Índice

¿Ndáaña kéʼéyó tá íyoní tu̱ndóʼo nu̱úyó? Nu̱ú artículo yóʼo ka̱ʼa̱nyó xa̱ʼa ña̱ texto ña̱ ku̱i̱ya̱ 2018 ta ka̱ʼa̱nña xíʼinyó ndáaña kivi keʼéyó ña̱ va̱ʼa chindeé táʼan Ndióxi̱ xíʼinyó ta kunda̱a̱-iniyó ndáa ki̱ʼva chindeéra miíyó tá yáʼayó nu̱ú tu̱ndóʼo.

Ña̱ ku̱i̱ya̱ vitin ña̱ ndakaʼányó xa̱ʼa ña̱ ni̱xi̱ʼi̱ ta̱ Jesús kooña sábado 31 tí marzo ña̱ ku̱i̱ya̱ 2018. ¿Ndáaña kivi keʼéyó ña̱ va̱ʼa ku̱ʼu̱nyó conmemoración tasaá ndakiʼinyó ña̱ va̱ʼa? ¿Nda̱chun chíndeé táʼan ña̱ conmemoración xíʼinyó ña̱ va̱ʼa kutáʼanyó xíʼin ndiʼina? Nu̱ú artículo yóʼo sakuaʼayó xa̱ʼaña.

Ndiʼi ña̱ kúúmiíyó Jehová kúú ta̱ táxiña. Soo kúni̱ra ña̱ ná kuniñúʼuyó ña̱ kúúmiíyó ña̱ chindeé táʼanyó xíʼin na̱ ñuura. Nu̱ú artículo yóʼo sakuaʼayó nda̱chun ndásakáʼnuyó Jehová tá xíniñúʼuyó ña̱ʼa ña̱ kúúmiíyó ña̱ keʼéyó chiñu nu̱úra ta ndáa ña̱ va̱ʼa ndakiʼinyó xa̱ʼa ña̱yóʼo.

Nu̱ú ña̱ xa̱a̱ ka̱ʼviyó na̱kunda̱a̱-iniyó ña̱ xíniñúʼu kuʼvi̱-iniyó kuniyó Ndióxi̱ ña̱ va̱ʼa si̱í kooyó ta kǒo keʼéyó táki̱ʼva kéʼé na̱ yiví na̱ íyo ña̱ “tiempo nu̱ú ndíʼi” (2 Tim. 3:1). Ña̱ kaʼviyó vitin sakuaʼayó nda̱chun síín íyoyó nu̱ú na̱ yiví na̱ va̱ása ndásakáʼnu Ndióxi̱.