin na̱ ñuura,

taxira castigo ndaʼa̱na ta kanirana.

Ndeéní kisi yuku̱,

ta na̱ ná kuvi, kindo̱ona chí calle nda̱a̱ táki̱ʼva kíndo̱o mi̱ʼí.*

Ni ná kuu ndiʼi ña̱yóʼo, sa̱a̱kavara,

taxikara castigo ndaʼa̱na ta kanikarana.

26 Ka̱nindichira iin yitu̱n tú kuni iin ñuu ña̱ íyo xíká,

ka̱nara na̱ íyo xíká ña̱ kixina;

ta kotondó, ndeéní va̱xina.

Cinturón ña̱ ndíkaa̱ tokóna, ta̱ʼán nda̱xínña

ta ni ta̱ʼán ta̱ʼnda̱ ndu̱xa̱nna.

28 Xi̱ínní* nu̱ú ndiʼi flechana

ta xa̱a̱ íyo tu̱ʼva kuxu̱nna* ña̱ sakánana flecha xíʼinnú.

Chíi̱n kuáyi̱ sa̱na̱na táki̱ʼva íyo yu̱u̱ téʼé saá íyoña,

ta llanta carretana kamaní ku̱a̱ʼa̱nña nda̱a̱ táki̱ʼva ku̱a̱ʼa̱n ta̱chí.

29 Táki̱ʼva ndáʼyi̱ ndikaʼa* saá ndáʼyi̱na;

táki̱ʼva ndáʼyi̱ ndikaʼa yúta̱.*

Nda̱a̱ táki̱ʼva kéʼérí tá ndúkue̱ʼe̱rí tá tíinrí iin kití saá kéʼéna,

ndakiʼinna na̱ ti̱inna ta va̱ása koo na̱ ndatavána ndaʼa̱na.

30 Nda̱a̱ táki̱ʼva ndáʼyi̱ tá mar

saá nda̱ʼyi̱na tá ná tiinna na̱yóʼo.

Ta na̱ ná kuni ñuʼú yóʼo kunina ña̱ naaníña ta íyoní tu̱ndóʼo nu̱úña;

ta va̱ása kutuu̱n ñuʼu̱ nu̱úña chi ndakasi vi̱kó nu̱úña.

Ta̱ kuvi kúúvai̱,

saáchi ta̱ ku̱a̱chi kúi̱ ta ña̱ yaku̱a̱* kúú ña̱ káʼi̱n

ta íyoi̱ xíʼin na̱ ñuu na̱ káʼa̱n ña̱ yaku̱a̱,

xi̱ninu̱úi̱ ta̱ Rey, Jehová ta̱ xáʼndachíñu nu̱ú na̱ ángel”.

Kǒoka ku̱a̱chi kúúmiíún

chi xa̱a̱ ndo̱ova ku̱a̱chiún”.

‘Ni tuku ta tuku ná kuniso̱ʼondó ña̱yóʼo,

va̱ása kunda̱a̱-inindó xíʼinña;

ni tuku ta tuku ná kotondó ña̱yóʼo,

va̱ása kunda̱a̱-inindó’.

10 Ndasatéʼé* níma̱ na̱ ñuu yóʼo,

ndakasi so̱ʼona

ndakasi nu̱úna

ña̱ va̱ʼa ná kǒo kunina

ta ná va̱ása kuniso̱ʼona

tasaá kǒo kunda̱a̱-inina,

ta va̱ása ndikóna nu̱ú Ndióxi̱ ta va̱ása ndaʼana”.

“Nda̱a̱ ná ndiʼi-xa̱ʼa̱ ndiʼi ñuu ta va̱ása kundookana nu̱úña

ni va̱ása kundooka na̱ yiví ini veʼena,

nda̱a̱ ná ndiʼi-xa̱ʼa̱ ñuʼú kán ta kǒoka na̱ kundoo nu̱úña;

12 nda̱a̱ ná sakúxíká Jehová ndiʼi na̱ ta̱a,

nda̱a̱ ná va̱ása kooka nda̱a̱ ni iin ña̱ʼa nu̱ú ñuʼú yóʼo.

“Va̱ása vií kana ña̱ kúni̱na keʼéna

ta ni va̱ása kuuña.

 8 Saáchi Damasco kúú ña̱ xáʼndachíñu nu̱ú ñuu Siria

ta ta̱ xáʼndachíñu chí Damasco kúú ta̱ Rezín.

 9 Samaria kúú ña̱ xáʼndachíñu nu̱ú ñuu ta̱ Efraín

ta se̱ʼe ta̱ Remalías kúú ta̱ xáʼndachíñu chí Samaria.

Tá kǒo kándíxandó xíʼin ndinuʼu níma̱ndó,

va̱ása ndakú koo ña̱ xáʼndachíñundó”’”.

 6 “Xa̱ʼa̱ ña̱ ku̱ndasí na̱ ñuu yóʼo xi̱nina ti̱kui̱í tá Siloé* tá kúeení ku̱a̱ʼa̱n,

ta kúsi̱í-inina xíʼin ña̱ kéʼé ta̱ Rezín ta̱ saátu ta̱ se̱ʼe ta̱ Remalías,

 7 Jehová chindaʼára ta̱ rey ñuu Asiria xíʼin ndiʼi na̱ soldadora

ña̱ kanitáʼanna xíʼin na̱ ñuu yóʼo,

ta koora nda̱a̱ táki̱ʼva íyo yu̱ta Éufrates,

tá kée nu̱ú xínurá ku̱a̱ʼa̱nrá, tá ndeéní xínu, tá kúnúní

 8 ta ki̱ʼvira iníí ñuu Judá.

Koora nda̱a̱ táki̱ʼva íyo ti̱kui̱í tá ndákutú ñuu yóʼo,

ndakutúrá ta nda̱a̱ su̱kúnna xa̱a̱rá.

Emmanuel,* nda̱a̱ táki̱ʼva keʼé iin saa tí ndándika ndi̱xi̱n iníí sa̱tá ñuʼún saá keʼéra”.

Nda̱a̱ ndáaka ña̱ ná ndaka̱xinndó keʼéndó xíʼinna, va̱ása vií kanaña,

saáchi Ndióxi̱ íyora xíʼinndi̱.*

Va̱ása yi̱ʼvíndó ña̱ yíʼvi na̱kán;

va̱ása kisindó nu̱ú ña̱yóʼo.

13 Jehová ta̱ xáʼndachíñu nu̱ú na̱ ángel..., ta̱kán kúú ta̱ xíniñúʼu koo Ndióxi̱ ta̱ yi̱i̱ nu̱úndó,

ta̱kán kúú ta̱ xíniñúʼu yi̱ʼvíndó

ta ta̱kán kúú ta̱ xíniñúʼu kisindó nu̱ú”.

14 Táki̱ʼva koo iin lugar ña̱ yi̱i̱ saá koora nu̱úndó,

ta koora nda̱a̱ táki̱ʼva íyo iin yu̱u̱ nu̱ú kanindaandó

ta saátu koora nda̱a̱ táki̱ʼva íyo iin yu̱u̱ nu̱ú kachiʼindó*

saá koora nu̱ú u̱vi̱ saá na̱ rey ña̱ ñuu Israel,

ta̱yóʼo táki̱ʼva koo ta̱ sandákava na̱ ñuu Jerusalén saá koora,

ta tiinrana xíʼin ñunú.*

15 Ku̱a̱ʼání na̱yóʼo kachiʼina, ndakavana ta ndiʼi-xa̱ʼa̱na;

ko̱yona ta tiinrana.

16 Ndativí* ña̱ ka̱ʼyina;

kani sello nu̱ú ley ta taxiña ndaʼa̱ na̱ discípuloi̱.

 2 Na̱ ñuu na̱ ni̱xi̱ka nu̱ú naa

xi̱nina iin ñuʼu̱ káʼnuní.

Ta nda̱ye̱ʼe̱ ñuʼu̱ yóʼo sa̱tá na̱ ndóo nu̱ú ñuʼú yóʼo,

na̱ xi̱ndoo nu̱ú naa.

 3 Ku̱a̱ʼání nda̱saún na̱ ñuu yóʼo;

sa̱kúsi̱íníún-inina.

Kúsi̱íní-inina nu̱ún,

nda̱a̱ táki̱ʼva kúsi̱íní-ini na̱ yiví tá kíxaa̱ tiempo ña̱ sákeena,*

nda̱a̱ táki̱ʼva kúsi̱íní-ini na̱ yiví na̱ ndátaʼví ña̱ʼa ña̱ nda̱kiʼinna nu̱ú ni̱xa̱ʼa̱nna ka̱nitáʼanna.

 4 Saáchi sa̱kúachiún yókó* tú xi̱ndisona,

yitu̱n tú xi̱ndisona, karroti* tú níʼi na̱ xáʼndachíñu nu̱úna,

nda̱a̱ táki̱ʼva ke̱ʼún tá ndi̱ʼi-xa̱ʼa̱ na̱ ñuu Madián.

 5 Ndiʼi ndu̱xa̱n na̱ soldado na̱ sáka̱nda̱ ñuʼú tá xíkana ku̱a̱ʼa̱nna

ta saátu ndiʼi ti̱ko̱to̱na ña̱ nda̱xi* xíʼin ni̱i̱

kuniñúʼunaña ña̱ ndakaʼmina ñuʼu̱.

 6 Saáchi ka̱ku iin ta̱ loʼo nu̱úyó,

ta̱xina iin se̱ʼeyó;

ta kaʼndachíñura.

 7 Iníísaá kaʼndachíñura

ta va̱ʼaní kundoona ndiʼi tiempo

nu̱ú íyo ta̱ David xáʼndachíñura,

va̱ása ndiʼi-xa̱ʼa̱ ña̱ xáʼndachíñura

ta nda̱kúní kaʼndachíñura,

vitin ta saátu ndiʼi tiempo.

 8 Jehová chi̱ndaʼára tu̱ʼun yóʼo ku̱a̱ʼa̱nña nu̱ú ta̱ Jacob,

ta ku̱a̱ʼa̱nña nu̱ú na̱ ñuu Israel.

 9 Ta ndiʼi na̱ ñuu kunda̱a̱-inina xa̱ʼa̱ña,

na̱ ñuu ta̱ Efraín xíʼin na̱ ñuu Samaria,

xa̱ʼa̱ ña̱ ni̱nuní kúnina ta kǒo íxato̱ʼóna, káʼa̱nna ña̱yóʼo:

10 “Ni̱ko̱yo ndo̱ʼo,

soo sandáʼayóña xíʼin yu̱u̱.

Xa̱ʼndana yitu̱n tú sicómoro,

soo ndachiʼiyó* yitu̱n tú cedro”.

11 Jehová taxira ña̱ ná kixi na̱ sáa̱-ini xíni ta̱ Rezín

ta ná kanitáʼanna xíʼinra,

12 na̱ ñuu Siria keena chí nu̱ú kíta ñu̱ʼu* ta na̱ filisteo keena chí nu̱ú kíʼvi ñu̱ʼu;

táki̱ʼva koo na̱ ndakuná yuʼú ña̱ kokóna na̱ ñuu Israel saá koo na̱yóʼo.

Ni ná kuu ndiʼi ña̱yóʼo sa̱a̱kavara xíʼinna,

taxikara castigo ndaʼa̱na ta kanikarana.

13 Saáchi na̱ ñuu yóʼo ta̱ʼán ndandikóna nu̱ú ta̱ káni miína;

ta̱ʼán nandukúna Jehová ta̱ xáʼndachíñu nu̱ú na̱ ángel.

14 Jehová kaʼndara xi̱ní na̱ ñuu Israel ta kaʼndara si̱ʼma̱na,*

ta táki̱ʼva keʼéra xíʼin ndaʼa̱ yitu̱n xíʼin yu̱ku̱ ndaʼa̱nú* saá keʼéra xíʼinna chi kaʼndarana iin kuití ki̱vi̱.

15 Xi̱nína kúú na̱ níʼi yichi̱ nu̱úna* na̱ íxato̱ʼónína,

ta si̱ʼma̱na kúú na̱ profeta na̱ sánáʼa̱ ña̱ vatá.*

16 Na̱ níʼi yichi̱ nu̱ú na̱ ñuu yóʼo sándañúʼunana,

ta na̱ níʼina yichi̱ nu̱ú yóʼo kǒo kúnda̱a̱-inina ndáaña keʼéna.

17 Xa̱ʼa̱ ña̱kán, Jehová va̱ása kusi̱í-inira xíʼin na̱ kúa̱an na̱ íyo ñuuna,

ta ni va̱ása kundáʼvi-inira kunira na̱ kǒo yivá xíʼin ná ni̱xi̱ʼi̱ yi̱i̱

saáchi ndiʼi na̱yóʼo ku̱a̱ʼa̱nna contra Ndióxi̱ ta ndi̱va̱ʼaní-inina

ta nina ña̱ kíʼví káʼa̱nna.

Ni ná kuu ndiʼi ña̱yóʼo sa̱a̱kavara xíʼinna,

taxikara castigo ndaʼa̱na ta kanikarana.

18 Ña̱ va̱ása va̱ʼa, íyoña nda̱a̱ táki̱ʼva íyo iin ñuʼu̱ ña̱ xíxi̱,

ta xáʼmiña tú iñú xíʼin ku̱ʼu̱ ña̱ va̱ása va̱ʼa.

Kaʼmiña yitu̱n tú íyo yuku̱,

tá ná koko* túyóʼo, yi̱ʼma̱ ndaaña nda̱a̱ táki̱ʼva kéʼé vi̱kó.

19 Xa̱ʼa̱ ña̱ sáa̱ní Jehová ta̱ xáʼndachíñu nu̱ú na̱ ángel

ki̱xáʼara xáʼmira nu̱ú ñuʼú yóʼo,

ta kuniñúʼura na̱ ñuu yóʼo ña̱ ndakaʼmira ñuʼu̱ yóʼo.

20 Iinna kaʼnda ku̱ñu ña̱ íyo chí ndaʼa̱ kúaʼa ta kuxunaña;

soo kuni̱kavana kuxuna.

Inkana kaʼnda ku̱ñu ña̱ íyo chí ndaʼa̱ yitin ta kuxunaña,

soo va̱ása xa̱a̱ví-inina.*

Iin tá iinna kuxuna ku̱ñu ndaʼa̱na;

21 ta̱ Manasés kuxura ta̱ Efraín,

ta ta̱ Efraín kuxura ta̱ Manasés.

Ni ná kuu ndiʼi ña̱yóʼo sa̱a̱kavara xíʼinna,

taxikara castigo ndaʼa̱na ta kanikarana.

10 Ndáʼviní na̱ tává ley ña̱ sáxo̱ʼvi̱* inkana,

na̱ káʼyi ña̱ sáxo̱ʼvi̱ inka na̱ yiví,

 2 tasaá kǒo kuniso̱ʼona ku̱a̱chi ña̱ ndátaxi na̱ nda̱ʼví ndaʼa̱na,

ta kǒo kandíxana ndatiinna ku̱a̱chi xíʼin na̱ ñuu,

na̱ ndákiʼin ná ni̱xi̱ʼi̱ yii̱ táki̱ʼva ndákiʼinna ña̱ʼa tá xáʼa̱nna nu̱ú ku̱a̱chi

ta saátu ndáʼviní na̱ kíndaa ña̱ʼa ndaʼa̱ na̱ kǒo yivá.

 3 ¿Ta ndáaña keʼéndó ki̱vi̱ ña̱ ná ndakiʼinndó castigo,

tá xíkáka ná kixi ña̱ sandíʼi-xa̱ʼa̱ ndóʼó?

¿Ndáana kunundó ku̱ʼu̱nndó nu̱ú ña̱ chindeétáʼanna xíʼinndó

ta ndáa míí sandákoondó ña̱ ku̱i̱ká ña̱ kúúmiíndó?

 4 Kǒo inkaka ña̱ kivi keʼéndó,

chi xíʼin na̱ ñúʼu veʼeka̱ava ndakundeendó* á kuvivandó.

Ni ná kuu ndiʼi ña̱yóʼo sa̱a̱kavara xíʼinndó,

taxikara castigo ndaʼa̱ndó ta kanikara ndóʼó.

 5 “Kotondó, na̱ ñuu Asiria,

na̱yóʼo kúú yitu̱n tú kuniñúʼi̱ ña̱ va̱ʼa na̱ʼi̱ ña̱ sáa̱níi̱.

Na̱yóʼo níʼina karroti* tú kuniñúʼi̱ ña̱ va̱ʼa na̱ʼi̱ ña̱ sáa̱níi̱ xíʼinndó.

 6 Chindaʼíi̱na ña̱ ku̱ʼu̱nna kanitáʼanna xíʼin iin ñuu ña̱ ku̱a̱ʼa̱n contra Ndióxi̱,

kanitáʼanna xíʼin ñuu na̱ sa̱sáa̱ní yi̱ʼi̱;

kaʼndai̱ chiñu nu̱úna ña̱ ná ndakiʼinna ndiʼi ña̱ʼa na̱ ñuu yóʼo ku̱ʼu̱n xíʼinna

ta ná ku̱a̱ñi̱nana* nda̱a̱ táki̱ʼva xáñi̱na nda̱ʼyi̱ ña̱ íyo chí calle.

 7 Ni su̱ví saáví íyona soo chikaa̱va-inina ña̱ keʼéna ña̱yóʼo;

saáchi ña̱ kúni̱na kúú ña̱ sandíʼi-xa̱ʼa̱na ku̱a̱ʼání ñuu,

su̱ví loʼoña kúni̱na sandíʼi-xa̱ʼa̱na.

 8 Saáchi na̱yóʼo káchina:

‘¿Á su̱ví rey kúú ndiʼi na̱ kúúmií chiñu ña̱ ndáyáʼvi na̱ káchíñu nu̱úndi̱?

10 Xa̱a̱ nda̱kiʼii̱n ndiʼi ñuu na̱ ndióxi̱ na̱ kǒo ndáyáʼvi,

ta ku̱a̱ʼáka ña̱’a ña̱ i̱xava̱ʼana ña̱ ndasakáʼnuna xi̱kuumií na̱yóʼo nu̱ú na̱ ñuu Jerusalén xíʼin na̱ ñuu Samaria.

11 ¿Á va̱ása kuchiñui̱ keʼíi̱ xíʼin na̱ ñuu Jerusalén táʼan ña̱ ke̱ʼíi̱ xíʼin na̱ ñuu Samaria?

¿Ta á va̱ása kuchiñui̱ sandíʼi-xa̱ʼíi̱ ña̱ʼa ña̱ ndásakáʼnuna

12 ”Tá ná sandíʼi Jehová keʼéra chiñu chí yuku̱ Sion ta saátu chí Jerusalén, taxira castigo ndaʼa̱ ta̱ rey ñuu Asiria, saáchi va̱ása vitá-inira, ni̱nuní kúnira ta kúta̱aní-inira. 13 Saáchi ta̱yóʼo káchira:

‘Xíʼin ndee̱ miíi̱ keʼíi̱ ña̱yóʼo

ta saátu keʼíi̱ña xíʼin xi̱ní miíi̱, saáchi ndíchiníi̱.

Va̱ása taxikai̱ ña̱ koo xáʼñu* ñuʼúna,

ndakiʼii̱n ndiʼi ña̱ ku̱i̱ká ña̱ kúúmiína

ta kuchiñui̱ kanitáʼi̱n xíʼinna nda̱a̱ táki̱ʼva kéʼé iin ta̱a ta̱ ndakúní ta̱ xáʼa̱n nu̱ú ku̱a̱chi.

14 Nda̱a̱ táki̱ʼva kéʼé iin ta̱a ña̱ ndákiʼinra ndiʼi ndi̱vi̱ ña̱ ñúʼu ini iin chi̱ʼyo̱ ña̱ ni̱ndo̱ondaʼa̱,

saá keʼíi̱ ta ndakiʼii̱n ndiʼi ña̱ʼa ña̱ kúúmií na̱ ñuu;

kindo̱i̱ xíʼin ndiʼi ñuʼúna.

Ndiʼi na̱ yiví koona táki̱ʼva íyo tí saa tí va̱ása kívi ndakiʼin tu̱ʼun’”.

16 Xa̱ʼa̱ ña̱kán, Jehová ta̱ xáʼndachíñu nu̱ú na̱ ángel,

ta̱ kúú Ndióxi̱ ta̱ nda̱a̱, ndasalekera na̱ ta̱a na̱ ndakú,*

va̱ása kooka ndee̱ na̱ ñuu Asiria,

17 Ta̱ túu̱n nu̱ú na̱ ñuu Israel nduura iin ñuʼu̱,

ta ta̱ yi̱i̱ nu̱úna nduura iin ñuʼu̱;

kokora* ta kaʼmira ndiʼi ku̱ʼu̱ ña̱ va̱ása va̱ʼa xíʼin tú iñú

18 Sandíʼi-xa̱ʼa̱ra ña̱ livi ña̱ íyo yuku̱ ña̱ kúú kuentara ta saátu ña̱ íyo nu̱ú chíʼira;

ta koora nda̱a̱ táki̱ʼva íyo iin ta̱a ta̱ kúúmií iin kue̱ʼe̱ ta loʼo tá loʼo xáʼníñara.

19 Yitu̱n tú kindo̱o yuku̱ra va̱ása ku̱a̱ʼáka koonú

ta iin ta̱ loʼo kuitíva kúú ta̱ kuchiñu ndakaʼvinú.

20 Ki̱vi̱ saá, na̱ kindo̱o ti̱xin ñuu Israel

ta saátu na̱ kutaku ti̱xin veʼe ta̱ Jacob

va̱ása kundaaka-inina ta̱ ka̱ni miína,

chi kundaa-inina Jehová Ndióxi̱ na̱ ñuu Israel, Ndióxi̱ ta̱ yi̱i̱,

ta nda̱kúní koo inina xíʼinra.

22 Saáchi ndóʼó na̱ ñuu Israel

ni ku̱a̱ʼání kúúndó nda̱a̱ táki̱ʼva ku̱a̱ʼání kúú yu̱ti ña̱ íyo yuʼú tá mar,

ndáa loʼo kuitívandó ndikó.

Nda̱a̱ táki̱ʼva kúu tá ndákutú ti̱kui̱í,

saá kuu tá ná taxira castigo ndaʼa̱ndó ta sandíʼi-xa̱ʼa̱ra ndóʼó.

23 Táta káʼnu Jehová ta̱ xáʼndachíñu nu̱ú na̱ ángel,

xa̱a̱ chi̱kaa̱-inira sandíʼi-xa̱ʼa̱ra na̱ ndóo iníísaá ñuu yóʼo.

27 Ki̱vi̱ saá va̱ása taxikara kuisondó ña̱ʼa ve̱e,

va̱ása taxikara kunúu yókóra* su̱kúnndó,

ta ta̱ʼnu̱ tú yókó yóʼo ixaa aceite”.

28 Ki̱xaa̱ra chí Ayat;

ni̱ya̱ʼara chí Migrón;

ta chí Micmash sa̱ndákoora ña̱ʼa ña̱ kúúmiíra.

29 Ni̱ya̱ʼana nu̱ú yásín* yu̱ta;

ta chí Gueba ni̱ki̱si̱na;

kísi na̱ ñuu Ramá xa̱ʼa̱ ña̱ yíʼvina,

Xíka ndaʼa̱ra nu̱ú yuku̱ ña̱ ñuu Sion,

xi̱kí ña̱ níndichi chí Jerusalén.

33 Jehová Ndióxi̱ ta̱ nda̱a̱ ta̱ xáʼndachíñu nu̱ú na̱ ángel,

xáʼndara ndaʼa̱ yitu̱n ta ndeéní níʼi íxaara;

xáʼndara yitu̱n tú súkunní,

ta ni náʼnunínú, táʼnda̱nú.

34 Xíʼin yácha xáʼndara ndiʼi yitu̱n tú íyo yuku̱,

Iin ta̱ ndakúní sandíʼi-xa̱ʼa̱ Líbano.

11 Na̱ se̱ʼe ta̱ Jesé íyona nda̱a̱ táki̱ʼva íyo xa̱ʼa̱ iin yitu̱n,

ta xa̱ʼa̱ túyóʼo kuaʼnu iin ndaʼa̱nú ta ti̱oʼonú ka̱a̱ña ta taxiña ku̱i̱ʼi.

 2 Ta taxi Jehová espíritu santora ndaʼa̱ra,

xa̱ʼa̱ ña̱kán ndíchi koora, kunda̱a̱-inira,

va̱ʼaní consejo taxira, ndakúní koora,

kuxini̱níra ta ixato̱ʼóníra Jehová.

Va̱ása ndatiinra ku̱a̱chi xíʼinna xa̱ʼa̱ ña̱ xíto kuitíra,

ta va̱ása ndaka̱xinra ña̱ keʼéra xíʼinna xa̱ʼa̱ ña̱ kuniso̱ʼo kuitíra.

 4 Nda̱kúní ndatiinra ku̱a̱chi xíʼin na̱ nda̱ʼví,*

viíní ndaka̱xinra ña̱ keʼéra ña̱ va̱ʼa kundaara na̱ vitá-ini na̱ íyo nu̱ú ñuʼú.

Tu̱ʼunra kooña nda̱a̱ táki̱ʼva íyo iin yitu̱n tú kuniñúʼura ña̱ kanira nu̱ú ñuʼú yóʼo

ta xíʼin ña̱ ka̱ʼa̱nra sandíʼi-xa̱ʼa̱ra na̱ ndi̱va̱ʼa-ini.

 5 Nda̱kúní koo ña̱ keʼéra, nda̱a̱ táki̱ʼva koo cinturón ña̱ kundikaa̱ tokóra saá kooña,

ta saátu ña̱ nda̱kú koo inira, kooña nda̱a̱ táki̱ʼva íyo iin cinturón ña̱ kundikaa̱ tokóra.

