Na̱ ñuu Israel na̱ndósóna xa̱ʼa Jehová

Iin chiñu yo̱ʼvi̱ní ta̱xi Jehová ndaʼa̱ ta̱ Jeremías ña̱ va̱ʼa na̱ʼa̱ra ña̱ keʼéra xíʼin na̱ ñuu Judá xíʼin ñuu Jerusalén ña̱ ná kǒo kuta̱aka-inina.

Ta̱ Jeremías sa̱tára iin cinto ña̱ lino

13:1, 2

• Xa̱ʼa ña̱ chi̱ka̱a̱ra cinto tokóra kúni̱ kachiña ña̱ va̱ʼa xi̱táʼan na̱ ñuu Israel xíʼin Jehová.

Ta̱ Jeremías ni̱xa̱ʼa̱nra nda̱koora cinto yu̱ta Éufrates

13:3-5

• Chi̱se̱ʼéraña ti̱xin yu̱u̱ ta ndi̱kóra chí ñuu Jerusalén.

Ta̱ Jeremías ndi̱kóra chí Éufrates ña̱ nda̱kiʼinra cinto

13:6, 7

• Ña̱ cinto ndi̱ʼi-xa̱ʼavaña.

Jehová ni̱ka̱ʼa̱nra xíʼin ta̱ Jeremías ndáaña kúni̱ kachi ña̱ ke̱ʼéra tá xa̱a̱ ndi̱kóra ña̱ ke̱ʼéra ña̱ ni̱ka̱ʼa̱nra xíʼinra

13:8-11

• Xa̱ʼa ña̱ xi̱niso̱ʼo ta̱ profeta ña̱ ni̱ka̱ʼa̱n Jehová xíʼinra ña̱yóʼo chi̱ndeéña na̱ ñuu Israel ña̱ va̱ʼa na̱kunda̱a̱-inina xa̱ʼa ña̱ keʼé Jehová xíʼinna.