ÑA̱ KÉʼÉYÓ NA̱ TESTIGO
Ná ka̱ʼa̱nyó xíʼin Jehová xa̱ʼa na̱ ñaniyó na̱ ñúʼu tu̱ndóʼo
Nu̱ú Biblia káʼa̱nña ta̱ Ndi̱va̱ʼa kǒo taxira natúʼunyó xa̱ʼa Ndióxi̱ (Jn 15:20; Rev 12:17). ¿Á íyo ña̱ kivi keʼéyó ña̱ va̱ʼa chindeéyó na̱ ñaniyó na̱ ñúʼu tu̱ndóʼo? Íyova ña̱ kivi keʼéyó, kivi ka̱ʼa̱nyó xa̱ʼana xíʼin Jehová. Ña̱ Biblia káchiña oración na̱ xíka nda̱kú íyoní ndéeña (Snt 5:16).
¿Ndáaña kivi ndukúyó nu̱ú Ndióxi̱? Ná ka̱ʼa̱nyó xíʼinra ná taxira ndée ndaʼa̱ na̱ ñaniyó ña̱ ná kǒo yi̱ʼvína (Isa 41:10-13). Va̱ʼatu ka̱ʼa̱nyó xíʼinra ña̱ ná taxi na̱ chíñu natúʼunyó xa̱ʼara xíʼin inka na̱ yiví, ña̱kán va̱ʼa ná kǒo kundi̱ʼi̱-iniyó kundooyó (1Ti 2:1, 2).
Tá ki̱vi̱ ku̱ndi̱va̱ʼana xíʼin ta̱ Pablo xíʼin ta̱ Pedro, na̱ cristiano na̱ xi̱ndoo tiempo xi̱naʼá ni̱ka̱ʼa̱nna xíʼin Ndióxi̱ xa̱ʼa na̱yóʼo ta ni̱ka̱ʼa̱nna ki̱vi̱ tá iin iinna xíʼinra (Hch 12:5; Ro 15:30, 31). Tá kǒo xíni̱yó ki̱vi̱ na̱ ñaniyó na̱ kúndi̱va̱ʼana xíʼin xa̱ʼa tu̱ʼun Ndióxi̱, va̱ʼa ka̱ʼa̱nyó ki̱vi̱ congregaciónna á ki̱vi̱ país nu̱ú ndóona á ki̱vi̱ ñuuna.