 6 Tí lobo kutáʼanrí xíʼin tí ndikachi* loʼo,

tí leopardo* kandúʼúrí* xíʼin tí ti̱xúʼú* loʼo,

tí si̱ndi̱ki̱ loʼo, tí ndikaʼa* xíʼin tí si̱ndi̱ki̱ tí ndu̱nduʼú inkáchi kutáʼanrí kakarí;*

ta iin ta̱ loʼo kuniʼi yichi̱ nu̱úrí.

 7 Tí si̱ndi̱ki̱ síʼi xíʼin tí oso síʼi, inkáchi kutáʼanrí kixáʼanrí*

ta inkáchi kutáʼan se̱ʼerí.

 8 Ta̱ lée loʼo* kusíkíra ya̱vi̱ tí ko̱o̱,

ta iin ta̱ loʼo chinúura ndaʼa̱ra sa̱tá chi̱ʼyo̱ ko̱o̱ tí kue̱ʼe̱.*

 9 Va̱ása satúkue̱ʼe̱rí nda̱a̱ ni iinna

ta ni va̱ása sandíʼi-xa̱ʼa̱rí yuku̱i̱ ña̱ yi̱i̱,

saáchi iníísaá nu̱ú ñuʼú kunda̱a̱-inina xa̱ʼa̱ Jehová

ta kutúña nda̱a̱ táki̱ʼva chútú ti̱kui̱í ini mar.

Na̱ ñuu ku̱ʼu̱nna nu̱úra ña̱ kuniʼira yichi̱ nu̱úna,*

ta liviní koo nu̱ú ndakindee̱ra.

13 Va̱ása koo kúini̱ka-ini* ta̱ Efraín,

ta ndiʼi-xa̱ʼa̱ na̱ ku̱a̱ʼa̱n contra na̱ ñuu Judá.

Ta̱ Efraín va̱ása kukúini̱ka-inira kunira ta̱ Judá

ni ta̱ Judá va̱ása kookara contra xíʼin ta̱ Efraín.

14 Ta na̱yóʼo, kanitáʼanna xíʼin na̱ filisteo chí nu̱ú kíʼvi ñu̱ʼu;*

inkáchi ndakutáʼanna ta ndakiʼinna ña̱ʼa na̱ yiví na̱ ndóo chí Oriente.

Na̱yóʼo kuchiñuna kanitáʼanna xíʼin na̱ ñuu Edom ta saátu xíʼin na̱ ñuu Moab,

ta kaʼndachíñuna nu̱ú na̱ ammonita.

15 Jehová ndataʼvíra* iin táʼví tá mar tá íyo chí Egipto

sakísira ndaʼa̱ra sa̱tá yu̱ta Éufrates.

Ndeéní tivira ta̱chí niʼní ta sayíchi̱ra u̱xa̱ saá tá yu̱ta,

ta taxira ná ya̱ʼa xáʼá na̱ yiví ma̱ʼñú ti̱kui̱í yóʼo ta kuñuʼu ndu̱xa̱n xa̱ʼa̱na.

16 Ta chí Asiria kita iin yichi̱ ña̱ ku̱ʼu̱n na̱ ñuura na̱ kindo̱o,

táki̱ʼva ni̱xi̱yo iin yichi̱ nu̱ú ke̱e na̱ ñuu Israel tá ke̱ena ñuu Egipto.

“Táxii̱ tíxa̱ʼvi ndaʼún Jehová,

saáchi ni ni̱sa̱ún xíʼi̱n

vitin va̱ása sáa̱kaún xíʼi̱n ta sa̱ndíkoún-inii̱.

Kundaa-inii̱ra ta va̱ása yi̱ʼvíi̱,

saáchi Jehová* kúú ta̱ táxi ndee̱ ndaʼíi̱

Jehová kúú ta̱ ndáa yi̱ʼi̱

 3 Kusi̱íní-inindó tá ná tavándó ti̱kui̱í

nu̱ú kána ti̱kui̱í tá sáka̱ku ndóʼó.

“Taxindó tíxa̱ʼvi ndaʼa̱ Jehová, kuniñúʼundó ki̱vi̱ra ña̱ ka̱ʼa̱nndó xíʼinra,

ta natúʼunndó xíʼin inka na̱ ñuu xa̱ʼa̱ ña̱ kéʼéra.

 6 Ndóʼó na̱ ñuu Sion, ndeéní nda̱ʼyi̱ndó xa̱ʼa̱ ña̱ kúsi̱í-inindó,

saáchi Ndióxi̱ ta̱ yi̱i̱, Ndióxi̱ na̱ ñuu Israel káʼnuníra ta íyora xíʼinndó”.

Kanandóna, kaka ndaʼa̱ndó nu̱úna,

ña̱ va̱ʼa ná ki̱ʼvina nu̱ú kíʼvi na̱ ta̱a na̱ ndáyáʼvi.

Ña̱ va̱ʼa na̱ʼi̱ ña̱ sái̱, sa̱ndátakai̱ na̱ soldadoi̱,

ta na̱yóʼo kúsi̱íkaví-inina ta kúta̱akaví-inina.

 4 Kuniso̱ʼondó. Níʼiní chí yuku̱.

Táki̱ʼva níʼi ña̱ íyo iin ñuu ña̱ káʼnuní saá níʼi.

Kuniso̱ʼondó. Ndeéní níʼi íxaa ndiʼi na̱ ñuu na̱ íyo nu̱ú ñuʼú,

ndeéní níʼi íxaa ndiʼi na̱ yiví na̱ xa̱a̱ síín síín ñuu na̱ nda̱taka.

 5 Nu̱ú iin ñuʼú ña̱ xíkání ndíkaa̱,

ña̱ ndíkaa̱ nda̱a̱ nu̱ú ndíʼi ndiví,

ki̱ta Jehová va̱xira xíʼin na̱yóʼo

ña̱ sandíʼi-xa̱ʼa̱na iníísaá ñuʼú yóʼo.

 7 Xa̱ʼa̱ ña̱kán, yi̱ʼvíníndó

ta kuvitá ndaʼa̱ndó.

Kundi̱ʼiní-inindó ta xo̱ʼvi̱níndó,*

nda̱a̱ táki̱ʼva xóʼvi̱ iin ñaʼá tá káku se̱ʼeñá.

I̱yokaví ndakotondó nu̱ú táʼanndó,

ta kunaʼa̱ nu̱úndó ña̱ ndíʼi̱ní-inindó.

 9 Kotondó, xa̱a̱ va̱xi ki̱vi̱ Jehová,

ki̱vi̱ saá, va̱ása kundáʼvi-inira kunira nda̱a̱ ni iinndó ta sa̱a̱níra xíʼinndó,

ta sandíʼi-xa̱ʼa̱ra ñuʼú yóʼo

ta saátu sandíʼi-xa̱ʼa̱ra na̱ kíʼvi ku̱a̱chi na̱ íyo nu̱úña.

10 Saáchi ki̱mi tí íyo chí ndiví ta saátu ndiʼi tiʼvi tíyóʼo,

va̱ása kutuu̱nkarí;

kunaa ñu̱ʼu* tá ná kitaña

ta va̱ása kutuu̱nka yo̱o̱.

11 Ndukúi̱ kuenta nu̱ú na̱ íyo nu̱ú ñuʼú yóʼo xa̱ʼa̱ ña̱ ndi̱va̱ʼaní-inina,

ta ndukúi̱ kuenta nu̱ú na̱ ndi̱va̱ʼaní-ini xa̱ʼa̱ ku̱a̱chi ña̱ ni̱ki̱ʼvina.

Sakúkaʼi̱n nu̱ú na̱ kúta̱aní-ini

ta sakúkaʼi̱n nu̱ú na̱ ni̱nuní kúni.

12 Loʼoní koo na̱ ta̱a nda̱a̱ táki̱ʼva loʼoní kúú oro ña̱ va̱ʼa,

ta loʼoní koo na̱ yiví nda̱a̱ táki̱ʼva loʼoní kúú oro ña̱ íyo chí Ofir.

13 Yi̱ʼi̱ Jehová, ta̱ xáʼndachíñu nu̱ú na̱ ángel,

sakísii̱ ndiví ta xa̱ʼa̱ ña̱ sáa̱níi̱, kisi ñuʼú,

ta kitaña nu̱ú íyoña.

14 Nda̱a̱ táki̱ʼva kéʼé yusu* tí kamaní xínu nu̱ú na̱ kúni̱ tiinrí, nda̱a̱ táki̱ʼva kéʼé tí ndikachi* tá kǒo ta̱ ndáarí,

saá keʼé iin tá iinndó, ndikóndó ñuundó;

iin tá iinndó kunundó ku̱ʼu̱nndó nu̱ú ñuʼúndó.

15 Tá ná ndani̱ʼína ndóʼó, kaʼnína ndóʼó xíʼin lanza,

tá ná tiinna ndóʼó, kaʼnína ndóʼó xíʼin espada.

16 Kuninu̱úndó tá ná sakúachi na̱ sáa̱-ini xíni ndóʼó na̱ se̱ʼendó,

ndakiʼinna ña̱ʼa ña̱ íyo veʼendó

ta tiin tuúnna* ñá síʼindó.

17 Chindaʼíi̱ na̱ ñuu Media ña̱ ku̱ʼu̱nna kanitáʼanna xíʼinndó,

nu̱ú na̱yóʼo va̱ása ndáyáʼviví plata

ni va̱ása kúsi̱í-inina xíʼin oro.

18 Xíʼin kuxu̱n kaʼnína na̱ va̱lí kúa̱an;

na̱yóʼo va̱ása kundáʼvi-inina kunina na̱ lée ni na̱ va̱lí.

19 Ta ñuu Babilonia, ña̱ ndáyáʼviníka nu̱ú ndiʼika ñuu,

ñuu ña̱ liviní ña̱ kúta̱aní-ini na̱ caldeo xíʼin,

kundoʼoña nda̱a̱ táki̱ʼva ndo̱ʼo Sodoma xíʼin Gomorra tá sa̱ndíʼi-xa̱ʼa̱ Ndióxi̱ ña̱yóʼo.

20 Nda̱a̱ ni iin ki̱vi̱ va̱ása ndikó na̱ yiví kundoona ñuu yóʼo,

nda̱a̱ ni iinna va̱ása kundoo nu̱úña.

Nda̱a̱ ni iin na̱ árabe va̱ása kanindichina veʼe loʼona nu̱ú ñuʼú yóʼo

ta na̱ ndáa ndikachi, va̱ása ku̱ʼu̱nna xíʼin ndikachi sa̱na̱na nu̱ú ñuʼú yóʼo.

21 Kití yukú tí íyo nu̱ú ñuʼú yi̱chí kúú tí kundoo kán;

ta ndakutú kalakoko* ini veʼe kán.

Kán koo tí avestruz

ta kán kaka ti̱xúʼú* yukú,* ndavarí yóʼo ta ndavarí káa.

22 Kití yukú kúú tí nda̱ʼyi̱ ini veʼe súkun,

ta ini veʼe ña̱ liviní nu̱ú xi̱xaʼndachíñuna, ti̱na* yukú* nda̱ʼyi̱ iniña.

 5 Jehová sa̱kánara yitu̱n tú xi̱xiniñúʼu na̱ ndi̱va̱ʼa-ini,

sa̱táʼnu̱ra karroti* na̱ xáʼndachíñu,

 6 sa̱ndíʼi-xa̱ʼa̱ra na̱ xi̱kani na̱ ñuu,

na̱ kue̱ʼe̱ní na̱ xi̱ndiku̱n sa̱tá inkana ña̱ kaʼndachíñuna nu̱úna.

 8 Nda̱a̱ yitu̱n tú enebro kúsi̱í-ini xa̱ʼa̱ ña̱ ndo̱ʼún,

saátu tú cedro tú íyo chí Líbano.

 9 Tá nu̱ún ini Ya̱vi̱* nu̱ú ñúʼu na̱ ni̱xi̱ʼi̱, nda̱a̱ ña̱ xáʼní na̱ yiví nda̱kanda̱-iniña tá xi̱niña yóʼó kán.

Xa̱ʼa̱ yóʼó sandákáxíña-ini* na̱ ni̱xi̱ʼi̱ na̱ kǒo ndee̱,

sandákáxíña-ini ndiʼi na̱ ndi̱va̱ʼaní-ini na̱ níʼi yichi̱ nu̱ú na̱ yiví.

Sándaku̱ndichiña ndiʼi na̱ chíñu na̱ ndóo nu̱ú tayi̱ nu̱ú xáʼndachíñuna.

10 Ndiʼi na̱yóʼo kíxáʼana káʼa̱nna ña̱yóʼo xíʼún:

‘¿Á tá íyo ndi̱ʼi̱ saá íyoún vitin chi va̱ása kívi keʼún nda̱a̱ ni iin ña̱ʼa?

11 Ndi̱ʼi-xa̱ʼa̱ ña̱ ni̱nuní kúniún

ta va̱ása sákaʼakana yaa nu̱ún.

Sa̱tá ti̱kuxí* kánduʼún,*

ta ti̱kuxí yóʼo kúú tí sáʼvi miíún’.

12 Nda̱a̱ chí ndiví ki̱taún nda̱kavaún

yóʼó ta̱ íyo nda̱a̱ táki̱ʼva íyo ki̱mi tí ndáye̱ʼe̱ tá xi̱ta̱a̱n.*

¿Nda̱chun nda̱kavaún nu̱ú ñuʼú,

yóʼó ta̱ ku̱chiñu sa̱ndíʼi-xa̱ʼa̱ ku̱a̱ʼání ñuu?

Nda̱a̱ chí sa̱tá ki̱mi tí kúú kuenta Ndióxi̱ koi̱ kaʼndachíñui̱,

ta koi̱ sa̱tá yuku̱ nu̱ú ndásakáʼnuna Ndióxi̱,*

ña̱ xíkání kíndo̱o ña̱ ndíkaa̱ chí norte.

14 Ndai̱ chí sa̱tá vi̱kó;

ta koi̱ nda̱a̱ táki̱ʼva íyo Ndióxi̱ ta̱ káʼnuní’.

15 Soo sakánana yóʼó ini Ya̱vi̱* nu̱ú ñúʼu na̱ ni̱xi̱ʼi̱,

nu̱ú kúnúní ini ya̱vi̱ sakánana yóʼó.

16 Na̱ ná kuni yóʼó koto va̱ʼana nu̱ún;

Koto va̱ʼana ndáa ki̱ʼva íyoún ta kachina:

‘¿Á ta̱yóʼo kúú ta̱a ta̱ xi̱sakánda̱ ñuʼú,

ta̱ xi̱sayíʼvi ku̱a̱ʼání ñuu?

17 ¿Á ta̱yóʼo kúú ta̱ nda̱sa ñuʼú yóʼo nda̱a̱ táki̱ʼva íyo iin ñuʼú yi̱chí ta xi̱sandíʼi-xa̱ʼa̱ra ku̱a̱ʼání ñuu?

¿Á ta̱yóʼo kúú ta̱ xi̱ndakiʼin na̱ yiví na̱ inka ñuu

ta va̱ása níxi̱taxira ndikóna veʼena?’.

18 Ndiʼika na̱ rey viíní sa̱ndúxu̱nnana,

iin tá iinna ni̱ndu̱xu̱nna ini ya̱vi̱ ña̱ kúú kuenta miína.

19 Soo kǒo nísandúxu̱nna yóʼó ta sa̱kánana yóʼó,

táki̱ʼva kéʼéna xíʼin iin yitu̱n tú kúndasína xínina saá ke̱ʼéna xíʼún,

na̱ xa̱ʼnína xíʼin espada kúú na̱ ndóso sa̱táún,

na̱yóʼo kúú na̱ kóyo sa̱tá yu̱u̱ ña̱ ñúʼu ini iin ya̱vi̱,

yóʼó koún nda̱a̱ táki̱ʼva íyo na̱ ni̱xi̱ʼi̱, na̱ ni̱xa̱ñi̱ndosóna.*

20 Va̱ása ndu̱xu̱ún nu̱ú ni̱ndu̱xu̱n na̱yóʼo,

saáchi sa̱ndíʼi-xa̱ʼún ñuʼú miíún,

ta xa̱ʼníún na̱ ñuu miíún.

21 Ixatu̱ʼvandó iin lugar nu̱ú kaʼnína se̱ʼe ta̱yóʼo

kuvina xa̱ʼa̱ ku̱a̱chi na̱ táʼanna na̱ xi̱ndoo xi̱naʼá,

saá va̱ása ndundakúna ta ndakiʼinna ñuʼú

ta kutú ñuu nu̱úña ixaana”.

“Nda̱a̱ táki̱ʼva ni̱ka̱ʼi̱n kuuña saá kuuvaña,

ta ña̱ nda̱kaxii̱n keʼíi̱ xi̱nuvaña.

25 Sandíʼi-xa̱ʼíi̱ na̱ ñuu Asiria nu̱ú ñuʼíi̱

ta ku̱a̱ñi̱ndosói̱na chí yuku̱.

Kindai̱ yókóna* sa̱tá na̱ ñui̱

ta va̱ása kundisokana ña̱ʼa na̱yóʼo”.

26 Ña̱yóʼo kúú ña̱ kundoʼo iníísaá ñuʼú,

ña̱yóʼo kúú ndee̱ Ndióxi̱ ña̱ kuniñúʼura ña̱ taxira castigo ndaʼa̱ ndiʼi na̱ ñuu.

27 Saáchi Jehová ta̱ xáʼndachíñu nu̱ú na̱ ángel xa̱a̱ chi̱kaa̱-inira keʼéra ña̱yóʼo,

¿ta ndáana kuchiñu kasi nu̱úra ña̱ keʼéra ña̱yóʼo?

Tá ná kuniñúʼu Ndióxi̱ ndee̱ra ña̱ taxira castigo,

¿ndáana kivi kasi nu̱úra ña̱ keʼéra ña̱yóʼo?

29 “Ndóʼó na̱ ñuu Filistea va̱ása kusi̱í-inindó

xa̱ʼa̱ ña̱ ni̱ta̱ʼnu̱ karroti ta̱ xi̱kani ndóʼó.

Saáchi ini ndi̱vi̱ tí ko̱o̱ kita iin ko̱o̱ tí kue̱ʼe̱,*

ta se̱ʼe tíyóʼo kue̱ʼe̱ní koorí ta kamaní koorí.

30 Se̱ʼenu̱ú na̱ nda̱ʼví kuxuna

ta va̱ása kundi̱ʼi-inina tá ná ku̱su̱nna,

soo kaʼníi̱ na̱ ñuún xíʼin so̱ko,

ta kuvi na̱ ná kindo̱o.

Ndiʼi ndóʼó na̱ íyo chí Filistea ndakava-inindó.

Saáchi nda̱a̱ chí norte ke̱e na̱ soldado va̱xina

Ka̱ʼa̱nna xíʼinna, Jehová kúú ta̱ chi̱ndúʼú xa̱ʼa̱ yuku̱ Sion,

ta na̱ nda̱ʼví na̱ ñuura kúú na̱ kundoo kán.

Iin ñuú kuití ndi̱ʼi-xa̱ʼa̱ña,

ña̱kán ku̱táxi̱n ñuu Ar ña̱ ndíkaa̱ chí Moab.

Iin ñuú kuití ndi̱ʼi-xa̱ʼa̱ña,

ña̱kán ku̱táxi̱n ñuu Quir ña̱ ndíkaa̱ chí Moab.

 2 Na̱ yiví ni̱xa̱a̱na chí templo ta saátu chí Dibón,

nda̱ana chí nu̱ú súkun* ña̱ va̱ʼa kuakuna,

 4 Ndáʼyi̱ kóʼóna* chí ñuu Hesbón xíʼin ñuu Elealé.

Nda̱a̱ chí Jáhaz táku̱ ndáʼyi̱na.

Xákuna tá ku̱a̱ndaana chí Luhit.

Tá ku̱a̱ʼa̱nna chí yichi̱ ña̱ Horonaim, ndáʼyi̱ kóʼóna xa̱ʼa̱ tu̱ndóʼo ña̱ ndo̱ʼona.

 6 Saáchi xa̱a̱ ni̱yi̱chi̱ ti̱kui̱í tá Nimrim.

Xa̱a̱ ni̱yi̱chi̱ ku̱ʼu̱ kúii̱;

ta kǒoka ku̱ʼu̱ kúii̱ íyo.

 7 Xa̱ʼa̱ ña̱kán nda̱kiʼinna ña̱ʼa ña̱ kúúmiína xíʼin ña̱ ku̱i̱ká ña̱ kúúmiína ta ku̱a̱ʼa̱nña xíʼinna;

ta ni̱ya̱ʼana chí yoso̱ nu̱ú íyo tú álamo.

Nda̱a̱ chí Eglaim táku̱ xákuna;

ta saátu táku̱ xákuna nda̱a̱ chí Beer-Elim.

 9 Saáchi ti̱kui̱í tá íyo chí Dimón nda̱kutúrá xíʼin ni̱i̱,

ta Ndióxi̱ chindaʼára ku̱a̱ʼáka tu̱ndóʼo nu̱ú na̱ ñuu Dimón:

chindaʼára iin ndikaʼa* sa̱tá na̱ ñuu Moab na̱ kunu ku̱ʼu̱n,

ta saátu sa̱tá na̱ kindo̱o ñuu kán.

16 Chindaʼándó iin ndikachi* che̱e nu̱ú ta̱ xáʼndachíñu ñuu yóʼo,

keerí ñuu Sela, ya̱ʼarí nu̱ú ñuʼú yi̱chí

ta xa̱a̱rí yuku̱ ña̱ íyo chí Sion.

 2 Nda̱a̱ táki̱ʼva yíʼvi tí saa tí táxínna, tí ndíkaa̱ chi̱ʼyo̱rí

saá keʼé na̱ ñuu Moab chí nu̱ú yáʼa na̱ yiví chí Arnón.

Tá ná ndiʼi-xa̱ʼa̱ ta̱ íxandi̱va̱ʼa xíʼinna,

saá va̱ása kooka na̱ sandíʼi-xa̱ʼa̱ miína

ta na̱ íxandi̱va̱ʼa xíʼin inkana va̱ása kundookana nu̱ú ñuʼú.

Ta̱yóʼo nda̱kúní koo inira ta tá ná kaʼndachíñura ndixaní kuʼvi̱-inira* kunira na̱ yiví,

va̱ása ndaka̱xinra na̱ ndatiinra ku̱a̱chi xíʼin ta ndi̱ku̱n kama ndatiinra ku̱a̱chi xíʼinna”.

 6 Xi̱niso̱ʼondi̱ ña̱ kúta̱aní-ini na̱ ñuu Moab,

ni̱nuní kúnina ta sáa̱nína

soo tu̱ʼun ña̱ káʼa̱nna va̱ása ndáyáʼviña.

 7 Tasaá na̱ ñuu Moab kuakuna xa̱ʼa̱ ñuuna;

ndiʼi na̱kán ndeéní kusuchí-inina.

 8 Saáchi ni̱yi̱chi̱ ñuʼú ña̱ Hesbón nu̱ú xi̱chiʼina,

saátu ni̱yi̱chi̱ tú uva na̱ Sibmá;

na̱ xáʼndachíñu nu̱ú na̱ ñuu ni̱xa̱ñi̱na* ndaʼa̱nú ña̱ color kúáʼa;*

nda̱a̱ chí Jazer ni̱xa̱a̱ ndaʼa̱nú

ta ni̱ka̱a̱ña nda̱a̱ nu̱ú ñuʼú yi̱chí.

Sandáxii̱* ñuu Hesbón ta saátu ñuu Elealé xíʼin ti̱kui̱í nu̱úi̱,

saáchi va̱ása nda̱ʼyi̱ kóʼókana* xa̱ʼa̱ ku̱i̱ʼi tí kána tiempo niʼní ni xa̱ʼa̱ ña̱ sákeena.*

10 Va̱ása kúsi̱íka-inina nu̱ú chi̱ʼina

kǒoka na̱ xíta ta ni kǒoka na̱ ndáʼyi̱ kóʼó xa̱ʼa̱ ña̱ kúsi̱í-inina chí nu̱ú íyo tú uva.

Kǒoka na̱ kúʼni tí uva xíʼin xa̱ʼa̱na nu̱ú kúʼninarí,

va̱ása taxikai̱ nda̱ʼyi̱ kóʼóna.

11 Nda̱a̱ táki̱ʼva kísi yi̱ʼva̱ tú arpa,

saá kísi-inii̱ xa̱ʼa̱ ñuu Moab,

ta kúsuchíní-inii̱ xa̱ʼa̱ ñuu Quir-Haréset.

“Kotondo. Ñuu Damasco, va̱ása kookaña iin ñuu

ta ndiʼi-xa̱ʼa̱ va̱ʼaña.

 2 Kǒoka na̱ kundoo ñuu ña̱ ndíkaa̱ chí Aroer;

ndikachiva* kúú tí kundoo kán

ta kǒo na̱ sayíʼvirí.

 3 Ñuu ña̱ kútu̱ní ndási chí Efraín, ndiʼi-xa̱ʼa̱ña,

ta va̱ása kaʼndachíñukana chí Damasco;

ta na̱ ñuu Siria na̱ kindo̱o,

va̱ása kooka ndee̱na nda̱a̱ táki̱ʼva kǒoka ndee̱ na̱ israelita”, káchi Jehová ta̱ xáʼndachíñu nu̱ú na̱ ángel.

 4 “Ki̱vi̱ saá, va̱ása kooka ndee̱ ta̱ Jacob

ni nduʼúní ni̱xi̱yora, ndulekevara.

 5 Koora nda̱a̱ táki̱ʼva íyo ñuʼú nu̱ú chíʼina chí Refaím,

nu̱ú ki̱ndoo loʼo kuití trigo

tá xa̱a̱ ndi̱ʼi nda̱kayanaña.

