Ná chika̱a̱yó ndée ña̱ sanáʼa̱yó na̱ yiví
1. ¿Ndáaña xíniñúʼu keʼéyó ña̱ va̱ʼa ka̱ku na̱ yiví?
1 Ña̱ informe ña̱ servicio ña̱ ku̱i̱ya̱ 2014 náʼa̱ña nu̱úyó na̱ ñuu Ndióxi̱ chíka̱a̱nína ndée ña̱ xíkana nátúʼunna xa̱ʼa Ndióxi̱ (Mat. 24:14). Xa̱ʼa ña̱ kéeyó veʼe tá veʼe á íyotu yo̱o̱ ña̱ káʼa̱nna xíʼinyó ña̱ xaxáyó tutu á invitación á ña̱ ku̱ʼu̱nyó natúʼunyó nu̱ú xíka ku̱a̱ʼá na̱ yiví chi saá kúú ña̱ ku̱a̱ʼáka na̱ yiví ndani̱ʼíyó. Soo ña̱ va̱ʼa ka̱kuna xíniñúʼu chindeé táʼanyó xíʼinna ña̱ sakuaʼana xa̱ʼa ña̱ káʼa̱n Biblia (1 Tim. 2:4).
2. ¿Ndáa pregunta kúú ña̱ kivi chindeé miíyó ña̱ kǒo nandosóyó ka̱ʼa̱nyó xíʼin na̱ yiví ña̱ kaʼviyó xíʼinna?
2 Ná kǒo nandosóyó ña̱ ka̱ʼa̱nyó xíʼinna ña̱ kaʼvina xíʼinyó. Tá xítoyó iin na̱ yiví kúni̱na sakuaʼakana, ¿á káʼa̱nyó xíʼinna ndáa ki̱ʼva ndani̱ʼíyóna ta ndi̱ku̱n nándukúyóna ña̱ kaʼviyó xíʼinna? Tá ni̱xa̱ʼa̱nyó ña̱ yichi̱ nu̱ú na̱túʼunyó xíʼin na̱ yiví xa̱ʼa Ndióxi̱, ¿á ni̱ka̱ʼa̱nyó xíʼinna ndáa ki̱ʼva káʼviyó xíʼin na̱ yiví veʼena? ¿Áma kúú ña̱ ni̱ka̱ʼa̱nyó xíʼin na̱ xáʼa̱nyó táxiyó revista ndaʼa̱ á kúni̱na taxiyó estudio ndaʼa̱na? ¿Á xa̱ni̱na̱ʼa̱yó película¿Ndachun kaʼviyó Biblia? ¿Ndáa ki̱ʼva sánáʼa̱ na̱ testigo Jehová na̱ yiví? nu̱ú na̱ káchíñuyó xíʼin á na̱ ku̱a̱ʼa̱n escuela xíʼinyó, á nu̱ú na̱ veʼeyó á nda̱a̱ ndáaka na̱ xíni̱yó? Tá xíniñúʼuyó carro loʼo nu̱ú chíndooyó tutu tu̱ʼun Ndióxi̱, ¿á káʼa̱nyó xíʼin ndiʼi na̱ yiví na̱ xáʼa̱n kíʼin tutu ña̱ kivi kaʼviyó xíʼinna veʼena ta kǒo xu̱ʼún kiʼinyó ndaʼa̱na?
3. ¿Ndáaña xíniñúʼuyó ña̱ va̱ʼa sánáʼa̱ viíyó na̱ yiví?
3 Jehová xíʼin ta̱ Jesús chíndeéna miíyó. Ta̱ Jesús xa̱ʼndara chiñu nu̱ú na̱ discípulo ta ni̱ka̱ʼa̱nra xíʼinna “kuáʼandó”. Xíʼin tu̱ʼun yóʼo ni̱na̱ʼa̱ra ña̱ xíniñúʼu chika̱a̱na ndée ña̱ keʼéna ña̱ ni̱ka̱ʼa̱nra. Soo va̱ása ndákoo mitúʼunra miíyó. Ni̱ka̱ʼa̱nra koora xíʼinyó ndiʼi ki̱vi̱ (Mat. 28:19, 20). Saátu Jehová su̱ví iinlá espíritu santo táxira ndaʼa̱yó chi sánáʼa̱tura miíyó ndáa ki̱ʼva natúʼunyó xíʼin na̱ yiví (Zac. 4:6; 2 Cor. 4:7). Kivi ka̱ʼa̱nyó xíʼin Ndióxi̱ ña̱ ná taxira ndée ndaʼa̱yó ta saátu ña̱ ná sakusi̱íra-iniyó ña̱ keeyó natúʼunyó xa̱ʼara (Filip. 2:13).
4. ¿Nda̱chun xíniñúʼu kundi̱ʼi̱-iniyó ña̱ sanáʼa̱yó na̱ yiví?
4 Ña̱ nátúʼunyó xa̱ʼa Ndióxi̱ sákusi̱íña-iniyó. Soo tá ná kuchiñuyó chindeé táʼanyó xíʼin iin na̱ yiví ña̱ sakuaʼana xa̱ʼa Ndióxi̱ ta xa̱a̱na kutakuna ndiʼi tiempo, saá kúú ña̱ kusi̱íka-iniyó (Mat. 7:14; 1 Tes. 2:19, 20). Tá ná kundi̱ʼi̱ní-iniyó ña̱ keʼéyó chiñu Ndióxi̱ saá kúú ña̱ sakusi̱íyó-inira, chi “ña̱ kúni̱ra kúúña ni iinna ná kǒo kuvi; ña̱ kúni̱ra kúúña, ná ndikó-inina xa̱ʼa ku̱a̱china” (2 Ped. 3:9).