Ndáa ki̱ʼva viíka kunda̱a̱-iniún xíʼin iin tá iin lección
Ka̱ʼa̱n xíʼin iinna ña̱ ná sanáʼa̱na yóʼó. Kivi ka̱ʼún xíʼin na̱ ta̱xi folleto yóʼo ndaʼún ña̱ ná kaʼvina xíʼún á kivi ndukún iinna nu̱ú Internet ña̱ ná kaʼvina xíʼún, nu̱ú jw.org.
TÁʼVÍ NU̱Ú
Kaʼvi ndiʼi párrafo. Va̱xi pregunta ña̱ va̱xi número xíʼin (A) ta saátu texto ña̱ kaʼviyó nu̱ú Biblia (B) ña̱ káʼa̱n xa̱ʼa̱ ña̱ sakuaʼayó. Ta kiʼún kuenta si̱ín texto yóʼo va̱xi ña̱ káʼa̱n xíʼinyó ña̱ xíniñúʼu kaʼviyóña.
TÁʼVÍ U̱VI̱
Párrafo nu̱ú, ña̱ va̱xi nu̱ú káʼa̱nña “Ná sakuaʼakayó xa̱ʼa̱ña” káʼa̱nña xa̱ʼa̱ ña̱ sakuaʼayó (C). Subtítulo ña̱ va̱xi número xíʼin káʼa̱nña xíʼinyó xa̱ʼa̱ ña̱ sakuaʼayó (D). Kaʼvindó texto ña̱ va̱xi nu̱ú Biblia, ta ndakuiindó pregunta ta saátu kotondó video (E).
Kotondó ta ka̱ʼa̱nndó xa̱ʼa̱ na̱ʼná ta saátu ña̱ káʼa̱n xa̱ʼa̱ ña̱yóʼo (F), ta ndakanixi̱ní ndáa ki̱ʼva ndakuiún “Ña̱ káʼa̱n sava na̱ yiví” (G).
TÁʼVÍ U̱NI̱
Ta lección ndíʼiña xíʼin “Ña̱ xa̱a̱ sa̱kuaʼayó” ta saátu “Ná ndakaʼányó xa̱ʼa̱ ña̱yóʼo” (H). Tá ná sandíʼún kaʼviún iin iin lección kaʼyí fecha ña̱ sa̱ndíʼún ka̱ʼviúnña. Recuadro ña̱ naní “Kivi keʼún ña̱yóʼo” káʼa̱nña xa̱ʼa̱ ña̱ kivi keʼún ña̱ sakuaʼakaún (I). Ta nu̱ú táʼví “Nandukúka xa̱ʼa̱ña” ndani̱ʼíkaún tutu xíʼin video ña̱ kivi chindeétáʼanka xíʼún (J).
Ndáa ki̱ʼva ndani̱ʼíyó texto ña̱ va̱xi nu̱ú Biblia
Texto ña̱ kaʼviyó siʼna káʼa̱nña xa̱ʼa̱ libro ña̱ va̱xi nu̱ú Biblia (A), capítulo (B), xíʼin versículo (C). Tá kúú Juan 17:3 kúni̱ kachiña “libro ta̱ Juan, capítulo 17, versículo 3”.