 6 Ndáa si̱lóʼoña kindo̱o,

kooña nda̱a̱ táki̱ʼva íyo tú olivo tá kánina ndaʼa̱nú

chi ndaʼa̱nú ña̱ súkun va̱ʼa, ndáa u̱vi̱ á u̱ni̱ aceituna tí xa̱a̱ ni̱chi̱chi kíndo̱o,

ta ndáa ku̱mí á u̱ʼu̱nrí kíndo̱o ndaʼa̱nú nu̱ú va̱ʼaní ni̱xi̱yorí”, káchi Jehová, Ndióxi̱ na̱ ñuu Israel.

 9 Ki̱vi̱ saá, ñuuna ña̱ kútu̱ní ndási kindo̱ondaʼa̱ña nda̱a̱ táki̱ʼva kíndo̱ondaʼa̱ iin ñuu chí yuku̱,

nandóso-ini na̱ israelita xa̱ʼa̱ ña̱yóʼo nda̱a̱ táki̱ʼva nándóso-inina xa̱ʼa̱ ndaʼa̱ iin yitu̱n;

kindo̱ondaʼa̱ña.

10 Saáchi na̱ndóso-inindó xa̱ʼa̱ Ndióxi̱ ta̱ sakǎku ndóʼó;

ta̱ʼán ndakaʼánndó xa̱ʼa̱ Ndióxi̱ndó ta̱ íyo nda̱a̱ táki̱ʼva íyo iin yu̱u̱ káʼnu ña̱ ndáa ndóʼó.

Xa̱ʼa̱ ña̱kán, liviní ña̱ chíʼindó

ta ma̱ʼñú ña̱yóʼo, chíʼindó ña̱ kúú kuenta inkana.*

11 Tá káʼñu,* viíní chíkaa̱ndó corra sa̱tá ña̱ chi̱ʼindó,

tá xi̱ta̱a̱n* kamaní kíxáʼa xáʼnu ña̱ chíʼindó,

soo ndiʼi-xa̱ʼa̱va ña̱ chi̱ʼindó tá ná kuumiíndó kue̱ʼe̱, tá ná xo̱ʼvi̱-inindó.*

12 Kuniso̱ʼondó, iin ku̱a̱ʼa̱n-ini ku̱a̱ʼání na̱ ñuu.

Kánda̱ ni̱nu níma̱na nda̱a̱ táki̱ʼva ndeéní kánda̱ nu̱ú tá mar.

Iin níʼi ndáʼyi̱ na̱ ñuu

nda̱a̱ táki̱ʼva níʼi ku̱a̱ʼa̱n ti̱kui̱í.

Ndióxi̱ kaʼndara chiñu nu̱úna ta xíkání kununa ku̱ʼu̱nna,

na̱yóʼo kununa ku̱ʼu̱nna nda̱a̱ táki̱ʼva ku̱a̱ʼa̱n xe̱ʼe̱* ña̱ íyo chí yuku̱ xíʼin ta̱chí,

nda̱a̱ táki̱ʼva ndáchí iñú yi̱chí* xíʼin ta̱chí.

18 Ndáʼviní ñuʼú nu̱ú táku̱ tá kísi kití válí ndi̱xi̱nrí,

chí ñuʼú nu̱ú íyo yu̱ta chí Etiopía.

 2 Ta ñuʼú yóʼo kúú ña̱ chíndaʼá na̱ ku̱a̱ʼa̱n ka̱ʼa̱n tu̱ʼun yóʼo chí nu̱ú mar,

ta ku̱a̱ʼa̱nna xíʼin barco tú ku̱vaʼa xíʼin papiro, ta káʼa̱nna xíʼinna:

“Kama ku̱ʼu̱nndó nu̱ú iin ñuu nu̱ú íyo na̱ súkunní na̱ vitání ku̱ñu

iin ñuu ña̱ yíʼvi ndiʼina xínina,

iin ñuu ña̱ ndakúní ta kúchiñuña kánitáʼanña xíʼin inkaña,

iin ñuu ña̱ ndi̱ʼi-xa̱ʼa̱ xíʼin yu̱ta”.

 3 Ndiʼi ndóʼó na̱ íyo nu̱ú ñuʼú yóʼo,

ña̱ kunindó kooña nda̱a̱ táki̱ʼva íyo iin yitu̱n tú níndichi xi̱ní yuku̱ tú na̱ʼa̱ nu̱úndó,

ta kuniso̱ʼondó kutaku̱ nda̱a̱ táki̱ʼva táku̱ tá tívina iin ndiki̱.

“Va̱ása kundi̱ʼi-inii̱ ta kotoi̱ chí nu̱ú íyoi̱,

ña̱ keʼíi̱ kooña nda̱a̱ táki̱ʼva íyo kaʼní ña̱ táxi ñu̱ʼu,*

nda̱a̱ táki̱ʼva kóyo yúyú sa̱tá ña̱ chíʼina tá tiempo niʼní saá keʼíi̱.

 5 Saáchi tá kúma̱níka ndakayana tí uva,

tá xa̱a̱ ndi̱ʼi ka̱na yita ndaʼa̱ tú uva ta tá xa̱a̱ ku̱a̱ʼa̱n chíchirí,

kaʼndana ndaʼa̱nú ña̱ sa̱kán ki̱xáʼa nána xíʼin ka̱a ña̱ xi̱ín* yuʼú

ta kaʼndana numa̱nú.

 6 Tá ná kuvina, tí pilo* tí íyo chí yuku̱ kúú tí kaxí ku̱ñuna

ta saátu kití tí íyo nu̱ú ñuʼú yóʼo.

Ta ku̱ñuna kúú ña̱ kaxí tí pilo tá tiempo niʼní,

ta tiempo ña̱ ndákayana tí uva,

 7 Ta tiempo saá, iin ñuu nu̱ú íyo na̱ yiví na̱ súkunní ta saátu na̱ vitání ku̱ñu,

saníʼi̱na ña̱ʼa Jehová ta̱ xáʼndachíñu nu̱ú na̱ ángel,

iin ñuu ña̱ yíʼvi ndiʼina xínina,

iin ñuu ña̱ ndakúní ta kúchiñuña kánitáʼanña xíʼin inkana,

iin ñuu ña̱ ndi̱ʼi-xa̱ʼa̱ xíʼin yu̱ta,

ta ku̱ʼu̱nna xíʼin ña̱yóʼo chí yuku̱ Sion, yuku̱ ña̱ níʼi ki̱vi̱ Jehová ta̱ xáʼndachíñu nu̱ú na̱ ángel”.

Na̱ ndióxi̱ na̱ va̱ása ndáyáʼvi na̱ íyo ti̱xin ñuu Egipto yi̱ʼvínína kuninara,

ta kandita ni̱nu níma̱ na̱ ñuu Egipto xa̱ʼa̱ ña̱ yi̱ʼvínína kuninara.

 2 “Chikai̱-ini na̱ egipcio ña̱ ná ku̱ʼu̱nna contra xíʼin táʼanna

ta ná kanitáʼanna,

iin tá iinna kanitáʼanna xíʼin ñanitáʼanna ta saátu na̱ íyo yatin xíʼinna,

kanitáʼan iin ñuu xíʼin inka ñuu, saátu na̱ chíñu xíʼin inka na̱ chíñu.

 3 Ta na̱ ndóo chí ñuu Egipto kǒo kunda̱a̱-inina ndáaña keʼéna,

ta nasamai̱ ña̱ kúni̱na keʼéna.

Ka̱ʼa̱nna xíʼin na̱ ndióxi̱ na̱ va̱ása ndáyáʼvi ña̱ ná chindeétáʼanna xíʼinna,

ku̱ʼu̱nna nu̱ú na̱ kéʼé ña̱ tási, na̱ káʼa̱n ña̱ kivi ka̱ʼa̱nna xíʼin na̱ ni̱xi̱ʼi̱ ta saátu nu̱ú na̱ ndáku.*

 4 Ndataxii̱ na̱ ñuu Egipto ndaʼa̱ iin ta̱ ndi̱va̱ʼaní-ini,

rey ta̱ ndi̱va̱ʼaní-ini kaʼndachíñu nu̱úna”, káchi táta káʼnu Jehová ta̱ xáʼndachíñu nu̱ú na̱ ángel.

 5 Yi̱chi̱ ti̱kui̱í tá mar,

ti̱kui̱í tá íyo yu̱ta ndiʼirá ta yi̱chi̱rá.

 6 Kininí kuxaʼa̱n yu̱ta;

ti̱kui̱í tá ñúʼu chi̱chi ñuu Egipto ndiʼirá ta yichi̱rá.

 7 Yi̱chi̱ ndiʼi planta tú íyo yuʼú yu̱ta Nilo ta saátu yi̱chi̱ tú íyo nu̱ú ndákutáʼan yu̱ta yóʼo xíʼin inkará,

ta saátu yi̱chi̱ ndiʼi ñuʼú nu̱ú chíʼina ña̱ íyo yuʼú yu̱ta yóʼo.

 8 Kusuchí-ini na̱ tíin ti̱a̱ká,

na̱ táan ka̱a ña̱ xi̱ín* nu̱ú ini yu̱ta Nilo ña̱ va̱ʼa tiinna ti̱a̱ká, kuakuna,

ta ndáa si̱lóʼo koo na̱ taán ñunúna* ini ti̱kui̱í.

 9 Na̱ kéʼé tela ña̱ lino

ta saátu na̱ tává tela ña̱ yaa xíʼin yitu̱n tú xíniñúʼuna ña̱ kúnuna, kukaʼan nu̱úna.

10 Ndiʼi na̱ kúku,* ndakava-inina;

ndiʼi na̱ káchíñu táti̱,* kusuchíní-inina.

13 Na̱ kúúmií chiñu ña̱ ndáyáʼvi ti̱xin ñuu Zoan, táki̱ʼva kéʼé na̱ kíʼví saá kéʼéna;

na̱ kúúmií chiñu ña̱ ndáyáʼvi ti̱xin ñuu Nof* sa̱ndáʼvinana.

Na̱ níʼi yichi̱ nu̱ú na̱ tribu na̱ ñuu Egipto, va̱ása vií níʼina yichi̱ nu̱úna.

14 Jehová táxira ña̱ kǒo kunda̱a̱-inina ndáaña keʼéna;

na̱kán va̱ása vií níʼina yichi̱ nu̱ú na̱ ñuu Egipto, ña̱kán va̱ása va̱ʼa íyo ña̱ kéʼéna,

ta ndóʼona nda̱a̱ táki̱ʼva ndóʼo iin ta̱ xíʼi tá kákáa* xa̱ʼa̱ra xíʼin ña̱ ndu̱xanra.

15 Ta va̱ása kooka chiñu ña̱ kivi keʼé na̱ ñuu Egipto,

ni kúúna na̱ va̱lí á na̱ xa̱a̱ chée, ni kúúna na̱ ndáyáʼvi á na̱ va̱ása ndáyáʼvi.

Ndeéní va̱xi ta̱chí chí sur,

chí ñuʼú yi̱chí ke̱eña va̱xiña, nu̱ú ñuʼú ña̱ yíʼvina xínina.

ñuu ña̱ sándaʼvi, sandáʼviña inkana

ñuu ña̱ sándiʼi-xa̱ʼa̱, sandíʼi-xa̱ʼa̱ña inkaña.

Ndóʼoníi̱ nda̱a̱ táki̱ʼva ndóʼo iin ñaʼá ñá káku se̱ʼe.

Kǒo kívi kuniso̱ʼi̱ saáchi ndíʼi̱ní-inii̱;

 7 Ta ta̱yóʼo xi̱nira iin carreta tú xíka nu̱ú ku̱a̱chi tú ñúu* u̱vi̱ kuáyi̱,

iin carreta tú xíka nu̱ú ku̱a̱chi tú ñúu burro,

iin carreta tú xíka nu̱ú ku̱a̱chi tú ñúu tí camello.

“Jehová, tá káʼñu* níndichii̱ xi̱ní veʼe súkun ta ndái̱

ta saátu ndiʼi ñuú ndái̱.

10 Ndáʼviní na̱ ñui̱ na̱ ni̱xa̱ñi̱na* nda̱a̱ táki̱ʼva kéʼéna xíʼin trigo,

ña̱ kána nu̱ú ñuʼíi̱,

na̱túʼi̱n xíʼinndó xa̱ʼa̱ ña̱ ni̱ka̱ʼa̱n Jehová ta̱ xáʼndachíñu nu̱ú na̱ ángel xíʼi̱n, ta̱ kúú Ndióxi̱ na̱ ñuu Israel.

Chí yuku̱ ña̱ íyo chí yoso̱ yi̱chí ku̱su̱nndó,

ndóʼó na̱ ñuu Dedán na̱ inkáchi kítáʼan xíka.

14 Kúáʼandó taxindó ti̱kui̱í ná koʼo na̱ yíchi̱,*

ndóʼó na̱ ndóo chí ñuu Temá,

kúáʼanndó xíʼin ña̱ kuxu na̱ xínu ku̱a̱ʼa̱n.

15 Saáchi na̱yóʼo xi̱nuna nu̱ú na̱ kúni̱ kaʼní-ñaʼá xíʼin espada, xi̱nuna nu̱ú na̱ ta̱vá espada,

xi̱nuna nu̱ú na̱ kúni̱ kaʼní-ñaʼá xíʼin kuxu̱n* ta saátu nu̱ú ku̱a̱chi ña̱ ndeéní.

 2 Xuxankaví ni̱xi̱yo yuʼúndó;

iin káña̱ yuʼúndó ta ni̱nukaví kúnindó.

Kǒo níxaʼnína na̱ ñuundó xíʼin espada

ta ni kǒo níxi̱ʼi̱na nu̱ú ku̱a̱chi.

Ni xíká xi̱nuna ku̱a̱ʼa̱nna soo nda̱ni̱ʼívanana,

ta nda̱kiʼinnana ku̱a̱ʼa̱n xíʼinna.

 4 Ña̱kán ni̱ka̱ʼi̱n: “Va̱ása kotondó nu̱úi̱;

ndeéní kuakui̱.

Va̱ása sandíkondó-inii̱

xa̱ʼa̱ ña̱ ndi̱ʼi-xa̱ʼa̱ na̱ ñui̱.

 5 Saáchi iin ki̱vi̱ ña̱ kǒo kunda̱a̱-inina ndáaña keʼéna kúúña, yi̱ʼvína ta ndiʼi-xa̱ʼa̱na

saáchi táta káʼnu Jehová ta̱ xáʼndachíñu nu̱ú na̱ ángel kúú ta̱ keʼé ña̱yóʼo,

chí Yoso̱ nu̱ú xítona visión.

Xa̱a̱ sándiʼi-xa̱ʼa̱na nama̱

ta ndáʼyi̱ kóʼóna* chí yuku̱.

 6 Na̱ ñuu Elam nda̱kiʼinna ña̱ʼa nu̱ú ñúʼu flecha

ta va̱xina xíʼin na̱ ta̱a na̱ ndóso sa̱tá carreta xíʼin kuáyi̱,

ta na̱ ñuu Quir íxatu̱ʼvana escudona.

 7 Nu̱ú yoso̱ndó mií ña̱ va̱ʼaka

ndakutú carreta tú xíka nu̱ú ku̱a̱chi,

na̱ yósó* tí kuáyi̱ koo tu̱ʼvana kunditana chí yéʼé

 8 ta kǒoka na̱ chindeétáʼan xíʼin na̱ ñuu Judá.

12 Ta ki̱vi̱ saá, táta káʼnu Jehová ta̱ xáʼndachíñu nu̱ú na̱ ángel

ka̱ʼa̱nra xíʼinna ná kuakuna ta kusuchí-inina,

ka̱ʼa̱nra xíʼinna ná xa̱tána xi̱nína ta ná ndakundixina ti̱ko̱to̱ ndayí.*

13 Soo nu̱úka ña̱ keʼéna ña̱yóʼo, vikóva keʼéna ta kusi̱í-inina,

kaʼnína si̱ndi̱ki̱ xíʼin ndikachi,*

kuxuna ku̱ñu ta koʼona vino.

 3 Trigo ña̱ ka̱na chí Sihor* xíʼin ña̱ ndákayandó chí Nilo, yóʼo kúú nu̱ú kána xu̱ʼúnndó,

ni̱ya̱ʼana xíʼinña nu̱ú ku̱a̱ʼání ti̱kui̱í,

ta ku̱a̱ʼání xu̱ʼún na̱ inka ñuu ta̱vána xíʼinña.

 4 Ndóʼó na̱ ñuu Sidón ña̱ kútu̱ní ku̱vaʼa yuʼú mar, kukaʼan nu̱úndó,

saáchi tá mar ni̱ka̱ʼa̱nrá ña̱yóʼo:

“Va̱ása níxo̱ʼvii̱* nda̱a̱ táki̱ʼva xóʼvi̱ ná káku se̱ʼe ta ni va̱ása níkaku se̱ʼi̱;

Saátu va̱ása nísakúaʼnui̱ na̱ ta̱a válí ta ni va̱ása nísanáʼi̱ ná ñaʼá válí”.*

 5 Nda̱a̱ táki̱ʼva ni̱ndi̱ʼi-inindó tá xi̱niso̱ʼondó tu̱ʼun xa̱ʼa̱ ñuu Egipto,

saá ndi̱ʼi-inindó tá ná kuniso̱ʼondó tu̱ʼun xa̱ʼa̱ ñuu Tiro.

 8 ¿Ndáana ni̱ka̱ʼa̱n ña̱ kundoʼo na̱ ñuu Tiro ña̱yóʼo?

Ñuu yóʼo kúú ña̱ xi̱taxi ña̱ kaʼndachíñu inkana,

na̱ ta̱a na̱ ndáyáʼvi kúú na̱ xi̱xi̱íko ñuu yóʼo,

ta ndiʼi na̱ yiví xi̱ ixato̱ʼónína na̱ xi̱xi̱íko yóʼo.

 9 Mií Jehová ta̱ xáʼndachíñu nu̱ú na̱ ángel kúú ta̱ ni̱ka̱ʼa̱n ña̱ kundoʼona ña̱yóʼo,

ña̱ va̱ása ni̱nuní kunina xa̱ʼa̱ ña̱ liviní ñuuna,

ña̱ va̱ʼa sakúkaʼanra nu̱ú na̱ xi̱ ixato̱ʼóní na̱ yiví.

11 Sa̱káa̱ra ndaʼa̱ra sa̱tá mar;

Sákisira ndiʼi na̱ xáʼndachíñu.

12 Ta káchira: “Va̱ása kusi̱íka-ini ndóʼó na̱ ñuu Sidón na̱ xóʼvi̱ní.

Ndakunditandó ta ya̱ʼandó chí Kitim.

Ñuu yóʼo kúú ña̱ sa̱ndíʼi-xa̱ʼa̱ ñuʼúna ta ndáa kití yukú kúú tí ndóo,

ta su̱ví na̱ ñuu Asiria kúú na̱ níkeʼé ña̱yóʼo,

na̱yóʼo kúú na̱ ke̱ʼé veʼe súkun nu̱ú ñúʼu ña̱ʼa ña̱ xíniñúʼuna tá kánitáʼanna.

Xa̱nina ndiʼi veʼe súkun ña̱ kútu̱ní ndási

ta sa̱ndíʼi-xa̱ʼa̱naña.

14 Kuaku ndóʼó na̱ ta̱a na̱ ñúʼu ini barco tú Tarsis,

saáchi sa̱ndíʼi-xa̱ʼa̱na ñuundó ña̱ kútu̱ní ndási.

Vií va̱ʼa sakáʼún tú arpa;

ku̱a̱ʼání yaa kataún,

ña̱ va̱ʼa ná ndakaʼánna xa̱ʼún”.

na̱ íyo chí ñuu ta saátu na̱ su̱tu̱,

ta̱ káchíñu ta saátu ta̱ káchíñura nu̱ú.

Ñá káchíñu ta saátu ñá káchíñuñá nu̱ú,

na̱ sátá* ta saátu na̱ íxi̱íko,*

na̱ táxitóo* ña̱ʼa ta saátu na̱ ndúkúña,

na̱ táxitóo xu̱ʼún ta saátu na̱ ndúkúña.

 3 Nda̱a̱ ni iinna va̱ása kundooka nu̱ú ñuʼú yóʼo;

ndakiʼinna ndiʼi ña̱ʼa ña̱ íyo nu̱úña,

chi mií Jehová kúú ta̱ ni̱ka̱ʼa̱n ña̱yóʼo.

 5 Na̱ yiví na̱ ndóo nu̱ú ñuʼú yóʼo, i̱xayaku̱a̱naña,

saáchi kǒo ndíku̱nna ley,

na̱samana chiñu ña̱ xa̱ʼnda Ndióxi̱,

sa̱ndíʼi-xa̱ʼa̱na trato ña̱ ki̱ndoona saxínuna ndiʼi tiempo.

 6 Ña̱kán nda̱kiʼin ñuʼú yóʼo chiʼña,

ta na̱ ndóo nu̱ú ñuʼú yóʼo kúúmiína ku̱a̱chi.

Xa̱ʼa̱ ña̱kán loʼoní kúú na̱ ndóo nu̱ú ñuʼú yóʼo,

ta si̱lóʼoní kúú na̱ ta̱a kíndo̱o.

 7 Nda̱a̱ táki̱ʼva íyo tá kúsuchí-ini* saá íyo tá vino xa̱á, va̱xi yíchi̱ tú uva,

ndiʼi na̱ kúsi̱í-ini, xákuna.

 8 Va̱ása káʼaka yaa si̱í xíʼin tú pandereta;

xa̱a̱ ku̱táxi̱n yuʼú na̱ kútóoní vikó;

va̱ása káʼaka yaa si̱í xíʼin tú arpa.

 9 Kǒoka yaa xíta tá xíʼina vino,

ta tá xíʼina ndixi kúú o̱va̱ yuʼúna xíʼinrá.

10 Ndi̱ʼi-xa̱ʼa̱ ñuu ña̱ kǒo nda̱a̱ ni iin ña̱ʼa nu̱ú;

ndási ndiʼi veʼe ta nda̱a̱ ni iinna va̱ása kívi ki̱ʼvi iniña.

Kǒoka na̱ kúsi̱í-ini;

kǒoka ña̱ sákusi̱í-inina nu̱ú ñuʼú.

12 Ndi̱ʼi-xa̱ʼa̱ ndiʼi ñuu;

sa̱ndíʼi-xa̱ʼa̱na yéʼé.

ndoʼoña nda̱a̱ táki̱ʼva ndóʼo tú olivo tá kánina ndaʼa̱nú,

kundoʼoña nda̱a̱ táki̱ʼva kéʼéna tá nándukúna uva tí ki̱ndoo.

14 Nda̱ʼyi̱ kóʼóna* xa̱ʼa̱ ña̱ kúsi̱íní-inina.

Nda̱a̱ chí nu̱ú íyo mar ka̱ʼa̱nna ña̱ káʼnuní Jehová.

15 Ña̱kán ndasakáʼnuna Jehová chí nu̱ú kíta ñu̱ʼu;*

ndasakáʼnuna ki̱vi̱ Jehová Ndióxi̱ na̱ ñuu Israel chí isla ña̱ íyo nu̱ú mar.

Ndáʼviníi̱. Na̱ sándaʼvi, sa̱ndáʼvina inkana;

kǒo sándakoona ña̱ sandáʼvina inkana”.

18 Tá ná kuniso̱ʼona ña̱ sayíʼvi miína, kununa ta ko̱yona ini ya̱vi̱,

ta na̱ ná kee ini ya̱vi̱, tiinnana.

19 Ni̱nda̱ta̱ nu̱ú ñuʼú,

ndeéní sa̱kísinaña;

nda̱a̱ táki̱ʼva íyo ña̱ xíʼi̱ yi̱ʼí saá íyoña.

20 Nda̱a̱ táki̱ʼva ndóʼo iin ta̱ xíʼi tá xíkara saá ndóʼo ñuʼú yóʼo,

ku̱a̱ʼa̱nña chóʼo ta ku̱a̱ʼa̱nña chí káa, nda̱a̱ táki̱ʼva ndóʼo iin veʼe loʼo xíʼin ta̱chí.

Ve̱ení ku̱a̱chi ndísoña,

ndakavaña ta va̱ása ndakundichikaña.

21 Ki̱vi̱ saá, Jehová ndakotora nu̱ú na̱ íyo chí ndiví

ta saátu nu̱ú na̱ xáʼndachíñu na̱ íyo nu̱ú ñuʼú.

22 Sandátakanana ta taánnana ini ya̱vi̱,

nda̱a̱ táki̱ʼva kéʼéna xíʼin na̱ tíinna,

ta ndakasinana ini veʼeka̱a;

ta tá ná ya̱ʼa ku̱a̱ʼá ki̱vi̱ saá taxina castigo ndaʼa̱na.

23 Tí yo̱o̱ kunaarí

ta ñu̱ʼu kunaaña,

saáchi Jehová ta̱ xáʼndachíñu nu̱ú na̱ ángel xa̱a̱ kúúra Rey chí yuku̱ Sion ta saátu chí Jerusalén,

na̱ níʼi yichi̱ nu̱ú na̱ ñuura* kunina ña̱ íyoní ndee̱ra tá ná kaʼndachíñura.

Ndásakáʼnui̱ yóʼó ta ndásakáʼnui̱ ki̱vi̱ún,

saáchi kéʼún ña̱ʼa ña̱ ndákanda̱ní-inii̱* xíʼin,

ña̱ʼa ña̱ chi̱kaa̱-iniún keʼún nani tiempo xi̱naʼá,

sa̱xínún ña̱ ni̱ka̱ʼún ta ni̱na̱ʼún ña̱ kivi kundaa-inii̱ yóʼó.

 2 Saáchi sa̱ndíʼi-xa̱ʼún ñuu ta ndáa yu̱u̱va ki̱ndoo,

xa̱ni ndiʼún iin ñuu ña̱ kútu̱ní ndási.

Ñuu na̱ inka ñuu, va̱ása kútu̱kaña;

ta nda̱a̱ ni iin ki̱vi̱ va̱ása ndaʼaña.

 3 Xa̱ʼa̱ ña̱kán iin ñuu ña̱ ndakúní, ndasakáʼnuña yóʼó;

ñuu ña̱ ndi̱va̱ʼa-ini, yi̱ʼvíña kuniña yóʼó.

