“Andamos por fe, no por vista”

Tá kúma̱ní lo̱ʼoka ndiʼi-xa̱ʼa ñuu Jerusalén, ta̱ apóstol Pablo ka̱ʼyíra iin tutu ku̱a̱ʼa̱n ndaʼa̱ na̱ ñuu Ndióxi̱, xa̱ʼa ña̱ ndíku̱nna ta̱ Cristo xíniñúʼu xo̱ʼvi̱na ta sandákoona ndiʼi ña̱ va̱ʼa kúúmiína xíʼin ña̱ kútóona (2 Tim. 2:3, 4). Ña̱ xa̱ku̱numí kixa̱a̱ tu̱ndóʼo káʼnu sa̱tá ñuyǐví yóʼo, xíniñúʼu kandíxaníyó Ndióxi̱ ña̱ va̱ʼa kundi̱ʼi̱-iniyó xa̱ʼa chiñura (2 Cor. 4:18; 5:7). Kotonde̱ʼé video “Andamos por fe, no por vista” (nandukúña nu̱ú jw.org, nu̱ú káʼa̱nña TUTU TU̱ʼUN NDIÓXI̱ > PELÍCULA). Koto xa̱ʼa ña̱ xi̱kutóoní ta̱ Nadab xíʼin ñá Débora koo ku̱a̱ʼá ña̱ʼana ña̱yóʼo xa̱ʼní-ñaʼá. Ta vitin ná ndakuiinyó sava pregunta.

1) ¿Ndáana kúú na̱ ni̱xa̱a̱ ka̱nitáʼan xíʼin na̱ ñuu Jerusalén tá siglo nu̱ú, ta ndáaña ke̱ʼé na̱ ñuu Ndióxi̱ na̱ xi̱ndoo Jerusalén? (Mat. 24:15, 16). 2) ¿Nda̱chun kúú ña̱ xíniñúʼu ndakú koo inina ña̱ keena ñuu Jerusalén? 3) ¿Ndáaña sa̱ndákoona tá ke̱ena ñuu kán? 4) ¿Nda̱chun va̱ása níkita kama ta̱ Nadab xíʼin ñá Débora? (Mat. 24:17, 18). 5) ¿Ndáa inka prueba ki̱xi nu̱ú ñá Raquel tá ki̱tañá ku̱a̱ʼa̱nñá ñuu Jerusalén? (Mat. 10:34-37; Mar. 10:29, 30). 6) ¿Ndáa yichi̱ va̱ʼa kúú ña̱ chi̱núu ta̱ Jafet nu̱úyó xa̱ʼa ña̱ xi̱kandíxaníra Jehová? 7) ¿Ndáaña ndo̱ʼo na̱ ñuu Ndióxi̱ tá ni̱xa̱a̱na chí ñuu Pela? 8) ¿Nda̱chun kúú ña̱ nda̱koo ta̱ Nadab xíʼin ñá Débora ña̱ ka̱ndíxana Jehová? 9) ¿Nda̱saa xi̱ndaa Jehová na̱ ñuura na̱ xi̱ndoo chí Pela? (Mat. 6:33; 1 Tim. 6:6-8). 10) ¿Nda̱saa va̱ʼa kundiku̱nyó yichi̱ ta̱ Abrahán xíʼin ñá Sara xa̱ʼa ña̱ xa̱kunumí ndiʼi-xa̱ʼa ñuyǐví yóʼo? (Heb. 11:8-10). 11) ¿Nda̱chun ndi̱kó ta̱ Nadab xíʼin ñá Débora Jerusalén, ta nda̱chun sa̱ndáʼvi xíʼin miína? (Luc. 21:21). 12) ¿Nda̱saa káa ñuu Jerusalén tá ndi̱kó ta̱ Nadab xíʼin ñá Débora? 13) ¿Ndáa xa̱ʼa kúú ña̱ xíniñúʼu sákuaʼayó ndakú koo iniyó xíʼin Jehová vitin? (Luc. 17:31, 32; 21:34-36).

Ña̱ ndinuʼu koo iniyó xíʼin Jehová kúni̱ kachiña 1) kandíxaníyóra 2) xíniñúʼu taxiyó kuniʼira yichi̱ nu̱úyó 3) kundi̱ʼi̱ka-iniyó xa̱ʼa chiñura su̱víka xa̱ʼa ña̱ koo ku̱a̱ʼá ña̱ʼayó. Ná kandíxaníyó Ndióxi̱ xíʼin ndinuʼu-iniyó ta ná keʼéyó ña̱ kúni̱ra. Tá káchi 1 Juan 2:17, “ñuyǐví yóʼo ña̱ yáʼa ku̱a̱ʼa̱n kúúña, ta saátu ña̱ʼa ña̱ íyo nu̱úña, soo na̱ kéʼé ña̱ kúni̱ Ndióxi̱ na̱yóʼo kúú na̱ koo ndiʼi tiempo”.