¿Ndáa ki̱ʼva kooyó chí nu̱únínu túviún?

ÑA̱ KÁʼA̱N BIBLIA

“Ndióxi̱ [...] ndaya̱kúnra ti̱kui̱í nu̱úna, ta va̱ása kuvikana, ni va̱ása kusuchíka-inina, ni va̱ása kuakukana, ni va̱ása xo̱ʼvi̱kana. Ndióxi̱ sandíʼi-xa̱ʼa̱ra ndiʼi ña̱ʼa ña̱ sa̱xóʼvi̱ miíyó” (Apocalipsis 21:3, 4, Traducción del Nuevo Mundo).

¿NDÁAÑA VA̱ʼA NDAKIʼÚN TÁ NÁ KAʼVIÚNÑA?

Kooní chiñu kachíñuyó ta chiñu ña̱ kutóoyó kooña (Isaías 65:21-23).

Kǒoka tu̱ndóʼo koo nu̱úyó ni kue̱ʼe̱ va̱ása kooka (Isaías 25:8; 33:24).

Ndiʼi tiempo si̱íní kooyó xíʼin na̱ veʼeyó xíʼin na̱ migoyó (Salmo 37:11, 29).

¿Á VA̱ʼA KANDÍXAYÓ ÑA̱ KÁʼA̱N BIBLIA?

Va̱ʼava, yóʼo sakuaʼayó xa̱ʼa u̱vi̱ ña̱ʼa:

• Ndióxi̱ íyoní ndée ndaʼa̱ra ña̱ sáxi̱nura tu̱ʼun káʼa̱nra. Nu̱ú Biblia, iinlá Ndióxi̱ káʼa̱nña xa̱ʼa ña̱ kúúmiíra “ndiʼi ndee̱”, chi ku̱a̱ʼání ndee̱ kúúmiíra (Apocalipsis 15:3). Ña̱kán tá káʼa̱nra nasamara ñuyǐví yóʼo ta ndasaliviraña, ná kǒo kaka-iniyó chi míí ña̱ ndixa kúúña sáxi̱nura ña̱ káʼa̱nra. Ta ña̱ Biblia káchiña “nu̱ú Ndióxi̱ kǒo ni iin ña̱ yo̱ʼvi̱” (Mateo 19:26).

• Kúni̱ní Ndióxi̱ sáxi̱nura tu̱ʼun káʼa̱nra. Tá kúú na̱ ni̱xi̱ʼi̱, ña̱ Biblia káʼa̱nña xa̱ʼa Jehová ña̱ kúni̱níra sandátakura na̱yóʼo (Job 14:14, 15).

  Saátu káʼa̱nña xa̱ʼa se̱ʼe Ndióxi̱, ta̱ Jesús, ña̱ sa̱ndáʼara na̱ xi̱kuumií kue̱ʼe̱. ¿Ndachun sa̱ndáʼarana? Saáchi xi̱kuʼvi̱ní-inira xi̱nirana (Marcos 1:40, 41). Ndiʼi ña̱ ke̱ʼé ta̱ Jesús náʼa̱ña nu̱úyó nda̱a̱ tá íyo míí yivára saá íyora, chi ña̱yóʼo kúúña kúni̱ní Jehová keʼéra xíʼin na̱ ñúʼu ndaʼa̱ tu̱ndóʼo (Juan 5:19).

  Xíʼin ña̱yóʼo kúnda̱a̱-iniyó chi Jehová xíʼin Jesús kúni̱nína ña̱ vií kooyó chí nu̱únínu (Salmo 72:12-14; 145:16; 2 Pedro 3:9).