 4 Nda̱a̱ táki̱ʼva íyo ña̱ ndákasi sa̱tá iin ñuu,

saá íyoún nu̱ú na̱ nda̱ʼví ta saátu na̱ ndíʼi̱ní-ini,

iin nu̱ú kivi koo sávína tá ndeéní kúun sa̱vi̱,

iin ku̱nda̱ti̱* tá ndeéní niʼní.

Ña̱ kéʼé na̱ ndi̱va̱ʼa-ini, íyoña nda̱a̱ táki̱ʼva íyo iin ta̱chí ña̱ ndeéní káni sa̱tá iin nama̱,

 5 nda̱a̱ táki̱ʼva kéʼé kaʼní sa̱tá iin ñuʼú yi̱chí,

sáya̱ún yuʼú na̱ sáa̱-ini xíni yóʼó.

Nda̱a̱ táki̱ʼva yáa̱ kaʼní xíʼin ku̱nda̱ti̱ iin vi̱kó,

saá ndíʼi yaa na̱ ndi̱va̱ʼa-ini.

 6 Nu̱ú yuku̱ yóʼo, Jehová ta̱ xáʼndachíñu nu̱ú na̱ ángel,

keʼéra ña̱ ya̱si̱nní kuxu ndiʼi na̱ ñuu

taxira vino tá va̱ʼaní koʼona,

taxira ku̱ñu mií ña̱ va̱ʼaka kuxuna,

taxira mií vino tá va̱ʼaka koʼona, tá ni̱xi̱xin.

 7 Nu̱ú yuku̱ yóʼo sandíʼi-xa̱ʼa̱ra ti̱ko̱to̱ ña̱ ndátiví* ndiʼi ñuu,

xíʼin ti̱ko̱to̱ ña̱ ndákasi ndiʼi na̱ ñuu.

 8 Ta̱yóʼo sandíʼi-xa̱ʼa̱ va̱ʼara ña̱ xíʼi̱ na̱ yiví,

ta táta káʼnu Jehová ndaya̱kúnra ti̱kui̱í nu̱ú ndiʼi na̱ yiví.

Nu̱ú iníísaá ñuʼú sakútaʼara ña̱ sákukaʼan nu̱ú na̱ ñuura,

saáchi mií Jehová kúú ta̱ ni̱ka̱ʼa̱nña.

Ta̱yóʼo kúú ta̱ kándíxayó,

ta ta̱yóʼo kúú ta̱ sakǎku miíyó.

10 Saáchi ndaʼa̱ Jehová ña̱ kúúmiíní ndee̱ kúú ña̱ kundaa yuku̱ yóʼo,

ta ku̱a̱ñi̱ndosóra* ñuu Moab nu̱ú íyoña

nda̱a̱ táki̱ʼva xáñi̱ndosóna xe̱ʼe̱* nu̱ú ndóo si̱ʼví, saá keʼéra xíʼinña.

11 Ta̱yóʼo sakáa̱ra ndaʼa̱ra ta kanirana,

nda̱a̱ táki̱ʼva kéʼé iin na̱ xíni̱ kunúu nu̱ú ti̱kui̱í* ña̱ va̱ʼaní kánda̱ ndaʼa̱na kánuuna nu̱úrá,

saá keʼéra xíʼin ndaʼa̱ra tá ná sandíʼi-xa̱ʼa̱rana chi ni̱nuní kúnina.

12 Ta sandíʼi-xa̱ʼa̱ra ñuu ña̱ kútu̱ní ndási, ña̱ kúúmií nama̱ ña̱ súkunní,

sakánaraña nu̱ú ñuʼú nu̱ú íyo yáká.*

 2 Ndakunándó yéʼé ná ki̱ʼvi na̱ ñuu na̱ nda̱kúní-ini,

iin ñuu ña̱ kéʼé nina ña̱ nda̱kú.

 3 Kundaún na̱ ndáa-ini yóʼó,

ndiʼi ki̱vi̱ sandíkoún-inina,

saáchi yóʼó kúú ta̱ kándíxana.

 4 Ndiʼi ki̱vi̱ kundaa-inindó Jehová,

saáchi Jehová,* Jehová íyora nda̱a̱ táki̱ʼva íyo iin yu̱u̱ káʼnu ña̱ íyo ndiʼi tiempo.

Ta̱yóʼo sákanaraña chí ni̱nu̱,

sákanaraña nu̱ú ñuʼú;

nu̱ú íyo yáká.*

 6 Na̱ xóʼvi̱* kúú na̱ ku̱a̱ñi̱ndosó* na̱yóʼo

na̱ nda̱ʼví kúú na̱ ku̱a̱ñi̱na”.

Ta yóʼó, xa̱ʼa̱ ña̱ kéʼún ña̱ nda̱kú,

ndasanda̱ún yichi̱ na̱ kéʼé ña̱ nda̱kú.

 8 Jehová, tá xíkandi̱ yichi̱ nu̱ú ndátiún ku̱a̱chi xíʼinndi̱,

kándíxandi̱ yóʼó xíʼin ndiʼi níma̱ndi̱.

 9 Tá ñuú, kúni̱níi̱ kunii̱ yóʼó xíʼin ndiʼi níma̱i̱,

nándukúi̱ yóʼó xíʼin ndiʼi níma̱i̱;

saáchi tá ndátiún ku̱a̱chi xíʼin na̱ yiví,

saá kúú ña̱ sákuaʼana keʼéna ña̱ nda̱kú.

10 Ni ná kundáʼvi-inina kunina na̱ ndi̱va̱ʼa-ini,

va̱ása sakúaʼana keʼéna ña̱ nda̱kú.

Ni ná kundoona nu̱ú ñuʼú nu̱ú kéʼéna ña̱ nda̱kú, ndi̱va̱ʼakava koo inina,

ta va̱ása kotona ña̱ káʼnuní Jehová.

12 Jehová, yóʼó va̱ása taxikaún kundi̱ʼi-inindi̱,

saáchi ndiʼi ña̱ ke̱ʼéndi̱,

miíún kúú ta̱ ta̱xi ndee̱ ndaʼa̱ndi̱ ña̱ ke̱ʼéndi̱ña.

13 Jehová, Ndióxi̱ miíndi̱, inkana xi̱xaʼndachíñu nu̱úndi̱,

soo iinlá ki̱vi̱ miíún kúú ña̱ ndásakáʼnundi̱.

Saáchi nda̱tiún ku̱a̱chi xíʼinna

ña̱ va̱ʼa sandíʼi-xa̱ʼúnna ta kǒoka na̱ ndakaʼán xa̱ʼa̱na.

15 Jehová, nda̱saku̱a̱ʼákaún na̱ ñuún,

ku̱a̱ʼáníka nda̱saúnna;

ndu̱káʼnún xa̱ʼa̱ ña̱ ke̱ʼún ña̱yóʼo.

16 Jehová, tá ni̱ndi̱ʼi-inina, ni̱ka̱ʼa̱nna xíʼún ña̱ chindeétáʼún xíʼinna;

ni̱ka̱ʼa̱n ya̱ána xíʼún tá ta̱xiún castigo ndaʼa̱na.

17 Nda̱a̱ táki̱ʼva ndóʼo iin ñaʼá ñá xa̱a̱ kúni̱ kaku se̱ʼe,

tá ndeéní xáʼnda se̱ʼeñá ta ndáʼyi̱ kóʼóñá* xa̱ʼa̱ ña̱yóʼo,

saá sáxo̱ʼvi̱ún ndi̱ʼi̱ Jehová.

18 Ni̱ke̱e se̱ʼendi̱, xa̱ʼndaña inindi̱,

soo ta̱chí kuitíva sa̱kákundi̱.

Va̱ása níkivi sakǎkundi̱ ñuʼú yóʼo,

ta kǒo na̱ káku kundoo nu̱úña.

Ndakáxí-inindó ta nda̱ʼyi̱ kóʼóndó xa̱ʼa̱ ña̱ kúsi̱í-inindó,

ndóʼó na̱ ndóo nu̱ú yáká.

Saáchi yúyú ña̱ kóyo sa̱tándó, íyoña nda̱a̱ táki̱ʼva íyo yúyú ña̱ kóyo xi̱ta̱a̱n,*

ñuʼú yóʼo ndataváña na̱ ni̱xi̱ʼi̱ nu̱úña.

20 Na̱ ñuu miíi̱, kúáʼanndó ta ki̱ʼvindó ini cuarto ña̱ ndíkaa̱ nda̱a̱ ma̱á,

ta tá xa̱a̱ ni̱ki̱ʼvindó, ndakasindó yéʼé.

Ta kán koose̱ʼéndó,

nda̱a̱ ná va̱ása sa̱a̱ka Ndióxi̱.

21 Saáchi kotondó, nda̱a̱ nu̱ú íyo Jehová ki̱tara va̱xira

ña̱ taxira castigo ndaʼa̱ na̱ ndóo nu̱ú ñuʼú yóʼo xa̱ʼa̱ ku̱a̱china,

ta nda̱a̱ táki̱ʼva koo ña̱ natúʼun xa̱ʼa̱na saá koo ñuʼú yóʼo, chi ku̱a̱ʼánína ni̱xi̱ʼi̱ nu̱úña

ta va̱ása kivika chise̱ʼéña na̱ ni̱xi̱ʼi̱”.

27 Ki̱vi̱ saá, Jehová kuniñúʼura espadara ña̱ káʼnuní, ña̱ ndakúní, ña̱ xi̱ínní* yuʼú,

ña̱ taxira castigo ndaʼa̱ ko̱o̱ tí kamaní ku̱a̱ʼa̱n, tí Leviatán,*

tí Leviatán, tí ko̱o̱ tí ku̱a̱ʼa̱n chóʼo ta ku̱a̱ʼa̱nrí chí káa,

ta kaʼníra kití tí káʼnuní tí ndíkaa̱ ti̱xin mar.

Ñuú xíʼin káʼñu* ndái̱ña

tasaá va̱ása koo na̱ sandíʼi-xa̱ʼa̱ña.

Ña̱ va̱ʼa ndakutáʼan viína xíʼi̱n;

ña̱ va̱ʼa ndakutáʼan viína xíʼi̱n”.

 6 Ki̱vi̱ ña̱ va̱xi, kana ti̱oʼo* ta̱ Jacob ta koora nda̱a̱ táki̱ʼva íyo iin yitu̱n,

na̱ ñuu Israel koona nda̱a̱ táki̱ʼva íyo iin yitu̱n tú xa̱a̱ xa̱ʼnu tú xa̱a̱ íyo yita ndaʼa̱,

nda̱a̱ táki̱ʼva koo na̱ taxi ku̱i̱ʼi iníísaá nu̱ú ñuʼú, saá koona.

 9 Saá kúú ña̱ ixakáʼnu-inira xa̱ʼa̱ ku̱a̱chi ña̱ ni̱ki̱ʼvi ta̱ Jacob,

ta ña̱yóʼo kúú ña̱ kuu tá ná ku̱taʼa ku̱a̱china:

yu̱u̱ ña̱ ku̱vaʼa altar, ndasaraña yu̱u̱ ña̱ cháchi mií,

ta va̱ása kindo̱o nda̱a̱ ni iin yitu̱n tú ndásakáʼnuna* ta saátu va̱ása kindo̱o nda̱a̱ ni iin altar nu̱ú chiʼmána.

10 Saáchi va̱ása kooka nda̱a̱ ni iin ña̱ʼa nu̱ú ñuu ña̱ kútu̱ní ndási;

kǒoka ña̱ʼa koo chí yuku̱ ta kooña nda̱a̱ táki̱ʼva íyo iin ñuʼú yi̱chí.

Kán kundoo tí si̱ndi̱ki̱ válí kixáʼanrí,*

ta kaxírí ndaʼa̱ yitu̱n.

11 Tá ná yi̱chi̱ ndaʼa̱nú,

kixi ná ñaʼá ta kindaanáña,

ta kuniñúʼunaña ña̱ ndakaʼminá ñuʼu̱.

Ña̱kán, ta̱ i̱xava̱ʼa miína, va̱ása kundáʼvi-inira kunirana,

ta ta̱ i̱xava̱ʼa miína, va̱ása chindeétáʼanra xíʼinna.

28 Ndáʼviní corona* ña̱ liviní kánuu xi̱ní na̱ ñuu ta̱ Efraín, na̱ xíʼiní,

ta saátu ña̱ liviní náʼa̱ña saáchi íyoña nda̱a̱ táki̱ʼva íyo iin yita ña̱ yíchi̱,

ña̱ ka̱na chí xi̱kí nu̱ú va̱ʼaní kána ña̱ʼa, nu̱ú ndóo na̱ yiví na̱ kúta̱aní-ini xa̱ʼa̱ ña̱ xíʼina vino.

Íyora nda̱a̱ táki̱ʼva íyo taxa ta saátu ñíí,* íyora nda̱a̱ táki̱ʼva íyo ta̱chí ña̱ ndeéní káni ta sándiʼi-xa̱ʼa̱ña ndiʼi ña̱ʼa,

nda̱a̱ táki̱ʼva íyo sa̱vi̱ tá ndeéní kúun,

ta ta̱kán ndeéní sakánara corona nu̱ú ñuʼú.

 3 Corona ña̱ liviní kánuu xi̱ní na̱ ñuu ta̱ Efraín, na̱ xíʼiní,

ku̱a̱ñi̱naña.*

 4 Ta saátu ña̱ liviní náʼa̱ña ña̱ íyo nda̱a̱ táki̱ʼva íyo iin yita ña̱ yíchi̱,

ña̱ ka̱na chí xi̱kí nu̱ú va̱ʼaní kána ña̱ʼa,

kooña nda̱a̱ táki̱ʼva íyo iin higo tí nu̱ú va̱ʼa kána:

 7 Saátu na̱yóʼo, xíʼina vino ta ndáñúʼuna chí yichi̱,

nda̱a̱ yatin nduvana tá xíʼina.

Na̱ su̱tu̱ xíʼin na̱ profeta xíʼina ndixi ta ndáñúʼuna chí yichi̱;

sána xi̱nína xíʼin vino,

ta nda̱a̱ yatin nduvana xa̱ʼa̱ ña̱ xíʼina ndixi;

xa̱ʼa̱ ña̱ va̱ása kívi kotona, ndáñúʼuna chí yichi̱,

xa̱ʼa̱ ña̱ va̱ása viíka ndákanixi̱nína, ni va̱ása viíka ndátiinna ku̱a̱chi.

 8 Ña̱ ndu̱xanna, chútuña nu̱ú mesana...,

ku̱yaku̱a̱ ndiʼi nu̱únú.

 9 ¿Ndáana sanáʼa̱na,

ta ndáana ndakanina tu̱ʼun yóʼo nu̱ú?

¿Á na̱ sa̱kán sa̱ndákoo chichín ka̱ʼa̱nna xíʼin?

¿Á xíʼin na̱ va̱ása táxikana chichín?

10 Saáchi “tuku ta tuku chiñu xáʼndara,

tuku ta tuku káʼa̱nra xíʼinyó ndáaña keʼéyó

loʼo ña̱yóʼo ta loʼo ña̱ káa káʼa̱nra xíʼinna”.

“Tuku ta tuku chiñu xáʼndai̱ nu̱úndó,

tuku ta tuku ña̱ káʼi̱n xíʼinndó keʼéndó,

loʼo ña̱yóʼo ta loʼo ña̱ káa káʼi̱n xíʼinndó”,

soo na̱kán va̱ása kuniso̱ʼona,

xa̱ʼa̱ ña̱kán ndakavana chí sa̱tá

ndiʼi-xa̱ʼa̱ ndiʼina ta tiinnana.

14 Xa̱ʼa̱ ña̱kán, ndóʼó na̱ kúta̱aní-ini, kuniso̱ʼondó ña̱ káʼa̱n Jehová,

ndóʼó na̱ xáʼndachíñu nu̱ú na̱ ñuu chí Jerusalén,

15 saáchi ndóʼó káchindó:

“Xa̱a̱ ke̱ʼéndi̱ iin trato xíʼin ña̱ xáʼní,

ta xa̱a̱ ki̱ndoondi̱ iin ña̱ʼa xíʼin Ya̱vi̱* nu̱ú ñúʼu na̱ ni̱xi̱ʼi̱.

Tá iin kama ná ndakutú ti̱kui̱í ta ndeéní ya̱ʼará,

va̱ása ni̱ʼívírá miíndi̱,

saáchi ña̱ vatá* ña̱ ki̱ndoondi̱ keʼéndi̱ kúú ña̱ sakǎku miíndi̱

ta ña̱yóʼo kúú ña̱ chise̱ʼé miíndi̱”.

“Kotondó, kuniñúʼi̱ yu̱u̱ ña̱ xa̱a̱ xi̱tondosóna ña̱ chindúʼi̱ xa̱ʼa̱ Sion,

yu̱u̱ ña̱ ndáyáʼviní kúú ña̱ kuniñúʼi̱ ña̱ chindúʼi̱ xa̱ʼa̱ña.

17 Ta ña̱ nda̱kúní ndatii̱n ku̱a̱chi xíʼinna, kooña nda̱a̱ táki̱ʼva íyo yoʼo̱ ña̱ xíniñúʼuna ña̱ távána ki̱ʼva

ta kootuña nda̱a̱ táki̱ʼva íyo plomo.

Ñíí sandíʼi-xa̱ʼa̱ña ña̱ vatá ña̱ ndáa-inindó

ta ndakutú ti̱kui̱í nu̱ú ñúʼu-se̱ʼéndó.

18 Ndiʼi-xa̱ʼa̱ trato ña̱ ke̱ʼéndó xíʼin ña̱ xáʼní

ta saátu ña̱ ki̱ndoondó xíʼin Ya̱vi̱* nu̱ú ñúʼu na̱ ni̱xi̱ʼi̱.

Tá iin kama ná ndakutú ti̱kui̱í ta ndeéní ya̱ʼará,

sandíʼi-xa̱ʼa̱vará ndóʼó.

19 Ndiʼi yichi̱ ña̱ ná ya̱ʼará,

ndiʼi-xa̱ʼa̱vandó xíʼinrá;

saáchi ya̱ʼará ndiʼi xi̱ta̱a̱n,*

tá káʼñu ta saátu tá ñuú.

20 Saáchi loʼoní xi̱to ta kǒo kívi ndakaa̱na nu̱únú

ta loʼoní ti̱ka̱chí ña̱ ndíxina ta kǒo kívi kusa̱ʼvina xíʼinña.

21 Saáchi ndakundichi Jehová nda̱a̱ táki̱ʼva ke̱ʼéra chí yuku̱ Perazim;

ta ndako̱ora nda̱a̱ táki̱ʼva ke̱ʼéra chí yoso̱ yatin Gabaón,

ña̱ va̱ʼa saxínura chiñura ta síínní koo ña̱yóʼo,

chiñu ña̱ keʼéra, ndakanda̱ní-inina* xíʼinña.

22 Xa̱ʼa̱ ña̱kán, va̱ása kusi̱kindaandó

tasaá va̱ása kútu̱ ka̱tún cadena ña̱ núʼnindó;

saáchi xa̱a̱ xi̱niso̱ʼi̱ ña̱ ni̱ka̱ʼa̱n táta káʼnu Jehová ta̱ xáʼndachíñu nu̱ú na̱ ángel,

ña̱ chi̱kaa̱-inira sandíʼi-xa̱ʼa̱ra iníísaá ñuʼú yóʼo.

23 Kuniso̱ʼondó ña̱ ka̱ʼi̱n;

ta viíní kuniso̱ʼondó ña̱ ka̱ʼi̱n xíʼinndó.

25 ¿Á su̱ví tá xa̱a̱ nda̱sandoora nu̱ú ñuʼúra

kúú ña̱ chíʼira comino ta saátu comino tu̱ún?

¿Ta á su̱ví saátu chíʼira trigo, mijo xíʼin cebada, ta saátu chíʼira espelta chí yuʼú ñuʼúra?

26 Saáchi ta̱kán,* va̱ʼaní sánáʼa̱rara.

Ndióxi̱ra kúú ta̱ sánáʼa̱ miíra.

27 Saáchi va̱ása xíniñúʼuna trillo* tá sákuachina comino tu̱ún,

ta va̱ása xíniñúʼuna llanta carreta ña̱ sakuáchina comino.

Va̱ása, kǒo kéʼéna ña̱yóʼo.

Ta tá sáya̱ʼana llanta carretana ta saátu kuáyi̱ sa̱na̱na sa̱tá ña̱yóʼo,

va̱ása sákuachi ndiʼinaña nda̱a̱ ndúuña ya̱a̱.

29 Mií Jehová ta̱ xáʼndachíñu nu̱ú na̱ ángel kúú ta̱ káʼa̱n tu̱ʼun yóʼo;

va̱ʼaní ña̱ kúni̱ra keʼéra

ta ndiʼi ña̱ʼa ña̱ kéʼéra, ndáyáʼviníña.

Ku̱i̱ya̱ tá ku̱i̱ya̱ keʼéndó vikó;

ta kǒo sandákoondó keʼéndó ña̱yóʼo.

 2 Soo taxii̱ ná kundi̱ʼi-ini ñuu Ariel,

ta kusuchí-iniña ta kuakuña,

ta kooña nda̱a̱ táki̱ʼva íyo nu̱ú xíxi̱ ñuʼu̱, nu̱ú altar Ndióxi̱.

 3 Xa̱i̱ koi̱ chí sa̱tá nu̱ú íyoún ña̱ va̱ʼa kanitáʼi̱n xíʼún,

ta iníí sa̱tá nu̱ú íyoún katai̱ yitu̱n tú xi̱ín* nu̱ú

ta ixava̱ʼi̱ nama̱ ña̱ kundasi sa̱tá nu̱ú íyoún.

 4 Kukaʼan nu̱ún;

ta sakánana yóʼó nu̱ú ñuʼú.

Ka̱ʼún soo yáká* kasi tu̱ʼun ña̱ ka̱ʼún

nda̱a̱ táki̱ʼva va̱ása káxi íyo tu̱ʼun na̱ káʼa̱n ña̱ kivi ka̱ʼa̱nna xíʼin na̱ ni̱xi̱ʼi̱,

saá koo tu̱ʼún ña̱ ná kana nu̱ú ñuʼú

ta ya̱a̱ní koo tu̱ʼún ña̱ ka̱ʼún nda̱a̱ nu̱ú yáká.

 5 Ku̱a̱ʼání koo na̱ sáa̱-ini xíni yóʼó nda̱a̱ táki̱ʼva ku̱a̱ʼání kúú yáká,

na̱ ndi̱va̱ʼa-ini koona nda̱a̱ táki̱ʼva íyo xe̱ʼe̱* ña̱ ndáchí xíʼin ta̱chí.

 6 Jehová ta̱ xáʼndachíñu nu̱ú na̱ ángel, kundaara yóʼó

kuniñúʼura taxa, satáa̱nra, ta ndeéní saníʼira,

ndeéní sakánira ta̱chí ta ndeéní sakúunra sa̱vi̱, saátu kuniñúʼura ñuʼu̱ ña̱ ndeéní xíxi̱”.

 7 Tasaá ndiʼi na̱ ñuu na̱ kánitáʼan xíʼin ñuu Ariel,

ndiʼi na̱ kánitáʼan xíʼinña,

ndiʼi nama̱ ña̱ i̱xava̱ʼana sa̱táña

ta saátu ndiʼi na̱ sándi̱ʼi-iniña

kooña nda̱a̱ táki̱ʼva íyo iin xa̱ni, nda̱a̱ táki̱ʼva íyo iin visión ña̱ xi̱nina tá ñuú.

 8 Ndiʼi na̱ ñuu na̱ kánitáʼan xíʼin yuku̱ Sion

kundoʼona nda̱a̱ táki̱ʼva ndóʼo na̱ xíʼi̱ so̱ko,

ta xánina* ña̱ xíxina soo tá ndákáxí-inina,* xíʼi̱na so̱ko

ta saátu kundoʼona nda̱a̱ táki̱ʼva ndóʼo na̱ kúni̱ koʼo ti̱kui̱í ta xánina ña̱ xíʼina ti̱kui̱í

 9 Ndakanda̱ní-inindó;*

sakúkúándó miíndó ta va̱ása kotondó.

Ni̱xi̱nina soo su̱ví xa̱ʼa̱ ña̱ xi̱ʼina vino kúúña;

xa̱a̱ yatin nduvana soo su̱ví xa̱ʼa̱ ña̱ xi̱ʼina ndixi kúúña.

10 Saáchi Jehová kúú ta̱ ta̱xi ña̱ ná ku̱su̱n naandó;

nda̱kasira nu̱ú ndóʼó na̱ profeta,

ta nda̱kasira xi̱ní ndóʼó na̱ ta̱a na̱ xíto visión.

13 Jehová káchira: “Na̱ ñuu yóʼo káʼa̱nna ña̱ ndásakáʼnuna yi̱ʼi̱

ta íxato̱ʼóna yi̱ʼi̱ xíʼin yuʼúvana,

soo níma̱na, xíkání íyoña nu̱úi̱,

ta tá ndásakáʼnuna yi̱ʼi̱, ndíku̱nna ña̱ sa̱náʼa̱ inka na̱ yiví miína.

14 Xa̱ʼa̱ ña̱kán, tuku keʼíi̱ ña̱ sandákanda̱ní-ini na̱ ñuu yóʼo,

tuku ta tuku keʼíi̱ ña̱ sandákanda̱-inina;

ta na̱ ndíchi na̱ ni̱xi̱yo ñuuna, va̱ása kuumiíkana ña̱ ndíchi

ta na̱ ta̱a na̱ xíni̱ní, kǒoka ña̱ kunda̱a̱-inina xa̱ʼa̱”.

Nu̱ú naa kéʼéna ku̱a̱ʼání ña̱ʼa

ta káchina: “¿Ndáana xíto ña̱ kéʼéyó?

