Sákuaʼún kataún yaa nu̱ú Ndióxi̱
NDIÓXI̱ TAXIRA IIN ÑUʼÚ LIVI NDAʼA̱YÓ
1. Ndióxi̱ taxi iin Ñuʼú livi
tá ná kaʼndaachíñu Jesús.
Ndiʼi-xa̱ʼa túkúndii ku̱a̱chi,
va̱ása kuvika na̱ yiví.
(ÑA̱ NDIKÓO KÔOYÓ KATAYÓ)
Ñuʼú yóʼo kama nduuña
Ñuʼú livi, ña̱ nda̱a̱ kúúña.
Jesús kúúra sáxi̱nuña,
ña̱ xi̱kuni Ndióxi̱ Jehová.
2. “Xíʼin yi̱ʼi̱, nu̱ú Ñuʼú livi
Kundika̱a̱ún”, ka̱chi Jesús
xíʼin ta̱a ndi̱kókoo-ini
xa̱ʼa ku̱a̱chi ña̱ ke̱ʼéra.
(Ña̱ ndikóo kôoyó katayó)
3. Kándíxayó ña̱ káʼa̱n Ndióxi̱,
Ñuʼú livi vi̱í kooña.
Tixaʼviún táxindi ndaʼún
Ndióxi̱ Jehová xíin ta̱ Jesús.
(Ña̱ ndikóo kôoyó katayó)
(Kaʼvi Mat. 5:5; 6:10; Juan 5:28, 29.)
☞ “Ndióxi̱ taxira iin Ñuʼú livi ndaʼa̱yó” saá naní yaa ña̱ va̱xi nu̱ú tutu ña̱ naní Cantemos a Jehová yaa 19. Ka̱ʼa̱n xíʼin na̱ sána̱ʼún ná katana tá xáʼa̱nna reunión, ná kuniñúʼuna tutu miína ña̱ katana. Ka̱ʼa̱n xíʼinna ña̱ va̱ása xíniñúʼu kunda̱a̱-inina ndáaña kúni̱ kachi nota kuenta yaa ña̱ va̱xi ni̱nú xíʼin ña̱ va̱xi ni̱nu̱. Va̱ʼaka taxiún ndaʼa̱na iin tutu ña̱ letra náʼnu.