Taxi ndée ndaʼa̱ na̱ kǒo káchíñuka nu̱ú Ndióxi̱

Ndiʼi ku̱i̱ya̱, ku̱a̱ʼání na̱ ñaniyó na̱ va̱ása xáʼa̱nka reunión ndáa conmemoración kuitíva xáʼa̱nna. Na̱yóʼo va̱ʼaní xi̱ndasakáʼnuna Jehová tá ya̱chi̱, soo sa̱ndákoona ña̱ ndásakáʼnunara xa̱ʼa sava ña̱ ndo̱ʼona, ta nu̱ú folleto Jehová desea que vuelva káʼa̱nña xa̱ʼa savaña (Heb 12:1). Ndiʼi na̱yóʼo ndáyáʼvinína nu̱ú Jehová, chi ta̱xira se̱ʼera ni̱xi̱ʼi̱ xa̱ʼana (Hch 20:28; 1Pe 1:18, 19). ¿Nda̱saa kivi chindeéyó na̱yóʼo ña̱ va̱ʼa ndikóna kixina reunión?

Na̱ anciano chíndeé táʼanna xíʼin na̱yóʼo nda̱a̱ táki̱ʼva kéʼé iin ta̱ pastor nándukúra ndikachi sa̱na̱ra tí nda̱ñúʼu (Lu 15:4-7). Ña̱yóʼo náʼa̱ña ña̱ ndíʼiní-ini Jehová xa̱ʼana (Jer 23:3, 4). Soo su̱ví na̱ anciano kuití kúú na̱ kivi chindeé táʼan xíʼinna chi ndiʼivayó kivi chideé táʼan xíʼinna. Ndiʼi ña̱ ná keʼéyó ña̱ na̱ʼa̱yó ña̱ ndíʼi̱-iniyó xa̱ʼana, Jehová kusi̱íní-inira xíʼinña (Pr 19:17; Hch 20:35). Xa̱ʼa ña̱yóʼo ndakanixi̱ní xa̱ʼa iin na̱ kivi chindeé táʼún xíʼin, ta ndi̱ku̱n chindeé táʼún xíʼinna.

KOTO ÑA̱ VIDEO NÁ TAXIYÓ NDÉE NDAʼA̱ NA̱ KǑO KÁCHÍÑUKA NU̱Ú NDIÓXI̱ TÁNDI̱ʼI KEʼÉ ÑA̱ PREGUNTA YÓʼO:

• ¿Ndáaña ke̱ʼé ñá Abbey tá xi̱nitáʼanñá xíʼin iin ñá kǒo xáʼa̱nka reunión?

• ¿Nda̱chun xíniñúʼu ka̱ʼa̱nyó xíʼin na̱ anciano tá kúni̱yó chindeé táʼanyó xíʼin iin na̱ kǒo xáʼa̱nka reunión?

• ¿Ndáaña siʼna ke̱ʼé ñá Abbey saá ku̱a̱ʼa̱nñá kotoñá ñá Laura yichi̱ u̱vi̱?

• ¿Ndáa ki̱ʼva ni̱na̱ʼa̱ ñá Abbey ña̱ kúni̱ñá chindeé táʼanñá xíʼin ñá Laura?

• ¿Ndáaña sánáʼa̱ ña̱ ni̱ka̱ʼa̱n ta̱ Jesús miíyó ña̱ va̱xi nu̱ú Lucas 15:8-10?

• ¿Ndáaña ku̱u xa̱ʼa ña̱ chi̱ndeé táʼan ndiʼina xíʼin ñá Laura?