17 Ti̱xin loʼo kuití tiempo, Líbano nduuña nda̱a̱ táki̱ʼva íyo nu̱ú chíʼina yitu̱n tú táxi ku̱i̱ʼi

ta nu̱ú íyo tú yitu̱n yóʼo, kooña nda̱a̱ táki̱ʼva íyo iin yuku̱.

18 Ki̱vi̱ kán, na̱ kǒo kívi kuniso̱ʼo, kuniso̱ʼona ña̱ káʼa̱n libro yóʼo

ta xa̱ʼa̱ ña̱ kǒoka vi̱kó ndáá ta va̱ása naa, na̱ kúáa,* va̱ʼa ndakotona.

19 Na̱ vitá-ini, kusi̱íní-inina xa̱ʼa̱ Jehová

ta na̱ nda̱ʼví, kusi̱íní-inina xa̱ʼa̱ Ndióxi̱ na̱ ñuu Israel, Ndióxi̱ ta̱ yi̱i̱.

20 Saáchi ndiʼi-xa̱ʼa̱ na̱ ndi̱va̱ʼa-ini

ta saátu na̱ kúta̱a-ini, ndiʼi-xa̱ʼa̱na

ta ndiʼi na̱ xa̱a̱ íyo tu̱ʼva ña̱ keʼéna ña̱ va̱ása va̱ʼa xíʼin inkana, ndiʼi-xa̱ʼa̱na,

21 na̱ káʼa̱n ña̱ vatá* ta chíkaa̱na ku̱a̱chi inkana,

na̱ sándaʼvi na̱ ndákiʼin tu̱ʼun miína chí yéʼé ñuu

ta saátu na̱ káʼa̱n ña̱ vatá xa̱ʼa̱ ña̱ kǒo kúni̱na nda̱kú ndatiinna ku̱a̱chi xíʼinna.

“Va̱ása kukaʼanka nu̱ú ta̱ Jacob

ta va̱ása na̱ʼa̱ nu̱úra ña̱ nda̱kava-inira.

23 Saáchi tá ná kotora na̱ se̱ʼera na̱ i̱xava̱ʼi̱,

ña̱ nda̱takana nu̱ú íyora,

ndasakáʼnuna ki̱víi̱,

ta ixato̱ʼóna Ndióxi̱ ta̱ yi̱i̱, Ndióxi̱ ta̱ Jacob

ta na̱ʼa̱na ña̱ íxato̱ʼóna Ndióxi̱ na̱ ñuu Israel.

24 Na̱ va̱ása káxi kúnda̱a̱-ini, xa̱a̱na kunda̱a̱ va̱ʼa inina

ta na̱ káʼa̱nkúáchi,* taxivana ña̱ sanáʼa̱nana”.

30 “Ndáʼviní na̱ ñuu na̱ so̱ʼoní káchi Jehová,

chi kéʼéndó ña̱ kúni̱ miíndó, su̱ví ña̱ kúni̱ yi̱ʼi̱,

ndákutáʼanndó xíʼin inkana ña̱ kuniʼina yichi̱ nu̱úndó,

soo kǒo kútói̱ ña̱ kéʼéndó ña̱yóʼo,

 2 Ku̱a̱ʼa̱nndó chí Egipto ta va̱ása ndáka̱tu̱ʼunndó yi̱ʼi̱ xa̱ʼa̱ ña̱yóʼo,

ku̱a̱ʼa̱nndó nu̱ú ta̱ faraón ña̱ va̱ʼa kundaara ndóʼó,

tasaá chindeétáʼan na̱ ñuu Egipto xíʼinndó.

 3 Soo kukaʼan nu̱úndó chi xi̱ndaaní-inindó ña̱ kundaa ta̱ faraón ndóʼó,

saátu kukaʼan nu̱úndó chi va̱ása chindeétáʼan na̱ ñuu Egipto xíʼinndó.

 4 Saáchi na̱ kúúmií chiñu ña̱ ndáyáʼvi nu̱úra íyona chí Zoan,

ta na̱ chi̱ndaʼára ku̱a̱ʼa̱n xíʼin tu̱ʼun, ni̱xa̱a̱na chí Hanés.

 5 Iin ñuu ña̱ va̱ása ndáyáʼvi kúú ña̱ sakúkaʼan nu̱ú ndiʼindó

iin ñuu ña̱ kǒo chindeétáʼan xíʼinndó

chi ña̱ sákukaʼan nu̱úndó kúúña”.

Na̱yóʼo níʼina ña̱ ku̱i̱ká ña̱ kúúmiína,

sa̱tá burro ta saátu sa̱tá camello níndoso ña̱ xíniñúʼuna,

ta ku̱a̱ʼa̱nna xíʼinña nu̱ú ñuʼú nu̱ú ndíʼi̱ní-inina, nu̱ú xóʼvi̱na,*

nu̱ú íyo tí ndikaʼa,* nu̱ú íyo ndikaʼa tí ndúkue̱ʼe̱

nu̱ú íyo ko̱o̱, nu̱ú íyo ko̱o̱ tí kamaní,

 8 “Ta vitin, kúáʼan ta ná kuni na̱yóʼo kaʼyiúnña nu̱ú iin tabla tú káni̱

ta saátu kaʼyiúnña nu̱ú iin tutu,

ña̱ va̱ʼa kuniñúʼuna ña̱yóʼo chí nu̱únínu

ta kotona ña̱ kǒo nása̱ma ña̱ káʼi̱n.

 9 Saáchi iin ñuu na̱ so̱ʼoní kúúna, se̱ʼi̱ kúúna ta sándaʼvina,

se̱ʼi̱ kúúna ta va̱ása xíínna kuniso̱ʼona ley ña̱ táxi yi̱ʼi̱ Jehová.

“Xa̱ʼa̱ ña̱ va̱ása xíínndó kuniso̱ʼondó tu̱ʼun yóʼo,

ta kándíxandó na̱ sándaʼvi ndóʼó ta saátu na̱ káʼa̱n ña̱ vatá,*

ta ndáa-inindó na̱yóʼo,

13 ña̱ va̱ása va̱ʼa kéʼéndó íyoña nda̱a̱ táki̱ʼva íyo iin nama̱ ña̱ ni̱nda̱ta̱,

nda̱a̱ táki̱ʼva íyo iin nama̱ súkun ña̱ níndichi síi̱n,* ña̱ xa̱a̱ kúni̱ ndakava.

14 Ta̱ʼvíña nda̱a̱ táki̱ʼva táʼvi̱ iin ki̱si káʼnu ña̱ i̱xava̱ʼana,

kuachi válí ndiʼiña ta ni va̱ása kivika kuniñúʼunaña ña̱ tavána ñuʼu̱ xíʼinña

á ña̱ kachiʼina ti̱kui̱í nu̱ú ñúʼurá”.*

“Tá kúni̱ndó ka̱kundó, xíniñúʼu ndikóndó nu̱úi̱ ta kundatundó;

tá va̱ása ndíʼi̱-inindó ta ndáa-inindó yi̱ʼi̱, ndakú koondó”.

17 Iin kuitívana kuchiñu sayíʼvi mil ndóʼó;

ta u̱ʼu̱n kuitívana kunundó nu̱ú

ta na̱ ki̱ndoo kunaʼa̱na nda̱a̱ táki̱ʼva náʼa̱ iin yitu̱n tú níndichi xi̱ní iin yuku̱,

koona nda̱a̱ táki̱ʼva íyo iin yitu̱n tú kuni ndiʼina, tú níndichi xi̱ní iin xi̱kí.

18 Soo Jehová kúee íyo inira ta ndátura ña̱ na̱ʼa̱ra ña̱ va̱ʼa-inira xíʼinndó,

ta na̱ʼa̱ra ña̱ kúndáʼvi-inira xínira ndóʼó.

27 Kotondó. Nda̱a̱ nu̱ú xíká ki̱ta Jehová va̱xira,

sáa̱níra va̱xira ta íyoní vi̱kó nu̱ú va̱xira.

Sáa̱níra káʼa̱nra

ta nda̱a̱ táki̱ʼva íyo iin ñuʼu̱ ña̱ ndeéní xíxi̱, saá íyo nu̱ú yáa̱ra.*

28 Ta̱chíra kooña nda̱a̱ táki̱ʼva íyo yu̱ta tá kée, ta nda̱a̱ su̱kúnna ndakutúrá,

ña̱ va̱ʼa kisira na̱ ñuu ta saxíxinrana nu̱ú iin ña̱ʼa ña̱ sandíʼi-xa̱ʼa̱na;

ta yuʼú ndiʼi na̱ ñuu kundikaa̱ ka̱a ta tavánana yichi̱ nu̱ú ku̱a̱ʼa̱nna.

29 Soo katandó nda̱a̱ táki̱ʼva xítana iin ñuú

tá íxatu̱ʼvana miína ña̱ ku̱ʼu̱nna vikó

ta kusi̱íní-inindó nda̱a̱ táki̱ʼva kúsi̱í-ini iin na̱ tívi flauta

ta ku̱a̱ʼa̱nna chí yuku̱ Jehová, ta̱ kúú Ndióxi̱ na̱ ñuu Israel,

ta̱ íyo nda̱a̱ táki̱ʼva íyo iin yu̱u̱ káʼnu.

30 Ndeéní kutaku̱ ña̱ ka̱ʼa̱n Jehová

ta taxira ná kunina ña̱ íyoní ndee̱ ndaʼa̱ra xa̱ʼa̱ ña̱ sáa̱níra,

ta kixira xíʼin iin ñuʼu̱ ña̱ ndeéní xíxi̱,

sa̱vi̱ tá ndeéní kúun, taxa xíʼin ñíí.*

31 Saáchi xa̱ʼa̱ ña̱ ndeéní ka̱ʼa̱n Jehová, na̱ ñuu Asiria yi̱ʼvínína;

ta̱yóʼo kanirana xíʼin iin yitu̱n.

32 Ndiʼi yichi̱ ña̱ ná kani Jehová na̱ ñuu Asiria

xíʼin yitu̱n tú xíniñúʼura ña̱ táxira castigo

kaʼa pandereta xíʼin arpa,

nani ndániʼira ndaʼa̱ra ña̱ kanitáʼanra xíʼinna.

33 Ta̱yóʼo, xa̱a̱ i̱xatu̱ʼvara nu̱ú sandíʼi-xa̱ʼa̱rana;*

saátu xa̱a̱ i̱xatu̱ʼvara nu̱ú sandíʼi-xa̱ʼa̱ra ta̱ rey.

Kúnúní nu̱ú xáʼmira ñuʼu̱ ta ndíka̱níña,

ku̱a̱ʼání ñuʼu̱ chi̱kaa̱ra ta ku̱a̱ʼání titu̱n ta̱ánra.

31 Ndáʼviní na̱ ku̱a̱ʼa̱n chí Egipto ña̱ ndukúna na̱ chindeétáʼan xíʼinna,

na̱ ndáa-ini tí kuáyi̱,

na̱ ndáa-ini carreta tú xíka nu̱ú ku̱a̱chi xa̱ʼa̱ ña̱ ku̱a̱ʼání kúúnú,

na̱ ndáa-ini kuáyi̱* tí xíka nu̱ú ku̱a̱chi xa̱ʼa̱ ña̱ ndakúnírí

soo va̱ása ndáa-inina Ndióxi̱ na̱ ñuu Israel, Ndióxi̱ ta̱ yi̱i̱

ta va̱ása nándukúna Jehová.

 2 Soo ndíchitu ta̱yóʼova ta chindaʼára iin tu̱ndóʼo nu̱úna,

va̱ása ndandikó-inira xa̱ʼa̱ ña̱ ka̱ʼa̱nra.

Taxira castigo ndaʼa̱ na̱ ndi̱va̱ʼa-ini

ta saátu na̱ chíndeétáʼan xíʼin na̱ kéʼé ña̱ va̱ása va̱ʼa.

 3 Na̱ yivíva kúú na̱ egipcio, su̱ví Ndióxi̱ kúúna;

kití kuitíva kúú kuáyi̱ sa̱na̱na ta su̱ví espíritu kúúrí nda̱a̱ táki̱ʼva íyo Ndióxi̱.

Tá ná sandákaa̱ Jehová ndaʼa̱ra,

na̱ chíndeétáʼan xíʼinna kachiʼina*

ta ndakava na̱ chíndeétáʼanna xíʼin;

inkáchi kuvi ndiʼina.

“Nda̱a̱ táki̱ʼva kéʼé ndikaʼa* tí yúta̱* tí ndakúní tá ndáʼyi̱rí sa̱tá kití tí kúni̱rí tiinrí

ta ni ndákutáʼan iin tiʼvi na̱ ndáa kití ña̱ sayíʼvinarí,

va̱ása yíʼvirí tá xíniso̱ʼorí ña̱ káʼa̱nna

ta ni va̱ása yíʼvirí xa̱ʼa̱ ña̱ ndeéní ndáʼyi̱na,

saá keʼé Jehová ta̱ xáʼndachíñu nu̱ú na̱ ángel tá ná nuura ña̱ kanitáʼanra xíʼinna

xa̱ʼa̱ yuku̱ Sion ta saátu xa̱ʼa̱ xi̱kí ña̱ kúúmiíña.

 8 Kaʼnína na̱ ñuu Asiria xíʼin espada soo su̱ví na̱ yiví keʼé ña̱yóʼo;

sandíʼi-xa̱ʼa̱nana xíʼin espada soo su̱ví na̱ yiví keʼé ña̱yóʼo.

Xa̱ʼa̱ ña̱yóʼo kununa ku̱ʼu̱nna

ta ixandúxana xíʼin na̱ va̱lí kúa̱an ña̱ kachíñundáʼvina.

 9 Yu̱u̱ náʼnu ña̱ kúúmiína ndiʼi-xa̱ʼa̱ña xa̱ʼa̱ ña̱ yi̱ʼvíníña,

ta na̱ kúúmií chiñu ña̱ ndáyáʼvi nu̱úna, yi̱ʼvínína tá ná kunina yitu̱n tú na̱ʼa̱ nu̱úna ña̱ ndatakana”, káchi Jehová,

ñuʼu̱ra túu̱nña chí Sion ta chí Jerusalén íyo horno* ña̱ kúú kuentara.

32 Kotondó. Nda̱kúní kaʼndachíñu iin rey,

ta na̱ kúúmií chiñu ña̱ ndáyáʼvi nda̱kúní kaʼndachíñuna.

 2 Ta iin tá iin na̱yóʼo koona nda̱a̱ táki̱ʼva íyo nu̱ú xíyo sávína

tá ndeéní káni ta̱chí,

nu̱ú kivi koo sávína tá ndeéní kúun sa̱vi̱,

koona nda̱a̱ táki̱ʼva íyo yu̱ta tá íyo nu̱ú ñuʼú yi̱chí,

 3 Tasaá na̱ va̱ʼa xíto, káxika kotona,

ta na̱ va̱ʼa xíniso̱ʼo, káxika kuniso̱ʼona.

 4 Tasaá, na̱ kǒo ndákanixi̱ní xíʼin ña̱ kéʼéna, ndakanivaxi̱nína xa̱ʼa̱ ña̱ sákuaʼana

ta na̱ kǒo kívi ka̱ʼa̱n va̱ʼa, kama ka̱ʼa̱nna ta káxi ka̱ʼa̱nna.

 5 Va̱ása ka̱ʼa̱nkana xíʼin ta̱ kíʼví ña̱ va̱ʼaní-inira,

ta va̱ása ka̱ʼa̱nkana xíʼin ta̱a ta̱ sándaʼvi ña̱ va̱ʼaní ta̱a kúúra;

 6 saáchi ta̱ kíʼví ka̱ʼa̱nra nina ña̱ kíʼví

ta nina ña̱ va̱ása va̱ʼa ndakani-inira keʼéra,

chikaa̱ra-ini inkana ña̱ ku̱ʼu̱nna contra Ndióxi̱ ta ka̱ʼa̱nna ña̱ vatá* xa̱ʼa̱ Jehová,

tasaá va̱ása kuxu na̱ xíʼi̱ so̱ko̱

ta na̱ kúni̱ koʼo ti̱kui̱í va̱ása koʼona ti̱kui̱í.

 7 Va̱ása va̱ʼa íyo ña̱ kéʼé ta̱a ta̱ sándaʼvi;

chíkaa̱ra-ini inkana ña̱ keʼéna ña̱ kaʼan nu̱ú

ta káʼa̱nra ña̱ vatá ña̱ va̱ʼa saxóʼvi̱ra* na̱ nda̱ʼví,

ni ña̱ ndixava kúú ña̱ káʼa̱nna.

 8 Soo na̱ va̱ʼa-ini, kúni̱na va̱ʼa koo inina xíʼin inkana

ta chíkaa̱na ndee̱ ña̱ va̱ʼa koo inina xíʼin inkana.

10 Tá ná ya̱ʼa iin ku̱i̱ya̱, ndóʼó ná va̱ása ndíʼi̱-ini, yi̱ʼvíndó,

saáchi tá ná ndiʼi tiempo ña̱ ndakayana uva, kǒorí ndakayandó.

Tavándó ti̱ko̱to̱ ña̱ ndíxindó

ta katúnndó ti̱ko̱to̱ ndayí* tokóndó.

12 Kanindó kándíkandó xa̱ʼa̱ ña̱ kúsuchí-inindó

xa̱ʼa̱ ñuʼúndó nu̱ú ni̱xi̱yo ku̱i̱ʼi ta saátu xa̱ʼa̱ tú uvandó tú va̱ʼaní xi̱taxi ku̱i̱ʼi.

13 Saáchi ndakutú tú iñú nu̱ú ñuʼú na̱ ñui̱;

ndakutúña veʼe nu̱ú kúsi̱í-inina,

saá kundoʼo ñuu ña̱ ni̱nuní kúni.

14 Saáchi veʼe súkun ña̱ kútu̱ní ndási, kindo̱o miíña;

kindo̱o mií ñuu nu̱ú xuxanní yuʼúna.

Xi̱kí ña̱ Ofel xíʼin veʼe súkun nu̱ú ndáana, kindo̱o miíña ndiʼi tiempo,

ta va̱ʼakaví kuni burro yukú kundoorí yóʼo,

ta koo ku̱ʼu̱ ña̱ kixáʼan* ndikachi,*

15 nda̱a̱ ná taxi Ndióxi̱ espíritu ndaʼa̱yó, ña̱ va̱xi chí ndiví

ta ñuʼú yi̱chí nduuña nu̱ú chíʼina

ta nu̱ú chíʼina nduuña iin yuku̱.

16 Tasaá nina ña̱ nda̱kú keʼé na̱ yiví nu̱ú ñuʼú yi̱chí

ta nina ña̱ nda̱kú keʼéna nu̱ú chíʼina.

17 Ta xa̱ʼa̱ ña̱ keʼéna ña̱ nda̱kú, va̱ʼaní kundoona,

va̱ása kundi̱ʼi-inina ta va̱ʼaní kundoona ndiʼi tiempo xa̱ʼa̱ ña̱ nda̱kúní koo ña̱ keʼéna.

18 Na̱ ñui̱ kundoona nu̱ú kǒo ku̱a̱chi koo,

va̱ása kundi̱ʼi-inina kundoona veʼena ta táxi̱nní koo nu̱ú ndakindee̱na.

19 Soo ñíí,* sandíʼi-xa̱ʼa̱ña yuku̱,

ta ndiʼi-xa̱ʼa̱ ndiʼi ñuu.

20 Kusi̱í-ini ndiʼi ndóʼó na̱ chíʼi nu̱ú ñúʼu ti̱kui̱í,

kusi̱í-inindó tá sáñándó si̱ndi̱ki̱ xíʼin burro sa̱na̱ndó”.

33 Ndáʼviní yóʼó ta̱ sándiʼi-xa̱ʼa̱, ta̱ kúma̱níka ndiʼi-xa̱ʼa̱,

yóʼó ta̱ sándaʼvi, ta̱ kúma̱níka sandáʼvina.

Ndiʼi xi̱ta̱a̱n* chindeétáʼún xíʼinndi̱,

sakǎku ndi̱ʼi̱ tá ná kixi tu̱ndóʼo nu̱úndi̱.

 4 Iin ndakutú na̱ yiví ndakiʼinna ña̱ʼa ña̱ kúúmiíún

nda̱a̱ táki̱ʼva kéʼé tí ti̱ka náʼnu tá xáxirí ña̱ʼa.

 5 Ndukáʼnu Jehová,

saáchi chí nu̱ú súkun íyora.

 6 Ta̱yóʼo kúú ta̱ va̱ʼaní chíndeétáʼan xíʼún

ta ña̱ ndáyáʼvi va̱ʼaka kúú ña̱yóʼo: ña̱ sakǎkura yóʼó, ña̱ taxira ña̱ ndíchi ndaʼún,

ña̱ taxira kunda̱a̱-iniún ta saátu ña̱ ixato̱ʼún Jehová.

 7 Koto. Na̱ ta̱a na̱ ndakúní-ini, ndáʼyi̱na chí calle;

na̱ ku̱a̱ʼa̱n xíʼin tu̱ʼun va̱ʼa, ndeéní kúsuchí-inina ta xákuna.

 8 Kǒo na̱ xíka nu̱ú yichi̱;

ta ni kǒo na̱ ku̱a̱ʼa̱n yichi̱ kúi̱i̱n.

Ta̱yóʼo* kǒo níxindiku̱nra trato ña̱ ki̱ndoora keʼéra;

ku̱ndasíra xi̱nira ñuu;

va̱ása ndíʼi̱-inira xa̱ʼa̱ nda̱a̱ ni iin na̱ yiví.

Yoso̱ ña̱ Sarón ndu̱uña nda̱a̱ táki̱ʼva íyo ñuʼú yi̱chí,

yu̱ku̱ ña̱ íyo chí Basán ta saátu chí Carmelo kóyoña.

10 “Vitin ndakundichii̱, káchi Jehová,

vitin ndukáʼnui̱;

vitin ndasakáʼnui̱ miíi̱.

14 Na̱ kíʼvi ku̱a̱chi chí yuku̱ Sion, yíʼvinína;

na̱ ku̱a̱ʼa̱n contra Ndióxi̱, kísina xa̱ʼa̱ ña̱ yíʼvinína:

15 Na̱ kéʼé ña̱ va̱ʼa ndiʼi tiempo,

na̱ kǒo káʼa̱n ña̱ vatá,*

na̱ kǒo sándaʼvi,

na̱ kǒo kíʼin xu̱ʼún ña̱ chindeétáʼanna xíʼin inkana,

na̱ kǒo xíín kuniso̱ʼo na̱ káʼa̱n kaʼní inkana

ta kǒo xíínna kotona ña̱ va̱ása va̱ʼa,

16 na̱yóʼo kúú na̱ koo nu̱ú súkun;

ta ti̱xin yu̱u̱ káʼnu koo sávina.

Koo ña̱ kuxuna

ta nda̱a̱ ni iin ki̱vi̱ va̱ása kuma̱ní ti̱kui̱í nu̱úna”.

17 Kunindó iin rey ta̱ va̱ʼaní náʼa̱;

kunindó iin ñuʼú ña̱ ndíkaa̱ xíká.

19 Va̱ása kunikandó na̱ ñuu na̱ kǒo íxato̱ʼó,

iin ñuu ña̱ káʼa̱n iin tu̱ʼun ña̱ yo̱ʼvi̱ní* kunda̱a̱-inindó xíʼin,

na̱ va̱ása kúnda̱a̱-inindó xíʼin chi kǒo kívi ka̱ʼa̱n va̱ʼana.

Nda̱a̱ táki̱ʼva íyo iin lugar ña̱ táxi̱nní íyo saá koo ñuu Jerusalén nu̱úndó,

nda̱a̱ táki̱ʼva íyo iin veʼe loʼo ña̱ va̱ása sakánda̱na saá kooña.

Ta ka̱a ña̱ ndíta nu̱ú ñuʼú ña̱ tíin veʼe yóʼo va̱ása tuʼunnaña

ta ni va̱ása ta̱ʼnda̱ yoʼo̱ ña̱ núʼniña.

21 Ta Jehová Ndióxi̱ ta̱ káʼnuní

koora nda̱a̱ táki̱ʼva íyo iin ñuʼú nu̱ú íyoní yu̱ta, nu̱ú íyo yu̱ta tá ndíka̱ní,

nu̱ú va̱ása ya̱ʼa barco tú xíka nu̱ú ku̱a̱chi

ni nda̱a̱ ni iin barco tú náʼnuní.

22 Saáchi Jehová kúú ta̱ ndátiin ku̱a̱chi xíʼinyó,

Jehová kúú ta̱ táxi ley ndaʼa̱yó,

Jehová kúú ta̱ xáʼndachíñu nu̱úyó;

ta̱yóʼo kúú ta̱ sakǎku miíyó.

23 Yoʼo̱ ña̱ xíniñúʼu na̱ sáa̱-ini xíni ndóʼó tayaña;

ta ni va̱ása kuchiñuña tiinña yitu̱n tú níndichi ini tú barco,

ni va̱ása kuchiñuña tiinña ti̱ko̱to̱ ña̱ xíniñúʼu tú barco ña̱ va̱ʼa xíkanú.

Ki̱vi̱ saá ndataʼvína ku̱a̱ʼání ña̱ʼa ña̱ nda̱kiʼinna;

34 Ndiʼi ndóʼó na̱ ñuu kuyatinndó ña̱ va̱ʼa kuniso̱ʼondó,

viíní kuniso̱ʼo ndóʼó na̱ ñuu válí.

Ná kuniso̱ʼo ñuʼú yóʼo ta saátu ña̱ íyo nu̱úña,

ná kuniso̱ʼo ñuʼú xíʼin ndiʼika ña̱ kána nu̱úña.

 2 Saáchi Jehová sáa̱níra xíʼin ndiʼi ñuu

ta saátu sáa̱níra xíʼin ndiʼi na̱ soldadona.

Ta̱yóʼo sandíʼi-xa̱ʼa̱rana;

ta kaʼnírana.

