Sakuaʼaka ña̱ va̱ʼa sanáʼa̱kaún: chindeé táʼan xíʼin na̱ káʼviún xíʼin ña̱ ná xa̱a̱na ndakuchina

¿NDA̱CHUN KÉʼÉYÓ ÑA̱YÓʼO? Ña̱ va̱ʼa kundaa Jehová na̱ sákuaʼa xa̱ʼa Biblia xíniñúʼu kachíñuna nu̱úra ta ndakuchina (1Pe 3:21). Na̱ káchíñu nu̱ú Jehová ta kéʼéna ña̱ káʼa̱nra kundaarana (Sl 91:1, 2). Tá ki̱vi̱ nda̱kuchiyó su̱ví nu̱ú na̱ yiví níkindo̱oyó kachíñuyó, chi nu̱ú Jehová ni̱ka̱ʼa̱nyó kachíñuyó. Xa̱ʼa ña̱yóʼo na̱ káʼvi Biblia xíʼinyó xíniñúʼu xa̱a̱na kuʼvi̱-inina kunina Jehová ta to̱ʼó koona xíʼinra (Ro 14:7, 8).

¿NDÁA KI̱ʼVA KEʼÉYÓÑA?

• Tá káʼviún xíʼinna, ka̱ʼa̱n xíʼinna ndáaña káʼa̱nña xa̱ʼa Jehová. Ka̱ʼa̱n xíʼinna ná kaʼvina Biblia ndiʼi ki̱vi̱ ta ná ka̱ʼa̱n ni̱ʼina xíʼinra (1Te 5:17; Snt 4:8).

• Ka̱ʼa̱n xíʼinna ná chika̱a̱na ndée ña̱ xa̱a̱na ndakuchina. Ta chindeé táʼan xíʼinna ña̱ va̱ʼa ná kuaʼnukana xíʼin tu̱ʼun Ndióxi̱, ná taxina comentario, ná natúʼunna xíʼin na̱ ndóo yatin xíʼinna á na̱ káchíñu xíʼinna. Ta ndakaʼún chi Jehová va̱ása íxandúxara xíʼin ni iinna ña̱ ndasakáʼnunara (Dt 30:19, 20).

• Ka̱ʼa̱n xíʼinna ná chika̱a̱na ndée ña̱ keʼéna ña̱ káʼa̱n Jehová, tasaá va̱ʼa xa̱a̱na ndakuchina (Pr 27:11). Sava costumbre yo̱ʼvi̱ kooña nu̱úna ña̱ sandákoonaña, chindeé miína ña̱ ná sandákoona ña̱ kéʼéna ta kixaʼána keʼéna ña̱ sakuaʼana (Ef 4:22-24). Na̱ʼa̱ sava artículo ña̱ va̱xi nu̱ú La Atalaya nu̱úna ña̱ naní “La Biblia les cambió la vida”.

• Ka̱ʼa̱n xíʼinna ña̱ kúsi̱íní-iniún ña̱ káchíñún nu̱ú Jehová (Isa 48:17, 18).