Ña̱ Ndáka̱tu̱ʼunna

◼ ¿Ama kúú ña̱ va̱ása xíniñúʼu kaʼvikayó xíʼin na̱ káʼviyó xíʼin?

Tá xítoyó ña̱ va̱ása xáʼnukana xíʼin tu̱ʼun Ndióxi̱, xíniñúʼu ka̱ʼa̱nyó xíʼinna ña̱ va̱ása kaʼvikayó xíʼinna soo xíniñúʼu kiʼinyó kuenta xíʼin tu̱ʼun ña̱ ka̱ʼa̱nyó (Mat. 10:11). Nda̱ka̱tu̱ʼun xíʼin miíún: ¿Á ndátuna yi̱ʼi̱ hora ña̱ ki̱ndoondi̱ kaʼvindi̱? ¿Á káʼyína nu̱ú tutuna ña̱ va̱ʼa ndakuiinna? ¿Á xáʼa̱n loʼona reunión? ¿Á nátúʼunna xíʼin inkana xa̱ʼa ña̱ sákuaʼana? ¿Á xa̱ku̱a̱ʼa̱n násamana miína xíʼin ña̱ káʼa̱n Biblia? Inkatuña xíniñúʼu kiʼinyó kuenta xíʼin kúúña nda̱saa ku̱i̱ya̱na ta saátu á kúee á kama sákuaʼana, chi xa̱síín íyo iin iinna. Soo, tá xa̱nda̱kanixi̱níyó ña̱ va̱ása kaʼvikayó xíʼinna, vií ná ka̱ʼa̱nyó xíʼinna ña̱kán va̱ʼa kandíxana kaʼvina xíʼin inkana chí nu̱únínu (1 Tim. 2:4).