 3 Va̱ása ndu̱xu̱n na̱ kuvi

ta kininí kuxaʼa̱nna;

ndaxi* yuku̱ xíʼin ni̱i̱na.

 4 Ndiʼi ña̱ʼa ña̱ íyo chí ndiví ta̱ʼyi̱ña,

ta ndativína* ndiví nda̱a̱ táki̱ʼva ndátivína iin tutu.

Ndiʼi ña̱ íyo chí ndiví yi̱chi̱ña,

nda̱a̱ táki̱ʼva yíchi̱ yu̱ku̱ ndaʼa̱ tú uva ta ndákavaña

ta saátu nda̱a̱ táki̱ʼva yíchi̱ tí higo ta ndákavarí.

Ndakavaña sa̱tá ñuu Edom ña̱ va̱ʼa ndatii̱n ku̱a̱chi xíʼinña,

sa̱tá ñuu ña̱ sa̱ndíʼi-xa̱ʼíi̱.

Kuchu xa̱ʼan* sa̱táña,

kuchu ni̱i̱ ndikachi* che̱e tí yúta̱* xíʼin ti̱xúʼú* sa̱táña,

ta saátu xa̱ʼan ña̱ íyo sa̱tá nduchu̱ ini ndikachi che̱e.

Saáchi xa̱a̱ íyo tu̱ʼva ña̱ so̱kó Jehová chí Bozrá,

kaʼníra ku̱a̱ʼání na̱ ndóo chí Edom.

 7 Tí si̱ndi̱ki̱ yukú nduvarí xíʼinna

tí si̱ndi̱ki̱ yúta̱ nduvarí xíʼin na̱ ndakú.

Ndaxi ñuʼúna xíʼin ni̱i̱

ta ndasaka̱ xa̱ʼan xíʼin yáká* ña̱ íyo ñuʼúna”.

 8 Saáchi xa̱a̱ nda̱kaxin Jehová iin ki̱vi̱ ña̱ ndatiinra ku̱a̱chi xíʼinna,

iin ku̱i̱ya̱ ña̱ taxira castigo ndaʼa̱ na̱ ke̱ʼé ña̱ va̱ása va̱ʼa xíʼin Sion.

 9 Yu̱tana* nduurá brea*

yáká ña̱ íyo nu̱ú ñuʼúna nduuña azufre,

ta ñuʼúna nduuña nda̱a̱ táki̱ʼva íyo brea ña̱ xíxi̱.

10 Va̱ása nda̱ʼva̱ña ni ñuú ni káʼñu;*

ta ndiʼi tiempo kana yi̱ʼma̱ nu̱úña.

Ni ná ya̱ʼa ku̱a̱ʼání tiempo, ndiʼi-xa̱ʼa̱ va̱ʼaña;

nda̱a̱ ni iin ki̱vi̱ va̱ása ya̱ʼana nu̱úña.

11 Tí pelícano xíʼin tí puercoespín ndakundoo nu̱úña,

tí kalakoko* loʼo xíʼin tí saa ndáá* kundoo nu̱úña.

Xíʼin yoʼo̱ ta saátu xíʼin iin plomo kiʼin Ndióxi̱ ki̱ʼva xíʼin ñuu yóʼo

ña̱ va̱ʼa na̱ʼa̱ra ña̱ kǒo nda̱a̱ ni iin ña̱ʼa koo nu̱úña ta va̱ása kundayáʼviña.

12 Nda̱a̱ ni iin ta̱a ta̱ ndáyáʼvi va̱ása ndasanara rey,

ta ndiʼi-xa̱ʼa̱ ndiʼi na̱ kúúmií chiñu ña̱ ndáyáʼvi.

13 Kuaʼnu tú iñú ini veʼena ña̱ súkunní ña̱ kútu̱ní ndási,

tú iñú xíʼin ku̱ʼu̱ ña̱ va̱ása va̱ʼa, kanaña ini veʼena ña̱ kútu̱ní ku̱vaʼa.

Ti̱na* yukú* ndakutú iniña,

tí avestruz kundoo nu̱úña.

14 Kití tí íyo nu̱ú ñuʼú yi̱chí ndakutáʼanrí xíʼin ti̱na tí íyo nu̱ú ñuʼú yi̱chí,

ta ti̱xúʼú yukú* ndakanatáʼanrí.

15 Kán keʼé ko̱o̱ tí kamaní chi̱ʼyo̱rí ta taánrí ndi̱vi̱rí,

kunúurí sa̱táña ta kundaaríña.

va̱ása kuma̱ní nda̱a̱ ni iin tíyóʼo;

koo tí kutáʼan xíʼin iin tá iin tíyóʼo,

saáchi mií Jehová kúú ta̱ xa̱ʼnda chiñu yóʼo

ta ndee̱ Ndióxi̱ kúú ña̱ sa̱ndátaka tíyóʼo.

17 Saáchi ta̱yóʼo kúú ta̱ nda̱kaxin ndáaña ndakiʼin tíyóʼo,

ta xíʼin ndaʼa̱ra tavára ki̱ʼva nu̱ú kundoorí.

Kuentarí kooña ndiʼi tiempo;

ni nda̱saaka tiempo ná ya̱ʼa, kán kundoorí.

35 Kusi̱íní-inina nu̱ú ñuʼú yi̱chí, kusi̱íní-inina nu̱ú yoso̱ yi̱chí,

kusi̱íní-ini yoso̱ yi̱chí ta xaaña nda̱a̱ táki̱ʼva xáa azafrán.

 2 Mií ña̱ ndixa ndaxaa ñuʼú yi̱chí;

kusi̱íní-iniña ta nda̱ʼyi̱ kóʼóña* xa̱ʼa̱ ña̱ kúsi̱íní-iniña.

Ka̱ʼa̱nna xa̱ʼa̱ña ña̱ liviníña nda̱a̱ táki̱ʼva livi Líbano,

nda̱a̱ táki̱ʼva livi yuku̱ Carmelo xíʼin yoso̱ Sarón.

 3 Ndasandakúndó ndaʼa̱na ña̱ ku̱vitá

ta ndasandakúndó koʼndona* ña̱ kísi.

Kotondó. Ndióxi̱ndó kixira ndatiinra ku̱a̱chi.

Ndióxi̱ kixira taxira castigo.

 5 Tiempo saá ndakoto na̱ kúáa*

ta kuniso̱ʼo na̱ kǒo kívi kuniso̱ʼo.

 6 Tiempo saá, na̱ va̱ása kívi kaka ndavana nda̱a̱ táki̱ʼva ndáva tí yusu

ta na̱ kǒo kívi ka̱ʼa̱n, nda̱ʼyi̱ kóʼóna xa̱ʼa̱ ña̱ kúsi̱íní-inina.

Saáchi kana ti̱kui̱í nu̱ú ñuʼú yi̱chí

ta koo yu̱ta nu̱ú yoso̱ yi̱chí.

 7 Nu̱ú ñuʼú ña̱ ni̱yi̱chi̱ xíʼin kaʼní, ndaku̱ʼun ti̱kui̱í ta koo tu̱yo̱ó,*

ta ñuʼú ña̱ ni̱yi̱chi̱, kana ti̱kui̱í nu̱úña.

Ta nu̱ú xi̱ndoo tí ti̱na* yukú*

kuaʼnu ku̱ʼu̱ kúii̱, tu̱yo̱ó xíʼin tú papiro.

 8 Ta kán koo iin yichi̱,

iin yichi̱ ña̱ kunaní Yichi̱ ña̱ yi̱i̱.

Ta na̱ xa̱a̱ xíka nu̱ú yichi̱ yóʼo kúú na̱ kivi kaka nu̱úña;

ta nda̱a̱ ni iin na̱ kíʼví va̱ása ki̱ʼvina nu̱úña.

 9 Va̱ása koo ndikaʼa* nu̱úña

ta ni va̱ása kuyatin kití yukú nu̱úña.

Va̱ása kuninarí kakarí kán;

nda̱saa na̱ nda̱satá* kuitína kúú na̱ kivi kaka nu̱úña.

¿Ndáana kúú na̱ ni̱nda̱ʼyi̱ún nu̱ú

ta ndáana kúta̱aní-iniún nu̱ú?

24 Chi̱ndaʼún na̱ ki̱xi ku̱sikindaa Jehová ta ka̱chiún:

‘Ku̱a̱ʼání kúú carreta tú xáʼa̱n nu̱ú ku̱a̱chi kúúmiíi̱

ta xíʼin túyóʼo ndai̱ nda̱a̱ nu̱ú xi̱kí ña̱ súkun,

ku̱ʼi̱n nda̱a̱ táʼví ña̱ xíká va̱ʼa kíndo̱o chí Líbano.

25 Kaii̱n pozo ta koʼi̱ ti̱kui̱í tá inka ñuu;

ta xíʼin xa̱ʼíi̱ sayíchi̱i̱ ndiʼi yu̱ta tá ku̱a̱ʼa̱n chí Egipto’.

27 Na̱ ndóo ñuu kán kǒoka ña̱ kivi keʼéna;

yi̱ʼvínína ta nda̱a̱ kukaʼan nu̱úna.

Kundoʼona nda̱a̱ táki̱ʼva ndóʼo ndiʼi ña̱ʼa ña̱ kána chí yuku̱ ta saátu ku̱ʼu̱ kúii̱,

nda̱a̱ táki̱ʼva ndóʼo ku̱ʼu̱ ña̱ kána xi̱ní veʼe, ña̱ yíchi̱ña xíʼin ta̱chí ña̱ va̱xi chí nu̱ú kíta ñu̱ʼu.*

28 Soo yi̱ʼi̱, kúnda̱a̱ va̱ʼa inii̱ ama kúú ña̱ ndákundúʼún,

ama kúú ña̱ kítaún ku̱a̱ʼún

ta saátu ama kúú ña̱ sáún xíʼi̱n,

29 saáchi xa̱a̱ xi̱niso̱ʼovai̱ ña̱ xuxanní yuʼún ta saátu xi̱niso̱ʼi̱ ndiʼi tu̱ʼun ña̱ ni̱ka̱ʼún

xa̱ʼa̱ ña̱ sáa̱níún xíʼi̱n.

Ña̱kán chikai̱ iin ka̱a si̱ti̱ún ta chikai̱ freno yuʼún,

“Va̱ása ki̱ʼvira ñuu yóʼo,

ta ni va̱ása kanira ni iin flecha ñuu yóʼo,

ta ni va̱ása kuniʼira escudo ki̱ʼvira ñuu yóʼo

ta ni va̱ása chindoora iin koʼndo ñuʼú sa̱tá nama̱ ñuu yóʼo ña̱ va̱ʼa ki̱ʼvira kanitáʼanra xíʼin na̱ ndóo yóʼo”’.

34 ‘Ndikóra chí ñuu nu̱ú ki̱xira;

va̱ása ki̱ʼvira ñuu yóʼo’, káchi Jehová.

35 ‘Ndakiʼii̱n tu̱ʼun na̱ ñuu yóʼo ta sakǎkui̱na xa̱ʼa̱ ki̱víi̱

ta saátu xa̱ʼa̱ ta̱ David ta̱ xi̱kachíñu nu̱úi̱’”.

10 Ka̱chii̱: “Ni ta̱ʼán kuchéevíi̱

soo xíniñúʼu ki̱ʼvii̱ Ya̱vi̱* nu̱ú ñúʼu na̱ ni̱xi̱ʼi̱.

Va̱ása kunikai̱ na̱ yiví na̱ táku

saáchi koi̱ xíʼin na̱ yiví na̱ xa̱a̱ ni̱xi̱ʼi̱.

12 Xa̱nina veʼe nu̱ú íyoi̱ ta ki̱ndaanaña ndaʼíi̱,

nda̱a̱ táki̱ʼva kéʼéna xíʼin veʼe loʼo ta̱ ndáa ndikachi.*

Nda̱a̱ táki̱ʼva ndátivína* iin tela ña̱ xa̱a̱ sa̱ndíʼina ni̱ku̱kuna,* saá keʼíi̱ xíʼin ña̱ tákui̱.

Nda̱a̱ táki̱ʼva xáʼndana iin tela ña̱ xa̱a̱ ni̱xi̱nu saá keʼéra xíʼi̱n.

Nda̱a̱ táki̱ʼva kéʼé tí ndikaʼa* saá kéʼéra chi xáʼnu̱ra ndiʼi lekei̱;

nda̱a̱ tá túvi iinsaá nda̱a̱ ku̱a̱ʼa̱n kúñuú, ku̱a̱ʼa̱n sándiʼi-xa̱ʼún yi̱ʼi̱.

14 Nda̱a̱ táki̱ʼva ndáʼviní ndáʼyi̱ saa válí tí naní vencejo á tí naní tordo, saá kéʼíi̱;

nda̱a̱ táki̱ʼva xáku tí paloma saá xákui̱.

‘Jehová ndíʼi̱ní-inii̱.

Chindeétáʼan xíʼi̱n’.

Vitá koo inii̱ ndiʼi ku̱i̱ya̱ ña̱ kutakui̱

saáchi ndeéní tu̱ndóʼo ña̱ ni̱ya̱ʼi̱ nu̱ú.

16 ‘Jehová, xa̱ʼa̱ ña̱ va̱ʼa-iniún kúú ña̱ táku na̱ yiví,

ta xa̱ʼa̱ ña̱yóʼo kúú ña̱ íyo ndeíi̱ ta tákui̱.

17 Nu̱úka ña̱ táxi̱n koi̱, ni̱ndi̱ʼiní-inii̱;

soo xa̱ʼa̱ ña̱ kúni̱ún xíniún yi̱ʼi̱,

nda̱taváún yi̱ʼi̱ ini ya̱vi̱ ña̱ sándiʼi-xa̱ʼa̱.

18 Saáchi Ya̱vi̱* nu̱ú ñúʼu na̱ ni̱xi̱ʼi̱ va̱ása kívi ndasakáʼnuña yóʼó,

ta ña̱ xáʼní va̱ása kívi ndasakáʼnuña yóʼó.

19 Na̱ táku kuití kúú na̱ kivi ndasakáʼnu yóʼó,

nda̱a̱ táki̱ʼva kéʼé yi̱ʼi̱ vitin.

20 Sakǎku yi̱ʼi̱ Jehová

ta xíʼin arpa sakáʼi̱ yai̱

ini veʼe miíún Jehová keʼíi̱ ña̱yóʼo ndiʼi ki̱vi̱ ña̱ ná kutakui̱’”.

 2 “Ka̱ʼa̱nndó tu̱ʼun ña̱ sandíko-ini na̱ ñuu Jerusalén,

ka̱ʼa̱nndó xíʼinna ña̱ va̱ása keʼékana chiñu ña̱ xíniñúʼu keʼéna,

chi xa̱a̱ cha̱ʼvina xa̱ʼa̱ ku̱a̱china.

 4 Ná ndunda̱a̱ ndiʼi yoso̱

ta saátu ná ndunda̱a̱ ndiʼi yuku̱ xíʼin xi̱kí.

Xíniñúʼu ndunda̱a̱ ñuʼú nu̱ú íyoní xi̱kí

ta ñuʼú nu̱ú íyoní koʼndo, ná ndunda̱a̱ña.

 5 Ndiʼina kunina ndee̱ ña̱ kúúmií Jehová,

saáchi mií Jehová kúú ta̱ ni̱ka̱ʼa̱nña”.

 7 Ku̱ʼu̱ kúi̱ yíchi̱ña,

yita yíchi̱ña,

saáchi tívi Jehová ta̱chí yuʼúra* sa̱táña.

 8 Ku̱ʼu̱ kúi̱ yíchi̱ña,

yita yíchi̱ña,

soo tu̱ʼun Ndióxi̱yó kooña ndiʼi tiempo”.

 9 Yóʼó ñá ñaʼá ñá va̱xi xíʼin tu̱ʼun va̱ʼa nu̱ú na̱ ñuu Sion,

kúandaa iin yuku̱ súkun.

Yóʼó ñá ñaʼá ñá va̱xi xíʼin tu̱ʼun va̱ʼa nu̱ú na̱ ñuu Jerusalén;

ndeé va̱ʼa ka̱ʼún.

10 Koto. Táta káʼnu Jehová va̱xira xíʼin ndee̱ra,

ta xíʼin ndaʼa̱ra kaʼndachíñura.

Koto. Níʼira ña̱ va̱ʼa ña̱ taxira ndaʼa̱ndó,

ta saátu níʼira ña̱ chaʼvira ndóʼó.

Xíʼin ndaʼa̱ra ndakayara ndikachi válí,

ta kunumindaararí ku̱ʼu̱nrí xíʼinra.

12 ¿Á kivi kuñuʼu ndiʼi ti̱kui̱í tá íyo ini mar ini ndaʼa̱ na̱ yiví

ta á íyo na̱ kivi tavá ki̱ʼva ndiví xíʼin ndaʼa̱na?*

¿Ndáana xa̱a̱ kúchiñu ndákaya ndiʼi yáká* ña̱ íyo nu̱ú ñuʼú ini iin ta̱ʼya̱* loʼo?

¿Ndáana xa̱a̱ ka̱ta ndiʼi yuku̱ xíʼin ndiʼi xi̱kí nu̱ú ña̱ʼa ña̱ xíniñúʼuna tá kátana?

13 ¿Á íyo na̱ kivi kunda̱a̱-ini xíʼin espíritu ña̱ kúúmií Jehová,

á ndáana kivi taxi consejo ndaʼa̱ra ta sanáʼa̱nara?

14 ¿Ndáana ni̱nda̱ka̱tu̱ʼunra ña̱ va̱ʼa kunda̱a̱-inira xa̱ʼa̱ iin ña̱ʼa,

ta ndáana sánáʼa̱-ñaʼá ndáaña kúú yichi̱ ña̱ nda̱kú?

¿Á ndáana sánáʼa̱-ñaʼá ta táxina yichi̱ nu̱úra ña̱ kunda̱a̱-inira xa̱ʼa̱ ña̱ʼa?

15 Na̱ ñuu íyona nda̱a̱ táki̱ʼva íyo iin gota ti̱kui̱í tá ndíkaa̱ kaʼa̱ iin cubeta;

táki̱ʼva íyo yáká ña̱ ka̱a nu̱ú ña̱ʼa ña̱ xíniñúʼuna kátana ña̱ʼa saá íyona nu̱úra.

16 Yitu̱n tú íyo chí Líbano, va̱ása naninú ña̱ koko* iin ñuʼu̱,

ta kití yukú tí íyo yóʼo, va̱ása nanirí ña̱ so̱kónarí nu̱ú* Ndióxi̱ ta kaʼminarí.*

17 Nda̱a̱ táki̱ʼva íyo ña̱ʼa ña̱ kǒo íyo, saá íyo ndiʼi na̱ ñuu nu̱úra;

nu̱ú ta̱kán kǒovína íyo ta ni va̱ása ndáyáʼvina.

19 Iin ta̱ xíni̱ní kachíñu kéʼéra iin ndióxi̱ ña̱ ka̱a,

ta ta̱ kéʼé ña̱ʼa ña̱ ka̱a chíkaa̱ra oro sa̱táña

ta saátu kéʼéra cadena ña̱ plata.

20 Ndáka̱xinra iin yitu̱n tú so̱kóra,

iin yitu̱n tú va̱ása táʼyi̱.

Ta nándukúra iin ta̱ xíni̱ní kachíñu

ña̱ va̱ʼa keʼéra iin ña̱ʼa ña̱ ndásakáʼnuna ta va̱ása ndakavaña.

22 Íyo iin ta̱ nínduʼu chí sa̱tá ñuʼú yóʼo ta ña̱ ti̱ku̱i̱ta̱* kúúña,

ta na̱ ndóo nu̱úña náʼa̱na nda̱a̱ táki̱ʼva náʼa̱ ti̱ka.

Ta sándakaa̱ra ndiví nda̱a̱ táki̱ʼva kéʼéra xíʼin iin tela ña̱ yásínní,

sándakaa̱raña nda̱a̱ táki̱ʼva íyo iin veʼe loʼo nu̱ú kundoona.

23 Sándiʼi-xa̱ʼa̱ra na̱ chíñu náʼnu

ta na̱ xáʼndachíñu nu̱ú ñuʼú yóʼo va̱ása ndáyáʼvina nu̱úra.

24 Tá ndátaánnana nda̱a̱ táki̱ʼva ndátaánna planta,

tá chíʼinana nda̱a̱ táki̱ʼva chíʼina planta,

tá kíxáʼa kána ti̱oʼona* nu̱ú ñuʼú,

tá ná kani ta̱chí, yi̱chi̱vana

ta ku̱ʼu̱nna xíʼin ta̱chí nda̱a̱ táki̱ʼva kéʼéña xíʼin yita yi̱chí.

Ta̱ tává ndiʼi ña̱yóʼo kúúra, ta káʼvira iin tá iinña;

ta íyo ki̱vi̱ iin tá iinña nu̱úra.

Va̱ása kúma̱ní nda̱a̱ ni iin ña̱yóʼo,

saáchi ku̱a̱ʼání ndee̱ kúúmiíra ta ndákanda̱ní-iniyó* xíʼinña.

27 ¿Nda̱chun káʼún ña̱yóʼo Jacob ta nda̱chun káʼún ña̱yóʼo Israel?

‘Va̱ása xíto Jehová ña̱ ndóʼi̱,

ta va̱ása ndátiinra ku̱a̱chi xa̱ʼíi̱’.

29 Ndásandakúra na̱ ku̱naa

ta táxira ndee̱ ndaʼa̱ na̱ ku̱vitá.

30 Nda̱a̱ na̱ va̱lí kúnaana ta kúvitána,

káchiʼina* ta ndákavana,

31 soo na̱ ndáa-ini Jehová, ndakiʼinna ndee̱.

Kununa ta va̱ása kunaana;

kakana ta va̱ása kunaana”.

41 “Ndóʼó na̱ ndóo chí isla, va̱ása ka̱ʼa̱nndó ta kuniso̱ʼondó ña̱ ka̱ʼi̱n;

ndiʼi ndóʼó na̱ ñuu ndakiʼin tukundó ndee̱ndó.

 2 ¿Ndáana ka̱na iin ta̱a ta ki̱tara va̱xira nda̱a̱ nu̱ú kíta ñu̱ʼu,*

ta ki̱xaa̱ra nda̱a̱ nu̱ú íyoi̱* ña̱ va̱ʼa keʼéra ña̱ nda̱kú,

ta ndataxii̱ na̱ ñuu ndaʼa̱ra ta kaʼndachíñura nu̱ú na̱ rey?

¿Ndáana sándiʼi-xa̱ʼa̱ na̱yóʼo xíʼin espada ta ndúuna nda̱a̱ táki̱ʼva íyo yáká,*

 3 Ta̱yóʼo ndíku̱nra sa̱tána ta kǒo ña̱ sási nu̱úra

ta ku̱a̱ʼa̱nra yichi̱ nu̱ú ta̱ʼán ku̱ʼu̱nra.

 4 ¿Ndáana ke̱ʼé ña̱yóʼo ta nani tá xa̱ʼa̱ ki̱xáʼana kánana ndiʼi na̱ ñuu?

Yi̱ʼi̱ Jehová, yi̱ʼi̱ kúú ta̱ nu̱ú;

 6 Iin tá iinna chíndeétáʼanna xíʼin na̱ kítáʼan xíʼinna

ta káʼa̱nna xíʼin ñanitáʼanna: “Ndakú koún”.

 7 Ta̱ xíni̱ kachíñu chíkaa̱ra ndee̱ xíʼin ta̱ kéʼé ña̱ʼa xíʼin ka̱a,

ta ta̱ sándakaa̱ ka̱a, chíkaa̱ra ndee̱ xíʼin ta̱ íxava̱ʼa ña̱ʼa ña̱ ka̱a xíʼin martillo,

káʼa̱nra ña̱yóʼo xa̱ʼa̱ ka̱a ña̱ chi̱tiinna: “Va̱ʼava ki̱ndooña”.

 8 “Soo yóʼó Israel, ta̱ káchíñu nu̱úi̱ kúún,

yóʼó ta̱ Jacob kúú ta̱ nda̱kaxii̱n,

yóʼó kúú ta̱ ke̱e ti̱xin veʼe migoi̱ ta̱ Abrahán,

 9 yóʼó kúú ta̱ ni̱xa̱ʼi̱n xa̱ʼa̱ nda̱a̱ nu̱ú xíká,

yóʼó kúú ta̱ ka̱nai̱ nda̱a̱ nu̱ú káni̱ní.

Ni̱ka̱ʼi̱n xíʼún: ‘Yóʼó kúú ta̱ káchíñu nu̱úi̱;

yóʼó kúú ta̱ nda̱kaxii̱n ta va̱ása kúndasíi̱ yóʼó.

Yi̱ʼi̱ taxi ndee̱ ndaʼún. Yi̱ʼi̱ chindeétáʼan xíʼún.

Xíʼin ndaʼa̱ kúaʼi̱ ña̱ kéʼíi̱ ña̱ nda̱kú tii̱n yóʼó’.

12 Nandukún na̱ kánitáʼan xíʼún soo va̱ása ndani̱ʼúnna.

Na̱ ta̱a na̱ kánitáʼan xíʼún, va̱ása kundayáʼvina,

13 Saáchi yi̱ʼi̱ Jehová Ndióxi̱ún, tíi̱n ndaʼa̱ kúaʼún;

yi̱ʼi̱ kúú ta̱ káʼa̱n ña̱yóʼo xíʼún: ‘Va̱ása yi̱ʼvíún. Yi̱ʼi̱ kúú ta̱ chindeétáʼan xíʼún’.

14 Va̱ása yi̱ʼvíún Jacob, ta̱ íyo táki̱ʼva íyo iin ti̱kuxí* loʼo,

yi̱ʼi̱ chindeétáʼan xíʼin ndóʼó na̱ ñuu Israel”, káchi Jehová, ta̱ nda̱satá ndóʼó, Ndióxi̱ na̱ ñuu Israel, Ndióxi̱ ta̱ yi̱i̱.

