¿Á va̱ʼa koún precursor regular iin ku̱i̱ya̱?

Tá ná koún precursor regular ku̱a̱ʼání ña̱ va̱ʼa ndakiʼún nu̱ú Jehová (Pr 10:22).

TÁ NÁ KOÚN PRECURSOR REGULAR:

• Sákuaʼa va̱ʼakaún natúʼún xíʼin na̱ yiví ta kusi̱íní-iniún natúʼún xa̱ʼa Ndióxi̱.

• Va̱ʼaka kutáʼún xíʼin Jehová, chi tá ku̱a̱ʼá yichi̱ nátúʼún xa̱ʼara saá kunda̱a̱ka-iniún xa̱ʼara.

• Kusi̱í-iniún xa̱ʼa ña̱ siʼnaka chiñu Jehová kéʼún, saátu kusi̱í-iniún xa̱ʼa ña̱ chindeún inkana kunda̱a̱-inina xa̱ʼara (Mt 6:33; Hch 20:35).

• Kivi ku̱ʼún reunión na̱ precursor tá ná kixi ta̱ superintendente ña̱ circuito, kivitu ku̱ʼún reunión especial ña̱ xíyo tá xíyo asamblea ña̱ circuito ta saátu va̱ʼa ku̱ʼún Escuela nu̱ú xáʼa̱n na̱ precursor.

• Kivi sanáʼún ku̱a̱ʼáka na̱ yiví xa̱ʼa Ndióxi̱.

• Ku̱a̱ʼáka tiempo kutáʼún xíʼin na̱ hermano servicio ta kivitu taxindó tu̱ʼun ndeé-ini ndaʼa̱ táʼanndó (Ro 1:11, 12).