Kandíxa Jehová ta keʼé ña̱ va̱ʼa

“Kǒo sa̱a̱-iniún kuniún na̱ kǒo kéʼé ña̱ nda̱kú”

37:1, 2

• Kǒo taxiún sándákava ña̱ kéʼé na̱ ñuyǐví iniún ña̱ ndasakáʼnún Jehová. Keʼé ña̱ kúni̱ Jehová ta ku̱a̱ʼá ña̱ va̱ʼa taxira ndaʼún.

“Kandíxa Jehová ta keʼé ña̱ va̱ʼa”

37:3

• Kǒo kaka-iniún ña̱ kundaa Jehová yóʼó tá kúsuchí-iniún á tá ndíʼi̱-iniún, chindeévara yóʼó ña̱ nda̱kú koo iniún xíʼinra.

• Kundi̱ʼi̱ka-ini ña̱ natúʼun xa̱ʼa Ndióxi̱.

“Xíʼin ña̱ si̱í-ini keʼún chiñu Jehová”

37:4

• Tavá tiempo ña̱ kaʼviún Biblia xíʼin ña̱ ndakanixi̱níún xa̱ʼa ña̱ káʼa̱nña tasaá sakuaʼakaún ndáa ki̱ʼva íyo Jehová.

“Ndataxi ndiʼi ña̱ sándi̱ʼi̱-iniún ndaʼa̱ Jehová”

37:5, 6

• Kandíxa ña̱ chindeé Jehová yóʼó ña̱ ya̱ʼún nu̱ú nda̱a̱ ndáaka tu̱ndóʼo.

• Ndakú va̱ʼa koo iniún tá káʼa̱nna tu̱ʼun vatá xa̱ʼún á íxandi̱va̱ʼana xíʼún.

“Kǒo kundi̱ʼi̱ní-iniún ta kandíxa Jehová”

37:7-9

• Kǒo keʼún ña̱ʼa ña̱ kivi sákusuchí-iniún, ta kǒo kivi kutáʼankaún xíʼin Jehová.

“Na̱ vitá-ini taxira ñuʼú ndaʼa̱”

37:10, 11

• Chika̱a̱ ndée ña̱ vitá koo iniún ta kandíxa ña̱ chindeé Jehová yóʼó ya̱ʼún nu̱ú nda̱a̱ ndáaka tu̱ndóʼo.

• Chindeé na̱ ñaniyó á ku̱ʼvayó, ta xíʼin na̱ kúsuchí-ini ka̱ʼa̱n tu̱ʼun va̱ʼa xa̱ʼa ña̱ koo chí nu̱únínu ña̱ va̱ʼa ná ndi̱ko-inina.