15 “Nda̱a̱ táki̱ʼva íyo iin yitu̱n tú sákuachina trigo, saá nda̱sai̱ yóʼó,

nda̱sai̱ yóʼó iin yitu̱n xa̱á, tú sákuachina trigo tú xi̱ín* yuʼú.

Ku̱a̱ñi̱ún* yuku̱ ta sakúachi válíúnña,

ya̱a̱ ndasaún xi̱kí.

16 Ndaniʼúnna ta ku̱ʼu̱nna xíʼin ta̱chí;

xa̱a̱ síín síín ku̱ʼu̱nna xíʼin ta̱chí ña̱ ndeéní káni.

Yóʼó kusi̱í-iniún xa̱ʼa̱ Jehová,

18 Taxii̱ ná kana yu̱ta xi̱kí nu̱ú kǒo yitu̱n íyo,

ta kana ti̱kui̱í nu̱ú yoso̱.

Ndasai̱ nu̱ú ñuʼú yi̱chí iin nu̱ú kuñuʼu ti̱kui̱í, nu̱ú kooní tu̱yo̱ó,*

ta nu̱ú ñuʼú yi̱chí kana ku̱a̱ʼání ti̱kui̱í.

19 Nu̱ú ñuʼú yi̱chí ndachiʼii̱ tú cedro, tú acacia, tú mirto xíʼin tu̱xá.

Nu̱ú yoso̱ yi̱chí ndachiʼii̱ tú enebro, tú fresno ta saátu tú ciprés,

20 ña̱ va̱ʼa ná kuni ndiʼi na̱ yiví ña̱yóʼo ta ná kunda̱a̱-inina,

ná kuniso̱ʼona ta ná kuxini̱na ña̱ mií Jehová kúú ta̱ ke̱ʼé ña̱yóʼo xíʼin ndaʼa̱ra

ta Ndióxi̱ na̱ ñuu Israel, Ndióxi̱ ta̱ yi̱i̱ kúú ta̱ i̱xava̱ʼaña”.

Ka̱ʼa̱nndó xíʼinndi̱ xa̱ʼa̱ ña̱ʼa ña̱ ku̱u xi̱naʼá,

ña̱ va̱ʼa ná ndakanixi̱níndi̱ xa̱ʼa̱ña ta kunda̱a̱-inindi̱ ndáaña kuu.

23 Ka̱ʼa̱nndó xíʼinndi̱ xa̱ʼa̱ ña̱ kuu chí nu̱únínu,

ña̱ va̱ʼa kunda̱a̱-inindi̱ ña̱ kúúndó ndióxi̱.

Keʼéndó iin ña̱ʼa ni kúúña ña̱ va̱ʼa á ña̱ va̱ása va̱ʼa,

ña̱ va̱ʼa ná ndakanda̱-inindi̱* tá ná kunindi̱ña.

24 Kotondó. Ndóʼó íyondó nda̱a̱ táki̱ʼva íyo iin ña̱ʼa ña̱ kǒo íyo

ta ni va̱ása ndáyáʼvi ña̱ xa̱a̱ kéʼéndó.

25 Taxii̱ ná ndeta* iin ta̱a nda̱a̱ chí norte ta kixira,

iin ta̱ ndeta nda̱a̱ chí nu̱ú kíta ñu̱ʼu ta ka̱ʼa̱nra ki̱víi̱.

Ta̱yóʼo ku̱a̱ñi̱ra na̱ chíñu nda̱a̱ táki̱ʼva xáñi̱na nda̱ʼyi̱,

nda̱a̱ táki̱ʼva kéʼé ta̱ íxava̱ʼa ña̱ʼa xíʼin nda̱ʼyi̱ tá xáñi̱ra nda̱ʼyi̱.

26 ¿Ndáana ni̱ka̱ʼa̱n xa̱ʼa̱ ña̱yóʼo nda̱a̱ tá xa̱ʼa̱ ña̱ va̱ʼa kunda̱a̱-iniyó xa̱ʼa̱ña?

¿Á ndáana ni̱ka̱ʼa̱n xa̱ʼa̱ña nda̱a̱ tá tiempo xi̱naʼá ña̱ va̱ʼa kachiyó ‘Ña̱ ndixava kúú ña̱ káʼa̱nna’?

28 Xi̱tokai̱ ta kǒo nda̱a̱ ni iinna,

kǒo nda̱a̱ ni iin na̱ kivi taxi consejo níxi̱yo xíʼinna.

Ta̱xii̱ espíritui̱ ndaʼa̱ra,

ta ta̱yóʼo nda̱kúní ndatiinra ku̱a̱chi xíʼin na̱ ñuu.

 2 Va̱ása nda̱ʼyi̱ kóʼóra* ta ni va̱ása ndaniʼira tu̱ʼunra,

va̱ása taxira kuniso̱ʼona tu̱ʼunra chí yichi̱.

 3 Va̱ása ka̱ʼnu̱ra tu̱yo̱ó* tú xa̱a̱ ni̱ta̱ʼnu̱

ta ni va̱ása ndaʼvara ñuʼu̱ ña̱ sa̱kán xíxi̱.

 4 Va̱ása kunaara ta ni va̱ása ndakava-inira nda̱a̱ ná ndasaviíra ña̱ʼa ña̱ va̱ása va̱ʼa íyo nu̱ú ñuʼu̱ yóʼo.

Na̱ ndóo nu̱ú isla ndátuna ndakiʼinna leyra.

 5 Ña̱yóʼo kúú ña̱ káʼa̱n Jehová, Ndióxi̱ ta̱ nda̱a̱,

ta̱ i̱xava̱ʼa ndiví, ta̱ sa̱ndákaa̱ña,

ta̱ i̱xava̱ʼa ñuʼú ta táxira ña̱ kána ña̱ʼa nu̱úña,

ta̱ táxi ta̱chí ña̱ ndákiʼin ndiʼi na̱ íyo nu̱úña

ta táxira espíritura ndaʼa̱ na̱ xíka nu̱úña:

 6 “Yi̱ʼi̱ Jehová, ka̱nai̱ yóʼó ña̱ va̱ʼa keʼíi̱ ña̱ nda̱kú; ti̱ii̱n ndaʼún.

Kundai̱ yóʼó ta koún nda̱a̱ táki̱ʼva íyo iin trato ña̱ kíndo̱i̱ xíʼin ndiʼi na̱ ñuu

ta koún nda̱a̱ táki̱ʼva íyo ñuʼu̱ ña̱ túu̱n nu̱ú na̱ ñuu,

 7 ña̱ va̱ʼa ndakunáún nu̱ú na̱ kúáa,*

ña̱ va̱ʼa ndataváún na̱ ñúʼu veʼeka̱a,

ña̱ va̱ʼa ndataváún na̱ ñúʼu nu̱ú naa.

 8 Yi̱ʼi̱ kúú Jehová. Ña̱yóʼo kúú ki̱víi̱;

va̱ása taxii̱ ña̱ ixato̱ʼóna inkana nu̱úi̱

ta ni va̱ása taxii̱ ña̱ ndasakáʼnuna inkaka ña̱ʼa ña̱ i̱xava̱ʼana,

 9 Kotondó. Xa̱a̱ ku̱uva ña̱ nu̱ú ña̱ xíniñúʼu kuu;

ta vitin káʼi̱n xa̱ʼa̱ ña̱ʼa ña̱ xa̱á xíʼinndó.

10 Katandó iin yaa xa̱á nu̱ú Jehová,

nda̱a̱ xíká keendó katandó,

ndóʼó na̱ xíka nu̱ú tá mar xíʼin ndiʼi ña̱ íyo inirá,

ná kata ndiʼi isla xíʼin ndiʼi na̱ ndóo nu̱úña.

11 Ñuʼú yi̱chí xíʼin ndiʼi ñuu ña̱ íyo nu̱úña ná ndaniʼina tu̱ʼunna,

ta saátu ñuu válí nu̱ú ndóo na̱ Quedar.

Ná nda̱ʼyi̱ kóʼó na̱ ndóo nu̱ú íyo yu̱u̱ náʼnu xa̱ʼa̱ ña̱ kúsi̱í-inina;

nda̱a̱ xi̱ní yuku̱ ná nda̱ʼyi̱na.

12 Ná ixato̱ʼóna Jehová

ta nda̱a̱ na̱ ndóo nu̱ú isla ná ndasakáʼnunara.

Nda̱ʼyi̱ kóʼóra, nda̱ʼyi̱ra nda̱a̱ táki̱ʼva kéʼé iin ta̱ xíka nu̱ú ku̱a̱chi;

na̱ʼa̱ra ña̱ ndakúníkara nu̱ú na̱ sáa̱-ini xíni miíra.

Tanai̱ ta ndakiʼin ni̱nui̱ ta̱chíi̱,

nda̱a̱ táki̱ʼva kéʼé iin ñaʼá ñá káku se̱ʼe.

15 Sandíʼi-xa̱ʼíi̱ yuku̱ xíʼin xi̱kí

sayíchi̱i̱ ndiʼi ña̱ kána nu̱ú ñuʼú.

Yu̱ta, ndasai̱rá isla*

sayíchi̱i̱ nu̱ú ndáku̱ʼun ti̱kui̱í nu̱ú íyoní tu̱yo̱ó.

16 Ku̱ʼi̱n xíʼin na̱ kúáa iin yichi̱ ña̱ va̱ása xíni̱na

ta taxii̱ ná kakana nu̱ú iin yichi̱ ña̱ va̱ása xíni̱na.

Ndasai̱ ña̱ naa, ñuʼu̱ ña̱ túu̱n

ta ndasanda̱i̱ ñuʼú nu̱ú íyoní koʼndo.

17 Ta na̱ ndáaní-ini ña̱ʼa ña̱ ndásakáʼnuna

taxínnana ta sakúkaʼanna nu̱úna,

saá kundoʼo na̱ káʼa̱n ña̱yóʼo xíʼin ndióxi̱ ña̱ ku̱vaʼa xíʼin ka̱a “Ndóʼó kúú ndióxi̱ndi̱”.

18 Kuniso̱ʼo ndóʼó na̱ sóʼó;

ta koto ndóʼó na̱ kúáa.

19 ¿Á íyo na̱ kúáaka, nu̱ú ta̱ káchíñu nu̱úi̱,

á íyo na̱ sóʼóka, nu̱ú ta̱ chi̱ndaʼíi̱ ku̱xa̱a̱ xíʼin tu̱ʼun nu̱úndó?

¿Ndáana kúáaka, nu̱ú ta̱ ta̱xii̱ ña̱ va̱ʼa ndaʼa̱,

ndáana kúáaka, nu̱ú ta̱ káchíñu nu̱ú Jehová?

21 Xa̱ʼa̱ ña̱ nda̱kúní íyo ña̱ kéʼéra

Jehová ndasachéekara leyra ta xa̱a̱ña kundayáʼviníña.

22 Soo i̱xakuíʼnana ndiʼi ña̱ʼa na̱ ñuu yóʼo ta ki̱ndaanaña ndaʼa̱na;

ndiʼina ñúʼuna ini iin ya̱vi̱, ta ñúʼu-se̱ʼéna ini veʼeka̱a.

Ki̱ndaana ndiʼi ña̱ʼana ta kǒo na̱ chindeétáʼan xíʼinna,

nda̱kiʼinna na̱yóʼo ku̱a̱ʼa̱n xíʼinna, ta kǒo na̱ káʼa̱n “Ndataxindóna”.

24 ¿Ndáana ta̱xi ña̱ nda̱kiʼinna ta̱ Jacob ku̱a̱ʼa̱n xíʼinna

nda̱a̱ táki̱ʼva kéʼéna xíʼin ña̱ʼa tá ndákiʼinnaña ku̱a̱ʼa̱n xíʼinna?

¿Á su̱ví Jehová kúú ta̱ ke̱ʼé ña̱yóʼo, ta̱ ni̱ki̱ʼviyó ku̱a̱chi nu̱ú?

Na̱yóʼo va̱ása níxiinna kakana yichi̱ra ta va̱ása níxiinna kundiku̱nna leyra.

25 Ña̱kán ni̱sa̱a̱níra xíʼinna

ta ta̱xira ña̱ ná kanitáʼan inka ñuu xíʼinna,

43 Ta vitin, ña̱yóʼo kúú ña̱ káʼa̱n Jehová,

ta̱ i̱xava̱ʼa yóʼó Jacob, ta̱ i̱xava̱ʼa yóʼó Israel:

 2 Yi̱ʼi̱ koi̱ xíʼún tá ná ya̱ʼún ma̱ʼñú ti̱kui̱í,

ta tá ná ya̱ʼún ma̱ʼñú yu̱ta, va̱ása sa̱ʼviún inirá.

Tá ná ya̱ʼún nu̱ú ñuʼu̱ va̱ása ndi̱ún

ta va̱ása kokoún* tá ná ya̱ʼún nu̱úña.

 3 Saáchi yi̱ʼi̱ kúú Jehová Ndióxi̱ún,

Ndióxi̱ ta̱ yi̱i̱, Ndióxi̱ na̱ ñuu Israel, ta̱ sáka̱ku yóʼó.

Nda̱taxii̱ na̱ ñuu Egipto xa̱ʼa̱ndó ña̱ va̱ʼa ndasatái̱ ndóʼó,

ta nda̱taxii̱ na̱ ñuu Etiopía xíʼin na̱ ñuu Sebá xa̱ʼa̱ndó.

 4 Saáchi ndáyáʼviníún nu̱úi̱,

i̱xato̱ʼíi̱ yóʼó ta kúʼvi̱ní-inii̱ xínii̱ yóʼó.

Ña̱kán kúú ña̱ nda̱taxii̱ inka na̱ yiví xa̱ʼún,

ta nda̱taxii̱ inka ñuu xa̱ʼún ña̱ va̱ʼa kutakún.

Nda̱a̱ chí nu̱ú kíta ñu̱ʼu* ku̱ʼi̱n ndakiʼii̱n na̱ se̱ʼún

ta nda̱a̱ chí nu̱ú kíʼvi ñu̱ʼu ku̱ʼi̱n ndakiʼii̱n yóʼó.

ta nda̱a̱ nu̱ú xíká keún kixiún ta ndataxíún se̱ʼe-síʼíi̱,

 7 saátu ndiʼi na̱ xíniñúʼu ki̱víi̱

na̱ i̱xava̱ʼi̱ ña̱ va̱ʼa ndukáʼnui̱,

miíi̱ kúú ta̱ i̱xava̱ʼa na̱yóʼo’.

 8 Taxi ná kee na̱ ñuu na̱ íyo nduchúnu̱ú soo va̱ása xítona,

na̱ íyo so̱ʼo soo va̱ása xíniso̱ʼona.

 9 Iin lugar kuití ná ndakutáʼan ndiʼi ñuu ná’nu,

ná ndataka ndiʼi na̱ ñuu.

Ná kixi na̱ testigo xíʼinna ña̱ va̱ʼa na̱ʼa̱na ña̱ ndixa kúú ña̱ káʼa̱nna,

ná kuniso̱ʼona ña̱ ka̱ʼa̱nna ta ná kachina: ‘Ña̱ ndixa kúúvaña’”.

10 “Ndóʼó kúúndó testigoi̱, káchi Jehová,

ndóʼó kúú na̱ káchíñu nu̱úi̱, na̱ nda̱kaxii̱n,

ña̱ va̱ʼa kuxini̱ndó yi̱ʼi̱ ta kandíxandó yi̱ʼi̱

ta kunda̱a̱-inindó ña̱ ta̱ʼán nasa̱mavíi̱.

Tá ya̱chi̱ví íyoi̱ ta kǒo nda̱a̱ ni iin Ndióxi̱ níxi̱yo siʼna nu̱úi̱,

ta tándi̱ʼi, va̱ása níxi̱yo inkana nda̱a̱ táki̱ʼva íyo yi̱ʼi̱.

12 “Tá ta̱ʼán koo ndióxi̱ na̱ inka ñuu xíʼinndó,

yi̱ʼi̱ kúú ta̱ ni̱ka̱ʼa̱n xa̱ʼa̱ ña̱ keʼíi̱, sa̱kǎkui̱ ndóʼó

13 Saátu va̱ása nása̱mai̱;

ta kǒo na̱ kivi kindaa nda̱a̱ ni iin ña̱ʼa ndaʼíi̱.

“Xa̱ʼa̱ ndóʼó kúú ña̱ chindaʼíi̱ iin na̱ yiví ku̱ʼu̱nna chí Babilonia ta sandúvai̱ ndiʼi yéʼé,

ta nda̱ʼyi̱ kóʼó* na̱ caldeo ini barcona xa̱ʼa̱ ña̱ ndíʼi̱ní-inina.

16 Ña̱yóʼo kúú ña̱ káʼa̱n Jehová,

ta̱ ndákuná iin yichi̱ ma̱ʼñú tá mar

ta̱ ndákuná iin yichi̱ ma̱ʼñú ti̱kui̱í tá ndeéní kánda̱,

17 ta̱ tává carreta tú xíka nu̱ú ku̱a̱chi xíʼin tí kuáyi̱,

ta̱ tává na̱ soldado ta saátu ndiʼika na̱ xíni̱ní kanitáʼan na̱ xíka nu̱ú ku̱a̱chi, na̱ ndakúní:

18 “Va̱ása ndakaʼánndó xa̱ʼa̱ ña̱ʼa ña̱ ku̱u tá ya̱chi̱

ta va̱ása ndakaniníxi̱níndó xa̱ʼa̱ ña̱ ku̱u xi̱naʼá.

19 Kotondó. Keʼíi̱ iin ña̱ʼa ña̱ xa̱á,

ta xa̱a̱ ki̱xáʼíi̱ kéʼíi̱ña.

Kunái̱ iin yichi̱ ña̱ ya̱ʼa ma̱ʼñú ñuʼú yi̱chí

ta taxii̱ ná ya̱ʼa yu̱ta nu̱ú ñuʼú yi̱chí.

20 Ndiʼi kití yukú tí íyo chí yuku̱, ixato̱ʼórí yi̱ʼi̱,

saátu ti̱na* yukú* xíʼin tí avestruz,

saáchi yi̱ʼi̱ kúú ta̱ táxi ña̱ koo ti̱kui̱í nu̱ú ñuʼú yi̱chí,

táxii̱ ña̱ ná koo yu̱ta nu̱ú ñuʼú yi̱chí,

ña̱ va̱ʼa koʼo na̱ ñui̱rá, na̱ nda̱kaxii̱n,

21 ñuu ña̱ ke̱ʼíi̱ xa̱ʼa̱ miíi̱

ña̱ va̱ʼa ndasakáʼnuna yi̱ʼi̱.

22 Soo yóʼó Jacob, ta̱ʼán ka̱ʼún xíʼi̱n ña̱ chindeétáʼi̱n xíʼún

saáchi ku̱xúxaún nu̱úi̱ Israel.

23 Ta̱ʼán kixiún xíʼin ndikachi* ña̱ so̱kóúnrí* ta kaʼmiúnrí* nu̱úi̱

ta ni ta̱ʼán ndasakáʼnún yi̱ʼi̱ xíʼin ña̱ sóko̱ún nu̱úi̱.

Va̱ása ní ixandúxai̱ xíʼún ña̱ taxiún iin ña̱ʼa ndaʼíi̱

ta ni va̱ása tuku ta tuku níka̱ʼi̱n xíʼún ña̱ taxiún olíbano* ndaʼíi̱.

24 Va̱ása nísatáún ndo̱o̱ tú xáʼa̱n táminí xíʼin xu̱ʼún ta va̱ása nítaxiúnnú ndaʼíi̱,

ta ni va̱ása níxa̱a̱-inii̱ xíʼin ña̱ʼa ña̱ ni̱so̱kóún nu̱úi̱.

Chi nu̱úka ña̱ keʼún ña̱yóʼo, nda̱a̱ táki̱ʼva ni̱xi̱yo ña̱ʼa ña̱ ve̱ení ña̱ xi̱ndisoi̱ saá ni̱xi̱yo ku̱a̱chiún nu̱úi̱

ta xa̱a̱ ku̱naavai̱ xíʼin ña̱ʼa ña̱ va̱ása va̱ʼa kéʼún.

25 Yi̱ʼi̱ kúú ta̱ ndákata ña̱ va̱ása va̱ʼa kéʼún ña̱ va̱ása kuyaku̱a̱ ki̱víi̱,

ta va̱ása ndakaʼíi̱n xa̱ʼa̱ ku̱a̱chi ña̱ kíʼviún.

26 Ná ndasananiyó ku̱a̱chi. Sandákaʼán yi̱ʼi̱;

ka̱ʼa̱n xíʼi̱n ndáa ki̱ʼva ku̱uña nu̱ú miíún, ta na̱ʼa̱ nu̱úi̱ á ña̱ nda̱a̱ kúú ña̱ káʼún.

27 Táʼún ta̱ nu̱ú ta̱ ni̱xi̱yo xi̱naʼá, ni̱ki̱ʼvira ku̱a̱chi

ta na̱ xi̱niʼi yichi̱ nu̱ún,* i̱xaso̱ʼona nu̱úi̱.

28 Ña̱kán, na̱ kúúmií chiñu ña̱ ndáyáʼviní ti̱xin templo,

xa̱a̱na koona na̱ yaku̱a̱ nu̱úi̱.

Taxii̱ ná ndiʼi-xa̱ʼa̱ ta̱ Jacob

44 ”Vitin, kuniso̱ʼo yóʼó ta̱ Jacob, ta̱ káchíñu nu̱úi̱,

saátu ndóʼó na̱ ñuu Israel, na̱ nda̱kaxii̱n.

 2 Ña̱yóʼo kúú ña̱ káʼa̱n Jehová,

ta̱ i̱xava̱ʼa yóʼó,

ta̱ chíndeétáʼan xíʼún nani tá ka̱kún:

‘Va̱ása yi̱ʼvíún Jacob ta̱ káchíñu nu̱úi̱,

ni yóʼó Jesurún,* ta̱ nda̱kaxii̱n.

 3 Saáchi taxii̱ ná koo ti̱kui̱í nu̱ú ñuʼú yi̱chí,

taxii̱ ná koo yu̱ta nu̱ú ñuʼú yi̱chí.

Taxii̱ espíritui̱ ndaʼa̱ na̱ se̱ʼún na̱ kaku chí nu̱únínu

ta taxii̱ ña̱ va̱ʼa ndaʼa̱ na̱ se̱ʼún na̱ kaku chí nu̱únínu.

 4 Ku̱a̱ʼákaví koona nda̱a̱ táki̱ʼva ku̱a̱ʼá kúú ku̱ʼu̱ kúii̱,

nda̱a̱ táki̱ʼva íyo tú álamo yuʼú yu̱ta saá koona.

Inkana chinúuna ki̱vi̱na ña̱ kunanína Jacob,

ta inkana kaʼyina ña̱yóʼo ndaʼa̱na: “Kuenta Jehová kúi̱”.

 6 Ña̱yóʼo kúú ña̱ káʼa̱n Jehová

ta̱ xáʼndachíñu nu̱ú na̱ ñuu Israel ta̱ nda̱satá* ndóʼó,

Ná ka̱ʼa̱nna xa̱ʼa̱ ña̱ʼa ña̱ ku̱nu̱mí kuu

ta saátu ña̱ kuu chí nu̱únínuka,

nda̱a̱ táki̱ʼva ke̱ʼíi̱ nani tá chi̱ndúʼi̱ xa̱ʼa̱ ñuu ña̱ ni̱xi̱yo tiempo xi̱naʼá.

 8 Va̱ása yi̱ʼvíndó;

va̱ása taxindó ña̱ kasi ña̱ yíʼvindó nu̱úndó;

 9 Ndiʼi na̱ íxava̱ʼa ña̱ʼa ña̱ ndásakáʼnuna, ni loʼo va̱ása ndáyáʼvina,

ta ña̱ʼa ña̱ ndáyáʼviní nu̱úna va̱ása kundayáʼviña.

Va̱ása kívi kooña testigo chi va̱ása xítoña ta ni kǒo kúnda̱a̱-iniña;

ña̱kán kúú ña̱ kukaʼan nu̱ú na̱ íxava̱ʼaña.

10 ¿Ndáana ndákanixi̱ní ña̱ keʼéna iin ndióxi̱

á iin ña̱ʼa ña̱ ka̱a ña̱ ndasakáʼnuna ña̱ kǒo ndáyáʼvi?

Xíʼin martillo kánira sa̱táña ña̱ va̱ʼa ixava̱ʼaraña;

xíʼin ndee̱ ndaʼa̱ra íxava̱ʼaraña.

Tándi̱ʼi, kúni̱ra kuxura chi ndíʼi ndee̱ra;

va̱ása xíʼira ti̱kui̱í ta kúnaara.

Kéʼéra ña̱ náʼa̱ nda̱a̱ táki̱ʼva náʼa̱ iin ta̱a ta̱ liviní,

ña̱ va̱ʼa kanindichinaña ini iin veʼe.

Ndáka̱xinra iin tú yitu̱n, iin tú roble,

ndáaranú nda̱a̱ xáʼnunú ta ndúndakúnú nu̱ú inkaka yitu̱n tú íyo chí yuku̱.

Loʼonú xíniñúʼura ña̱ va̱ʼa ndasaa̱ra;

ndákaʼmira ñuʼu̱ ta távira si̱ta̱váʼa.

16 Xáʼmira inka táʼví titu̱n yóʼo;

ta xíʼin titu̱n yóʼo távira ku̱ñu xíxira nda̱a̱ xáa̱-inira.*

18 Na̱yóʼo va̱ása xíni̱na ta va̱ása kúnda̱a̱-inina xa̱ʼa̱ nda̱a̱ ni iin ña̱ʼa,

saáchi ña̱ ndási kúú nduchúnu̱úna ta va̱ása kívi kotona,

ta va̱ása ndákanixi̱nína, ña̱kán kǒo kúnda̱a̱-inina.

19 Nda̱a̱ ni iinna va̱ása ndákani-inina xa̱ʼa̱ ña̱yóʼo,

ni kǒo xíni̱na ta ni kǒo kúnda̱a̱-inina ña̱ va̱ʼa ka̱ʼa̱nna ña̱yóʼo:

“Iin táʼví titu̱n yóʼo xa̱ʼmii̱ nu̱ú ñuʼu̱,

nu̱ú titu̱n yóʼo ta̱vii̱ si̱ta̱váʼa xíʼin ku̱ñu ña̱ kuxui̱.

21 “Ndakaʼán xa̱ʼa̱ ña̱yóʼo Jacob saátu yóʼó Israel.

Saáchi ta̱ káchíñu nu̱úi̱ kúún.

22 Ndakatai̱ ku̱a̱chiún

ta ndakasii̱ nu̱ú ku̱a̱chiún xíʼin iin vi̱kó.

23 Ná nda̱ʼyi̱ kóʼó* ndiví xa̱ʼa̱ ña̱ kúsi̱í-iniña,

saáchi xa̱a̱ ke̱ʼé Jehová ña̱ ni̱ka̱ʼa̱nra keʼéra.

Ná nda̱ʼyi̱ kóʼó yuku̱ súkun xa̱ʼa̱ ña̱ kúsi̱í-iniña,

ta saátu ná nda̱ʼyi̱ kóʼó yuku̱ xíʼin ndiʼi yitu̱n.

Saáchi xa̱a̱ nda̱satá Jehová ta̱ Jacob

ta náʼa̱ra ña̱ káʼnu kúúmiíra xa̱ʼa̱ ña̱ sa̱kǎkura na̱ ñuu Israel”.

24 Ña̱yóʼo kúú ña̱ káʼa̱n Jehová ta̱ nda̱satá yóʼó,

ta̱ i̱xava̱ʼa yóʼó tá ndíkaa̱kaún ti̱xin siʼún:

Iinlá miíi̱ kúú ta̱ sa̱ndákaa̱ ndiví,

ta i̱xava̱ʼi̱ ñuʼú.

25 Yi̱ʼi̱ va̱ása táxii̱ xi̱nu ña̱ káʼa̱n na̱ profeta vatá,

yi̱ʼi̱ kúú ta̱ táxi ná kukíʼví na̱ ndáku,*

ta̱ sáká xi̱ní na̱ ndíchi

ta ña̱ xíni̱ na̱yóʼo ndásai̱ña nda̱a̱ táki̱ʼva íyo ña̱ xíni̱ na̱ kíʼví;

26 yi̱ʼi̱ kúú ta̱ táxi ná xi̱nu ña̱ káʼa̱n na̱ káchíñu nu̱úi̱

ta táxii̱ ná xi̱nu ña̱ káʼa̱n na̱ chíndaʼíi̱ xíʼin tu̱ʼun,

káʼi̱n ña̱yóʼo xa̱ʼa̱ ñuu Jerusalén ‘Kundoovana nu̱úña’,

ta káʼi̱n ña̱yóʼo xa̱ʼa̱ ñuu ña̱ íyo chí Judá ‘Ndaʼavaña,

ta ndasaviíi̱ ndiʼi ña̱ ndi̱ʼi-xa̱ʼa̱’;

27 yi̱ʼi̱ kúú ta̱ káʼa̱n ña̱yóʼo xíʼin ti̱kui̱í tá ñúʼu nda̱a̱ nu̱ú kúnú ‘Ndokondó.

Sayíchi̱i̱ ndiʼi yu̱tandó’;

28 yi̱ʼi̱ kúú ta̱ káʼa̱n ña̱yóʼo xa̱ʼa̱ ta̱ Ciro ‘Ta̱yóʼo kúú ta̱ ndáa ndikachi sa̱na̱i̱

ta saxínu ndiʼira ña̱ kúni̱i̱’,

ta káʼi̱n ña̱yóʼo xa̱ʼa̱ ñuu Jerusalén ‘Ndaʼavaña’,

45 Ña̱yóʼo kúú ña̱ káʼa̱n yi̱ʼi̱ Jehová xíʼin ta̱ Ciro ta̱ nda̱kaxii̱n,

ta̱ ti̱ii̱n ndaʼa̱ kúaʼa

ta ndataxii̱ na̱ ñuu ndaʼa̱ ta̱yóʼo,

ña̱ va̱ʼa kindai̱ ndee̱ na̱ xáʼndachíñu,

ndakunái̱ yéʼé ñuu nu̱úra,

ta va̱ása ndasiña:

 2 “Yi̱ʼi̱ kúú ta̱ kunúu ku̱ʼu̱n nu̱ún

ta ndasanda̱i̱ xi̱kí.

Sakúachi válíi̱ yéʼé ña̱ ku̱vaʼa xíʼin cobre

ta sakúachii̱ ka̱a ña̱ xíniñúʼuna ndákasina yéʼéna.

 3 Ndaʼa̱ yóʼó ndataxii̱ ña̱ ndáyáʼvi ña̱ ñúʼu nu̱ú naa,

saátu ndataxii̱ ña̱ʼa ña̱ ndáyáʼvi ña̱ ñúʼu-se̱ʼé ndaʼún,

ña̱ va̱ʼa kunda̱a̱-iniún ña̱ yi̱ʼi̱ kúú Jehová,

Ndióxi̱ na̱ ñuu Israel, ta̱ xíniñúʼu ki̱vi̱ún tá kánai̱ yóʼó.

 4 Xa̱ʼa̱ ta̱ Jacob ta̱ káchíñu nu̱úi̱, ta saátu xa̱ʼa̱ na̱ ñuu Israel na̱ nda̱kaxii̱n,

xíniñúʼi̱ ki̱vi̱ún tá kánai̱ yóʼó.

Yi̱ʼi̱ taxi ndee̱ ndaʼún ni va̱ása níxi̱xini̱ún yi̱ʼi̱,

 6 ña̱ va̱ʼa kunda̱a̱-ini na̱ yiví

ña̱ iinlá yi̱ʼi̱ kúú Ndióxi̱ ta kǒo inkakana íyo

nani tá kíta ñu̱ʼu iinsaá nda̱a̱ tá kíʼviña.

 7 Yi̱ʼi̱ kúú ta̱ íxava̱ʼa ña̱ ndáye̱ʼe̱ ta saátu ña̱ naa,

yi̱ʼi̱ kúú ta̱ táxi ña̱ va̱ása kundi̱ʼi-inindó ta saátu táxii̱ tu̱ndóʼo;

yi̱ʼi̱ Jehová kúú ta̱ kéʼé ndiʼi ña̱yóʼo.

 8 Ndiví, sakúun sa̱vi̱;

vi̱kó, sakóyondó ña̱ nda̱kú.

Nda̱a̱ táki̱ʼva kána ku̱a̱ʼání ña̱ va̱ʼa nu̱ú ñuʼú tá kúun sa̱vi̱

saá ka̱ku na̱ ñui̱ ta kusi̱íní-inina kundoona nu̱ú koo ña̱ nda̱kú.

 9 Ndáʼviní ña̱ káʼa̱nkúáchi* xíʼin ta̱ i̱xava̱ʼa miíña,

saáchi iin táʼví nda̱ʼyi̱ kuitíva kúúña,

íyoña nda̱a̱ táki̱ʼva íyo inkaka nda̱ʼyi̱ ña̱ ndóo nu̱ú ñuʼú.

“¿Á nda̱ka̱tu̱ʼunndó yi̱ʼi̱ xa̱ʼa̱ ña̱ kuu chí nu̱únínu?

¿Á kaʼndandó chiñu nu̱úi̱ xa̱ʼa̱ ña̱ xíniñúʼu keʼíi̱ xíʼin se̱ʼi̱ ta saátu xíʼin ña̱ i̱xava̱ʼi̱?

Yi̱ʼi̱ kúú ta̱ sa̱ndákaa̱ ndiví xíʼin ndaʼíi̱,

yi̱ʼi̱ kúú ta̱ xáʼnda chiñu nu̱ú ndiʼi tí ki̱mi ta saátu nu̱ú ndiʼika ña̱ íyo chí ndiví”.

13 “Xa̱ʼa̱ ña̱ nda̱kúní íyo ña̱ kéʼíi̱, ta̱xii̱ ña̱ ná ndeta* iin ta̱a

ta ndasanda̱kúi̱ ndiʼi yichi̱ra.

Ta̱yóʼo kúú ta̱ ixava̱ʼa ku̱a̱ʼá veʼe ta xa̱a̱ña kooña ñui̱,

taxira ná sa̱ñá na̱ nda̱kiʼinna ku̱a̱ʼa̱n xíʼinna,

“Xu̱ʼún ña̱ kíʼin na̱ ñuu Egipto xíʼin ña̱ʼa ña̱ íxi̱íkó* na̱ ñuu Etiopía ta saátu na̱ sabeo na̱ súkunní,

kixina nu̱ún ta xa̱a̱na koona kuentaún.

Xíʼin ña̱ to̱ʼó ka̱ʼa̱nna xíʼún: ‘Náʼa̱ miíva ña̱ íyo Ndióxi̱ xíʼún,

ta kǒo inkakara; kǒo inkaka Ndióxi̱’”.

15 Yóʼó kúún iin Ndióxi̱ ta̱ chíse̱ʼé mií,

Ndióxi̱ na̱ ñuu Israel ta̱ sáka̱ku miíndi̱.

16 Ndiʼina ndeéní kukaʼan nu̱úna;

na̱ íxava̱ʼa ña̱ʼa ña̱ ndásakáʼnuna, kukaʼan nu̱úna ku̱ʼu̱nna.

18 Saáchi ña̱yóʼo kúú ña̱ káʼa̱n Jehová ta̱ i̱xava̱ʼa ndiví,

ta̱ kúú Ndióxi̱ ta̱ nda̱a̱

ta̱ i̱xava̱ʼa ñuʼú, ta̱ kútu̱ní i̱xava̱ʼaña,

ta su̱ví ña̱ níkeʼé mií kuitíra kúúña

19 Su̱ví nu̱ú se̱ʼé níka̱ʼi̱nña ta ni va̱ása níka̱ʼi̱nña nu̱ú iin ñuʼú ña̱ naa;

va̱ása níka̱ʼi̱n ña̱yóʼo xíʼin na̱ se̱ʼe ta̱ Jacob:

‘Nandukúndó yi̱ʼi̱ soo kǒo ña̱ va̱ʼa ndakiʼinndó’.

Na̱ níʼi ña̱ʼa ña̱ ndásakáʼnuna xíka xíʼinna, kǒo miíví ña̱ kúnda̱a̱-inina,

na̱ káʼa̱n xíʼin ndióxi̱ ña̱ va̱ása kúchiñu sakǎku miína.

¿Ndáana ni̱ka̱ʼa̱n kuu ña̱yóʼo nda̱a̱ tá xi̱naʼá?

¿Ta ndáana ni̱ka̱ʼa̱n xa̱ʼa̱ña tiempo tá ya̱chi̱?

Iinlá yi̱ʼi̱ kúú Ndióxi̱ ta kǒo inkakana íyo;

iin Ndióxi̱ ta̱ kéʼé ña̱ nda̱kú kúi̱ ta sáka̱kui̱ ndóʼó, kǒo na̱ íyo nda̱a̱ táki̱ʼva íyo yi̱ʼi̱.

22 Naʼandó nu̱úi̱ tasaá kivi ka̱kundó, ndiʼi ndóʼó na̱ ndóo nda̱a̱ nu̱ú xíká,

saáchi yi̱ʼi̱ kúú Ndióxi̱ndó ta kǒoka inkakana.

23 Xa̱a̱ chi̱naʼíi̱* xa̱ʼa̱ miíi̱;

ña̱ nda̱a̱ kúú ña̱ káʼi̱n ta xi̱nuvaña:

ndiʼina kuxítína nu̱úi̱,

ndiʼina chinaʼána ña̱ nda̱kúní koo inina xíʼi̱n

24 ta kachina: ‘Nina ña̱ nda̱kú kéʼé Jehová ta íyoní ndee̱ra.

25 Ndiʼi se̱ʼe na̱ ñuu Israel kunda̱a̱-inina ña̱ va̱ʼava kúú ña̱ nda̱kaxinna ndasakáʼnuna Jehová

ta na̱yóʼo kusi̱íní-inina ka̱ʼa̱nna xa̱ʼa̱ ña̱ ke̱ʼéra xa̱ʼa̱na’”.

Ña̱ʼa ña̱ ndásakáʼnuna, sa̱tá kitíva níndosoña ku̱a̱ʼa̱nña, níndosoña sa̱tá kití yukú,

kúnaakaví kití yóʼo ndísoríña ku̱a̱ʼa̱nrí chi ve̱ekavíña.

 2 Inkáchi ndáku̱ndeerí ta xíkuxítírí xíʼinña;

va̱ása kívi sakǎkuríña,

saáchi nda̱kiʼinnaña ku̱a̱ʼa̱nña inka ñuu.

 3 “Kuniso̱ʼo ndóʼó na̱ veʼe ta̱ Jacob xíʼin ndiʼi ndóʼó na̱ veʼe ta̱ Israel,

ndóʼó na̱ ki̱xáʼíi̱ chíndeétáʼi̱n xíʼin nani tá ka̱kundó,

 4 Ni ná kuchéún, va̱ása nasa̱mai̱;

ni ná kana vi̱xi xi̱níún chindeétáʼankavai̱ xíʼún.

 5 ¿Ndáana kivi chitáʼanndó xíʼi̱n

á ndáana kivi ka̱ʼa̱nndó xa̱ʼa̱ ña̱ íyona nda̱a̱ táki̱ʼva íyo yi̱ʼi̱?

 6 Íyo na̱ yiví na̱ va̱ása vií xíniñúʼu oro ña̱ kúúmiína,

kátana plata nu̱ú ña̱ʼa ña̱ kátana ña̱ʼa.

 7 Chínúunaña so̱ko̱na ta níʼinaña ku̱a̱ʼa̱nna,

kánindichinaña nu̱ú xíniñúʼu kundichiña ta kán kíndo̱oña.

Xákundáʼvina nu̱úña soo va̱ása ndákuiinña;

va̱ása kívi sakǎkuña na̱ ndíʼi̱ní-ini.

 9 Ndakaʼánndó xa̱ʼa̱ ña̱ʼa ña̱ ku̱u tiempo xi̱naʼá,

ndakaʼánndó ña̱ yi̱ʼi̱ kúú Ndióxi̱, ta kǒoka inkana.

10 Nani tá xa̱ʼa̱, káʼi̱n xa̱ʼa̱ ña̱ kuu so̱ndíʼi

ta xa̱a̱ ya̱chi̱ka káʼi̱n xa̱ʼa̱ ña̱ʼa ña̱ kúma̱níka kuu.

Yi̱ʼi̱ káʼi̱n ña̱yóʼo: ‘Ña̱ nda̱kaxii̱n keʼíi̱ va̱ása nása̱maña,

ta keʼíi̱ nda̱a̱ ndáaka ña̱ kúni̱ miíi̱’.

11 Nda̱a̱ chí nu̱ú kíta ñu̱ʼu* kanai̱ iin ta̱sú* kixirí,

nda̱a̱ nu̱ú íyo iin ñuu ña̱ ndíkaa̱ xíká, kanai̱ iin ta̱a ña̱ kixira keʼéra ña̱ nda̱kaxii̱n keʼíi̱.

12 Kuniso̱ʼo ndóʼó na̱ ndeéní-ini,

ndóʼó na̱ íyo xíkání nu̱ú ña̱ va̱ʼa.

13 Xa̱a̱ ku̱yatin ki̱vi̱ ña̱ keʼíi̱ ña̱ nda̱kú;

va̱ása xíká íyoña ta va̱ása kukuachi̱ ki̱vi̱ ña̱ sakǎkui̱ ndóʼó.

Sakǎkui̱ yuku̱ Sion ta na̱ʼi̱ ña̱ káʼnu ña̱ kúúmiíi̱ nu̱ú na̱ ñuu Israel”.

47 Kúanuu ta koún nu̱ú yáká,*

yóʼó ñá loʼo kúa̱an ñá ñuu Babilonia.

Koo nu̱ú ñuʼú nu̱ú kǒo tayi̱ tú ndóo na̱ xáʼndachíñu,

yóʼó ñá loʼo se̱ʼe na̱ caldeo,

saáchi na̱ yiví va̱ása ndikóna ka̱ʼa̱nna xíʼún ña̱ yi̱i̱níún ta ma̱níníún.

 4 “Ta̱ ndásatá* miíyó kúú Ndióxi̱ ta̱ yi̱i̱

Ndióxi̱ na̱ ñuu Israel,

Jehová ta̱ xáʼndachíñu nu̱ú na̱ ángel kúú ki̱vi̱ra”.

 5 Yóʼó ñá se̱ʼe na̱ caldeo,

ya̱a̱ koún, kúaki̱ʼvi nu̱ú naa;

va̱ása ka̱ʼa̱nkana xíʼún ña̱ kúún ñá xáʼndachíñu nu̱ú na̱ chíñu.

Ta̱xii̱ ña̱ ná kǒo ixato̱ʼókaún na̱ ñui̱

ta nda̱taxii̱na ndaʼún.

Va̱ása níkandíxaún ña̱yóʼo;

va̱ása níndakanixi̱níún ndáaña kundoʼún.

 8 Ta vitin, kuniso̱ʼo yóʼó ñá kútóoní keʼé ña̱ kúni̱ mií,

yóʼó ñá va̱ása yíʼvi, ñá ndákanixi̱ní ña̱yóʼo:

Mií ña̱ ndixa kundoʼún ña̱yóʼo

xa̱ʼa̱ ña̱ ke̱ʼún ku̱a̱ʼání nu̱ú ña̱ tási ta saátu magia.

Ña̱ ndíchi ña̱ kúúmiíún xíʼin ña̱ xíni̱ún, ta̱váña yóʼó nu̱ú yichi̱ va̱ʼa,

ta ndákani-iniún ña̱yóʼo: “Iinlá yi̱ʼi̱ kúú ñá ndáyáʼviní ta kǒoka inkana”.

11 Kixi tu̱ndóʼo sa̱táún,

ta nda̱a̱ ni iin magia ña̱ kéʼún va̱ása kuchiñuña chindeétáʼanña xíʼún,

12 Ña̱kán, keʼéka ña̱ tási ta saátu magia

ña̱ kéʼún nda̱a̱ tá loʼovíún.

Sana kivi chindeétáʼanña xíʼún;

sana sandákanda̱ún-ini* inka na̱ yiví xíʼinña.

Ná ndakunditana ta ná sakǎkuna yóʼó,

na̱ ndásakáʼnu ndiví, na̱ káʼvi xa̱ʼa̱ tí ki̱mi,

na̱ xíto yo̱o̱ xa̱á ña̱ va̱ʼa ka̱ʼa̱nna xa̱ʼa̱ ña̱ koo chí nu̱únínu

ta ka̱ʼa̱nna xa̱ʼa̱ ña̱ kundoʼún.

Su̱ví ña̱ ndasaa̱na xíʼin kúú ñuʼu̱ yóʼo

va̱ása koona ta ndasaa̱na nu̱ú xíxi̱ña.

15 Saá xa̱a̱ na̱ kéʼé ña̱ tási koona nu̱ún,

na̱ ka̱chíñuníún xíʼin nani tá loʼovíún.

48 Kuniso̱ʼondó ña̱yóʼo, ndóʼó na̱ veʼe ta̱ Jacob,

ndóʼó na̱ káʼa̱n ña̱ naníndó Israel,

ndóʼó na̱ ke̱e ti̱xin na̱ veʼe ta̱ Judá,

ndóʼó na̱ chínaʼá* xa̱ʼa̱ ki̱vi̱ Jehová,

ndóʼó na̱ ndásakáʼnu Ndióxi̱ na̱ ñuu Israel,

kéʼéndó ña̱yóʼo soo su̱ví xíʼin ndinuʼu-inindó kéʼéndóña

 2 Saáchi na̱kán káʼa̱nna ña̱ nanína nda̱a̱ táki̱ʼva naní ñuu ña̱ yi̱i̱

ta ndúkúna ña̱ chindeétáʼan Ndióxi̱ na̱ ñuu Israel xíʼinna,

ta̱ naní Jehová ta̱ xáʼndachíñu nu̱ú na̱ ángel.

Miíi̱ kúú ta̱ ni̱ka̱ʼa̱nña

ta na̱túʼi̱n xa̱ʼa̱ña xíʼinndó.

 4 Xa̱ʼa̱ ña̱ kúnda̱a̱-inii̱ ña̱ so̱ʼoníún

tu̱chu su̱kún íyoña nda̱a̱ táki̱ʼva íyo ka̱a,

ta ta̱ʼya̱ún* íyoña nda̱a̱ táki̱ʼva íyo cobre,

 5 ña̱kán xi̱naʼáví ni̱ka̱ʼi̱nña xíʼún.

Tá kúma̱níka kuuña, na̱túʼi̱n xa̱ʼa̱ña xíʼún,

tasaá va̱ása ka̱ʼún ña̱yóʼo: ‘Ña̱ ndásakáʼnui̱ kúú ña̱ ke̱ʼé ña̱yóʼo;

ña̱ʼa ña̱ ndásakáʼnui̱ xíʼin ndióxi̱ ña̱ ku̱vaʼa xíʼin ka̱a kúú ña̱ ni̱ka̱ʼa̱n ná kuu ña̱yóʼo’.

Vitin natúʼi̱n xa̱ʼa̱ ña̱ʼa xa̱á xíʼún,

ña̱ ni̱xi̱yo se̱ʼé, ña̱ va̱ása níxi̱kunda̱a̱-iniún xa̱ʼa̱.

 7 Vitin kúú ña̱ xa̱a̱ kéʼíi̱ña, ta su̱ví ña̱ níkeʼíi̱ tiempo xi̱naʼá kúúña;

nda̱a̱ vitinví xíniso̱ʼún xa̱ʼa̱ ña̱yóʼo,

ña̱kán va̱ása ka̱ʼún: ‘Xa̱a̱ xíni̱vai̱ xa̱ʼa̱ña’.

 8 Va̱ása, ta̱ʼán kuniso̱ʼovíún xa̱ʼa̱ ña̱yóʼo, ni va̱ása níxi̱kunda̱a̱-iniún xa̱ʼa̱ña,

ta xi̱naʼá va̱ása níxi̱kuni̱ún kuniso̱ʼúnña.

Saáchi kúnda̱a̱-inii̱ ña̱ sándaʼviún na̱ ñui̱,

ta nani tá ka̱kuvíún kíʼviún ku̱a̱chi.

 9 Xa̱ʼa̱ ki̱víi̱, kundeé-inii̱ ta va̱ása sa̱a̱kai̱;

ta ña̱ va̱ʼa ndukáʼnui̱, va̱ása sa̱íi̱

ta va̱ása sandíʼi-xa̱ʼíi̱ yóʼó.

11 Xa̱ʼa̱ miíi̱ kúú ña̱ keʼíi̱ ña̱yóʼo,

saáchi, ¿á taxii̱ ña̱ ná kǒo ixato̱ʼóna yi̱ʼi̱?

13 Ndaʼa̱ miíi̱ kúú ña̱ chi̱ndúʼú xa̱ʼa̱ ñuʼú yóʼo,

xíʼin ndaʼa̱ kúaʼi̱ sa̱ndákai̱ ndiví.

kúú ta̱ saxínu ña̱ kúni̱ra keʼéra xíʼin na̱ ñuu Babilonia,

ndaʼa̱ra ña̱ kúúmiíní ndee̱ kaniña na̱ caldeo.

“Yi̱ʼi̱ Jehová kúú Ndióxi̱ún,

ta̱ sánáʼa̱ yóʼó xa̱ʼa̱ ña̱ va̱ʼa miíún,

ta̱ níʼi yichi̱ nu̱ún ña̱ va̱ʼa kunda̱a̱-iniún ndáa yichi̱ kúú ña̱ xíniñúʼu ku̱ʼún.

Saá va̱ása kundi̱ʼi-iniún ta ña̱yóʼo xa̱a̱ña kooña nda̱a̱ táki̱ʼva íyo iin yu̱ta,

ta keʼún ña̱ nda̱kú ta ña̱yóʼo kooña nda̱a̱ táki̱ʼva íyo ti̱kui̱í tá ndáku̱i̱ta nu̱ú mar.

19 Na̱ se̱ʼún xa̱a̱na koona nda̱a̱ táki̱ʼva íyo yu̱ti.

Nda̱a̱ táki̱ʼva ku̱a̱ʼání kúú yu̱ti ña̱ íyo yuʼú tá mar, saá ku̱a̱ʼání koo na̱ se̱ʼún.

Ti̱xin yu̱u̱ ta̱vára ti̱kui̱í tá xi̱niñúʼuna;

ta̱ʼvíra iin yu̱u̱ ta ta̱vára ku̱a̱ʼání ti̱kui̱í”.

49 Kuniso̱ʼo ndóʼó na̱ ndóo chí isla,

viíní kuniso̱ʼo ndóʼó na̱ ndóo nu̱ú ñuu ña̱ íyo xíká.

 2 Nda̱a̱ táki̱ʼva íyo iin espada ña̱ xi̱ín* yuʼú saá nda̱sara yuʼíi̱,

chi̱se̱ʼéra yi̱ʼi̱ xíʼin ku̱nda̱ti̱* ndaʼa̱ra.

Nda̱sara yi̱ʼi̱ nda̱a̱ táki̱ʼva íyo iin flecha tú xi̱ín nu̱ú;

chi̱se̱ʼéra yi̱ʼi̱ ini ña̱ʼa nu̱ú ñúʼu flecha.

 3 Ni̱ka̱ʼa̱nra xíʼi̱n: “Yóʼó kúú ta̱ káchíñu nu̱úi̱ Israel;

kuniñúʼi̱ yóʼó ña̱ va̱ʼa na̱ʼi̱ ña̱ káʼnu ña̱ kúúmiíi̱”.